لاهنت يا اللي مزعلك موت صـدام

[عيد بن شدقان]

السلام عليكم


بدون مقدمات اليكم هذه الرائعه

سبحان خلاق البشر عـدّة أقسـام=علاّم مـا نعلـم بسـرّه وغيبـه
خلاّ العباد أنواع وعقولهـا أحجـام=وكلٍ على عرفـه وخبثـه وطيبـه
يا مقّدم الأخبارعنـدك نبـأ هـام=عاجل على الشاشه وقمت أتعدي به
وحنّـا تطيرّنـا ذعاذيـع الأنسـام=نكفخ مابين المخطيـه والمصيبـه
شعّار لو نلقا لنـا مصـدر إلهـام=قمنا نخـم الشعـر ونطـرّ جيبـه
العاطفه ترمي بنا وسـط الاوهـام=ونصنع بها في كـل ليلـه حبيبـه
ندفـع قرايحنـا لتحقيـق الأحـلام=واللـي توديّـه القريحـه تجيبـه
الزيف ما يبقى علـى مـر الأيـام=والصدق ماهو عيب والكذب خيبـه
ومن لا يذوق الضيم ماهوب منضام=والظلم من لا عايشه ما دري بـه
لاهنت يا اللي مزعلك موت صـدام=ضايق علشان الوجيـه الغضيبـه
ما اوحيت ونات الارامـل والايتـام=ولا غدالـك كبـر حـب الزبيبـه
عايش بخير وفي سماك الفرح حام=وأكبر همومك وين مفلى النجيبـه
والعنصريه مالها شـرع وأحكـام=تبصرّوا يا اهـل القلـوب اللبيبـه
فتوى صريحه مابها طـقّ وإلحـام=ومضمونها مافيـه شكّـه وريبـه
أفتابها اللي عن هل الديـن مقـدام=عسى الجنان الخالده مـن نصيبـه
قد قالهـا صـدام كافـر وظـلام=ولو يدّعي بالدين مـا نقتـدي بـه
صحيح ما نرضا بتوقيـت الإعـدام=ولابد حبل المشنقـه يلتـوي بـه
الموت والله موت من عزّ الإسـلام=ماهوب موت اللي حياتـه مصيبـه
لــــــــــ ســــداح

[عبدالناصر آل عبدان]

الأخ عيد بن شدقان


ارررحب



وموت صدام عبره لمن لايعتبر


صح لسانك

وصح لسان ابوبندر




ودعتك الله

[عـ100ـج]

ومن لا يذوق الضيم ماهوب منضام
والظلم من لا عايشه ما دري بـه
لاهنت يا اللي مزعلك موت صدام
ضايق علشان الوجيـه الغضيبـه
ما اوحيت ونات الارامل والايتـام
ولا غدالـك كبـر حـب الزبيبـه


كفـــّا وفــــّا الشاعر واناملك يا اخ عيد


لك كل احترامي وتقديري

[rimas]

الله الله الله الله
الله الله الله
الله الله
الله

صح الله السانك والسان الشاعر

تسلم يمينك على هذا النقل الرااااائع والاختيااار الاروع

دمتم بود

[شرس]

صح السان الشاعر سداح

ولاهنت
عيد بن شدقان

فعلا صدام عباره عن مزبله

وهذا جزاء كل من عاث بالارض فساد

وجعله جهنم والي يحبه

وتقبل اعظم تحيه لك

[هادي المبخوت]

الاخ ابن شدقان لاهنت على النقل ......... وصح لسان شاعرها

[بن بداح]

يا جماعه اذكرو محاسن موتاكم

انا ما ادافع عنه عشان محد يفهمني غلط

بس خلو بينه وبين الله ..الله حسيبه وحسيبهم وحسيب الرافضه

الحمد لله ان اقامو عليه شرع الله لكن المصيبه انه بالاشهر الحرم

وحرمتها كبيره عند الله والا الاعدام اولاله من اي شي ثاني

وحن ما ندري اذا تاب والا لا وهل الله تقبل والا لا فخلو بينه وبين الله

ومافي داعي للسب

انا ضد صدام لكن اذا نقيم شرع الله فل نقيمه كامل

[وردة العجمـان]

صح السان الشاعر سداح

وتسلم اخوي عيد عالنقل المميز

[الــحـشـاشـــه]

ومن لا يذوق الضيم ماهوب منضام
والظلم من لا عايشه مـا دري بـه

قـــصيده عـالمــيه روعــه


صح لــسان شاعــرهـا

ولاهنت يا عيد على الـــنقل الـــطيب والاخـــتيار الرائــع والمميـــز

تــــقــــبل تــــحيااتـــي

[بن بداح]

السموحه اثرني مفهي