الرسوم المتحركه بمنتدي العجماان لايطوووفكم

[راعية الونيت]

السلام عليكم ورحمة الله وبركااته

وانا قاعده بريحاااتي وحدي وفكري يروح ويجي طرة علي بالي هالفكره وحبيت اسويهاا موضوع اتمني يعجبكم والحين ياعزائي ارجعوو قرري بذاكرتكم إلي الوراء ايه بعد ارجعوو



ارجعوو


ايه بس لي هني




رحلة سندباد >>>>شخبااري صراحه هالرسوم ماحبه بس اختي الكبيره تموت عليه
حتي عندها كل اجزاءه






السناافر احلي رسوم شرشبيل اهب يوجه مادانيه



عدنان ولينه >> لينه كانت تقصر خاطري بس اتبكبك ولرفيق عدنان ابوكشه ياهو غبي مفهي



لولو الصغيره ورفيقه البطه



ماروركو تدبل كبدي لما تقول اديدا ايدا


ساندي بل يازينه ويازين شباصاتها الي اكبر من راسهاا ستاايل




نحول



رحلة عنااابه هي وغوريها الي يتحكي



سااالي احلي رسوم وقصه مؤثره يزينها زيناه اشهدنهاا مزيونه الي رسمهاا ابدع




صاحب الظل الطويل عااد هذا رسومي المفضل لبي عينهاا جودي ابوت هي وقرونها الطايره






رسوم بومبو اذكر اني نشبت بحلق ابي الا يشتريلي سياره وشرالي طبعاا لعبه بس اكتشفت انها ماتحكي
وبكيت يومهاا لين صفي راسي



النمر المقنع كنت اتابعه وشجعه بعد



رسوم حكايات عالميه عجيب وغنيته احلي



كابتن ماجد الفتي الوسيم وهو صغير الي محطم قلوب البنات وانا وحده منهم>>> يناس والله مزيون



غرينديزر



باباي الله يقطع بليسه كنت كل ماشوفه اروح اكل سبانخ معني مادانيهاا اتغصبهاا بس عشان اصير مثله قويه صدق بزر>>>يليتني ارد بزر



شووووووشوووووووو طووووووووووووووووطووووووووووووووووو

انقطع لرسال وانتهي البث التجريبي عودوو بالذاكره الي الامام واستمتعو بأيام الشباب لان لا تحاولون ماراح ترجعون لذيك الايام


اتمني عجبكم الموضوع وانعشتم ذاكرتكم >>>>> والله انا هالرسومات احلي من بيكيمون وشلته

[الجلمود]

الغاليه راعيت الوانيت


كل الشكرعلى ترجيعنا للوراء ذكرايات الطفوله

[راعية الونيت]

العفو
تسلم عالمرور

[كنتـ هايم ـرول]

هههه راعية الوانيت تتعاطين شي ..
وش ذا كل الموضوع اخطاء املائيه ..
اقصد كل الموضوع رسوم قديمه وفي نفس الوقت سخيفه حتى اني ماعرف اساميها ..
لاتزعلين .. ترا انتي حلا المنتدى كله وظريفة المنتدى .. بس انا احب امزح فهل من
معااتب ..؟ هههه شااكر لك الوضايع << يغلط ويقلد راعية الوانيت ..
شااكر لك المواضيع الطريفه والجميله .. ولاتحرمينا من هيك مواضيع .. اخوك راعي
الهايلكس اقصد اخوك هايم ..,.,.,... اذا زعلانه قولي لاعاد تمزح خلاص .. اتقفنا ؟

[_عكش الهدب_]

ههههههههههههه والله انش ذكرتينا باياام اطفوووله
يسلموو على الموضوع خيتووو

[باهى الخد]

ذكريات جميله, يسلموا......

[‏وَتـے ـيــنْ]

لووووووووووووووول

الظاهر انش نسيتي اهم فلم كرتون ( ريمي ) كان غرامي وللحين مع انني ما تابعته بس احب الاغنية حقتها يا اختي صوتها عذاب << كانت تتمنى تصير نفسها



واذا انتي تحبين ماجد انا احب الفريدو هذا ابو الشعر الاشقر اللي ينظف المداخن يا زينه زينااه << للحين متحطمة عليه



وبساندي بل كنت احبها لما تقول ( ساندي بل .. بل ) وتهز رقبتها خخخخخخخخخخخخخخ والله ايام

اما سالي فكانت فتاة احلامي يوم كنت صغيرة كنت اقول حق امي لما اكبر ابي اصير نفسها << بزر ههههههههههااااي



بس صج اللي رسمها فناااااااااااان

لا هنتي يا راعية الونيت عالموضوع الحلو وعساج عالقوة يا رب

[مـزعـّلـة ـآلـنـسآـآ]

مشكووووووووووووووورهـ رجعتينآ ورى عشر سنين ..


تسلمين حبووووبه ..

[مـزعـّلـة ـآلـنـسآـآ]

بخ بخ بخ

جبت كم رسوم نسيتي عنهآ .. وكنت ومآ زلت أحبهآ ..

ليدي
:


صآحب الظل الطويـل
:


وبومبو السيآرهـ << يآ حبني لهآ ..
:

[راعية الونيت]

المشاركة الأصلية كتبت بواسطة كنتـ هايم ـرول

هههه راعية الوانيت تتعاطين شي ..
وش ذا كل الموضوع اخطاء املائيه ..
اقصد كل الموضوع رسوم قديمه وفي نفس الوقت سخيفه حتى اني ماعرف اساميها ..
لاتزعلين .. ترا انتي حلا المنتدى كله وظريفة المنتدى .. بس انا احب امزح فهل من
معااتب ..؟ هههه شااكر لك الوضايع << يغلط ويقلد راعية الوانيت ..
شااكر لك المواضيع الطريفه والجميله .. ولاتحرمينا من هيك مواضيع .. اخوك راعي
الهايلكس اقصد اخوك هايم ..,.,.,... اذا زعلانه قولي لاعاد تمزح خلاص .. اتقفنا ؟

وشذاا صدمتني يالظالم رسوم سخيفه لا وكملتهاا بعد قديمه شي اكيد بتكون قديمه لان الحين كم عمرناا وهذي الي لحقنا عليها تقريباا ..
بعدين شلون مالحقت عليهاا شكلك من مواليد السبعيناات
وتقلدني بعد يالله نزل موضوع عشان اشن عليك هجوم ارض جو >> حدهاا حقدت

لا بالعكس مازعلت مرورك اسعدني وهناا نتقبل النقد بالعكس
اسعدني مرورك