طلب قصيدة الله لايهينكـم .. !!

[شمري بكيفووه !]

][ بسم الله الرحمن الرحيم ][

][ السلإأم عليكم ][

صأح الخير أحبتي

أنا أبي أطلب منكم طلب وأتمنى أنكم تلبونه

وهالطلب قصيدة لشإأعر عجمي

أنا مأني حافظ الأبيإأت لكـن أللي أعرفـه هالقصه

وهذي هي القصـه وأللي عنده عـلـم يفيدنا بالقصيدة

ولاهنتو

القصه = هي أني عجمي يحب لـه مـريـه ويصأإرح أهل المريـه بحبه لـهـا

وعقب يالربع تطلع المريـه أمـه

وأتمنى أللي عنده علم يفيدنا عن أسم الشإأعر وعن القصيده

وأتمنى أنكم تلبون الطلب

ولاهنتم ..

[فلاح بن ملبز]

السلام عليكم ورحمة الله وبركاته

مرحبا يا الشمري

القصيده لـشاعر / محمد بن راشد بن الذيب

وابشر بشوفها لك واجيبها

[شمري بكيفووه !]

مرإأحب يافلإأح

تسلم يالغلإأ

وبإنتظار القصيدة


لاهنت يابعد حيي

[ولد البدو]

فالك الطيب

يا خوي
عندك القصيدة

ياحسن من عادني طفل مانيب أسمّي

معظم الأشياء باسماها وقدني صيّه

كل ماقالوا عروبه قمت أشمّر كمّي

العروبه سوقها طايح على ربـيّه

اسمـع بقومية معمر وذبح الذمي

لكن الذمي بخير وماتت القوميّه

بس أنا من هل قطر ولانيب مهتمّي

لي مع بوش الابن علاقة شخصيّه

عندنا أكبر قاعده تشرب زحاح السمّي

يعني امريكا خويتنا ماحن بشويّه

أي واحد منكم يحاول يفوّر دمّي

والله ان أعلّم القوات الأمريكيّه

مشكلة شاعركم انه مايخص يعمّي

تختلط الأفكار والشرهه على النفسيّه

ابردي يالهفة الجمهور والا حمّي

مستعد أضحك الجمهور في مرثيّه

وياهجوسي نمّي الفكره وانا بنمّي

دهشة الجمهور من تركيبة القافيّه

من ثمان سنين أبغى اكتب قصيده فأمي

بس أخاف ان الرجال تقول وش داعيّه

وانته جنوبك كبار وعظمك الملتمّي

مايساعد هيكلك أصلا على الحنيّه

لين مرّه من حدى المرات لدّت يمّت

غترتي في حضني ومدري وين الطاقيّه

قالت محمد وقلت عروق قلبي سمّي

قالت محمد وقلت العز ياطاريّه

قالت العجمان لو تطمع بشربت دمّي

وش تسوي وانت عجمي وامك المريه

قلت لاتموتين والا مت شيلي همّي

يافديت رجولش الثنتين يارهابيّه

دوريلي ثار مايمتد لابنا عمّي

ماهيب لحية بني عمّي قالت لي هيّه

انحري عود الضلوع الكايدات وزمّي

واسكني قلبي بحد السيف والشبريّه

وخلّي اذنش ثابته واللي تسولف فأمي

والله ان اذبح من العجمان لك عجميّه

ويمكن أطلّع ابي من قبره المنطمّي

وأذبحه تسعين ذبحه بالدموع الحيّه

أذبحوني يآل مرّه واستبيحوا دمّي

والله ان اموت وانا احب لي مريّه

لاحد يفهم خطا ترى القصيدة في أمي

قلتها وانا حزين وجت تلقائيّه


من كلمات / محمد الذيب

والسموووحه منكم عالقصور .