كـــلا ً على معمـر يهـج ركابه
يالله جعل مايصيبنا اللي صابه
حاكم وكان أسمه يهز العالــم
واليوم باروا به جميع أصحابــه
وحنا العرب نضحك ونرسل عنه
سوالف ٍ بأسمه وهي كـذابــــه
نضحك عليه وقصته حـــزينـــه
ماكن حنا مسلمين ولابـــــــــه
لو واحد ٍ منكم رئيس لدولـــــه
وبنا وعمر يوم كانت غـابـــــــه
هو بيتنحا أو بيطلـــع بـــــــــرا
ويروح من داره وريـــح ترابــــه
وحنا المواطن لا رحل من داره
من شوقه أتضيق عليه ثيابـــــه
أبن علي شلوه عقبه حسنــــي
واليوم لمعمر سعوا طلابــــــــه
وقابوس مع بشــار واليمــــاني
وأبن خليفه .!. نارهم شبـــابه
الله يستر ويش باقي بكـــــره
ثوراتهم منهي لفت باأسبابــه
الغرب للأسلام سوا خطــــه
شبو الفتن والكل كشر نابـــه
يبغون خيرات العرب بأكملهـا
ويطرشون جنودهم سلابـــه
ماسدنا اللي صار في الفلوجـه
وخلوا العراق من المجازر غابـه
النفط صدر عقبهم لأمريكـــــا
ماقيل ذا خير البلاد أولابــــه
يا أمــــة محمد تراهـــــا بلــوا
لاتضحكون يصيبكم ماصابـــه
أبكوا على حال العرب بأكملهـا
وأدعوا عسا ربــي يعــــز كتابـه
__________________
أضــغــط على pLAY
01-05-2011, 10:19 PM
العرض المتطور
