السلام عليكم ورحمة الله وبركاته
..
..
بدون مقدمات ارككم مع فلسفة الشاعر الكبير / سعد الودعاني
ابشـرك انـا بخـيـر ولاعـلـي والله خــلاف = في كل يوم يطل حزن .. يطل نفـس الوقـت عيـد
لاتحسب ان اكبر همومي شعـر وتركيبـات قـاف = اواخر احلامـي بروز .. اواكبـر افكـاري قصيـد
المشكله اني بس شايـف شـي خافـي مايشـاف = شي احس اني عليه اصبحت فـي العالـم شهيـد
بيـن الخفيفـات الثقيلـة .. والثقيـلات الخـفـاف !! = بيـن البعيـدات القريبـة .. والقريـبـات البعـيـد !!
(( الحـق )) كيـف يقـال لاصـارت نواظرنـا تخـاف ؟ = من كل زول ،، وكل شكل ،، وكل وجه ،، وكـل إيـد
(( امه ))اجل مليار نفس ولااختـراع ولااكتشـاف؟! = والمشكله ان كل واحد منهـم يقـول انـه سعيـد
(( الدين ))مابه دين صدق .. العلم في حالـة جفـاف = المعرفـة تكـاد تعدم .. الجهـل حـالـه يـزيـد
حاجة طبيعيـة .. يعـم الفسـق ويمـوت العفـاف !!= حاجـة طبيعيـة .. يعـم الريب ويمـوت الأكـيـد !!
حاجة طبيعيـة .. يزيـد الفجـر وتطـول العجـاف !! = حاجـة طبيعيـة .. يزيـد الكفـر ويطـول المديـد !!
حاجة طبيعيـة .. يطـول ابليـس ويزيـد اختـلاف !! = حاجـة طبيعيـة .. يزيـد الاختـلاف يزيـد كـيـد !!
الوضـع شكلـه منتكس .. الاستقامـة انحـراف ! = الشكل هذا من سبب وش قال : عمر ؟ وش قال : زيد؟
اللـي عبـد لـه ادمـي اخـوك يا عبدالمـنـاف = لاصار ذالـه ذاه سيد .. هـذاك لـه هـذاك سيـد !!
واللي ماهوب يقدس الله غير في (( صحـن الطـواف )) = الظاهر ان غير التعـب مـن عمرتـه مايستفيـد !!
المسألـة ماهـي سعـي ولابعـد حالـة طـواف = فيها قبل / فيها بعد / ويـن أنـت مـن رب العبيـد ؟
لاصرت ماتذكره ياللـي ( نبضتـه تحـت النحـاف ) = مهما اقتربت من الشعائـر والنسـك عنـه بعيـد
ان كـان ماتمـلاه ذكـر يجعلـه مـن النظـاف = وش فايده وما اعتلق بـه مـن شراييـن ووريـد !!؟
والنفس .. اذا ماخالفت الأهـواء وشافـت ماتعـاف = يصير ذنبك لك قدم ، وتصيـر لـه ساعـي بريـد
والجرف .. لامن صار هاري لـو تمسـك بالحـواف = مهما تشـد ايديـك فيها ، ايديـك مـا والله تفيـد
لابد من نجمع سوى مثل الطيـور اللـي صـواف = كـل يسوقـه شاهـد عليـه مـن ربـه عتيـد
(( توبـة )) اذا لابـد مـن حالـة ندامـة واعتـراف = (( عصيان )) اذا لابـد راسـك فيـه شيطـان مريـد
..
اخوكم
17-02-2008, 05:21 AM
حاجة طبيعية !!
العرض العادي
