الزمن الجميييييييل ...ّ

[الفريض]

الزمن الجميل .....
نستذكر من خلاله أجمل القصائد والابيات لشعراء غابوا عنا وما زالت تجاربهم تسكن ديار أرواحنا...
وهذه المقتطفات الشعريه اخترتها لكم وهي من أشعار الشاعر متعب التركي شاعر شمالي اعتزل الشعر من فتره طويله تستوقفني اشعار هذا الشاعر المميز ...



ظلال




وش طرالك ..بعثت اليوم برساله
كم سنه وانت ما عبرت مرسالي

اصل الايام ... رحالـه ونزالـه
من شرب مرها يشتاق للحالـي

بس الانسان مهما ضاقت أحواله
الصبر زين ..والايـام بقبالـي

وش على الناس لو رجلي تعناله
ليه ما يشره الغالي على الغالـي

انشد اللي عرف زولك من ظلاله
بينهم بس زولك غير الازوالـي






طويق وسنام




لك بقلبي غلا واعجاب ماهو بزايـل
لو عن الارض زال طويق وسنـام

كن دمع العيون اللي على الخد سايل
صافي الماء وهو يسقي ورود الخزام

راوي العوده لا قاصر ولا هو بطايل
ينعرف زولها وهي بوسط الزحـام






عيب الوفا




احلى سنين العمر ...راحت هدايـا
لك يا مجازي بالردى راعي الطيب

لي في حياتـك ذكريـات وخفايـا
تبقى ولو باكر غزا راسك الشيـب

والا الوفا مـا لـه بقلبـك بقايـا
عند الذي مثلك أضن الوفا عيـب





انتظار




كان قصدك من الهجـران ود وتسلـي
يقصر الدرب لو ضنيت دربك طويـل

وكان قصدك تبي شوف انكساري وذلي
يفنى العمر ما تفـرح بشوفـي ذليـل







كل المشاعر




ما عاد لي قلب حتى ياخذه غيرك
أفنيت كل المشاعر يـا معذبهـا







نزوهـ




بالهون عطني لو دقايق بوادعك
خل الوداع برغبتي واختيـاري

مبطي وانا شايف جفاك وتسرعك
يا طول بالي يوم أشوف انتظاري

اتبع هواك وروح ما ني بمانعك
دام انت عبد لكل نزوه وطـاري






جرح الورق




لا تتعب ركابك شف اللي يريحـك
ما تاقف الدنيا على فـراق عشـاق

حتى بوداعك ما قدرت اني اجرحك
رمح القوافي ما جرح بيض الاوراق






تعبت




متى ذكرتينـي عشـان تنسيـن
خليك مره صادقـه وانصفينـي

في وقت واحد تكرهين وتحبيـن
انا تعبت استحملـك واعذرينـي

حب سرق من عمري ايام وسنين
مثل الهوا مـا يمسكنـه يدينـي







راحه




ماهو بقلبي كان ما عـود معيـف
قطع الرجا في بعض الاحيان راحه






تسليم




ما أشوف لبحور القصايـد موانـي
ولا عاد أشيل من الغلا كثر ما شلت

يا ما خذوا مني ولا احـد عطانـي
و يا ما سمعت من الكلام وتجاهلت

وان ضاق صدري والزمان ابتلاني
يممت وجهـي للكريـم وتوسلـت






هم الغيبه





لو كانت الغيبه مثل ما تصورت
ما شلت همه يوم طول غيابـه






من متى




البسي لك ثوب غير اللي عليك
من لبس ثوب الغرور اكبر غبي

تحسبين الناس خاتم فـي يديـك
من متى والعاطفه تؤخذ سبـي

فز لك قلبي وانا قمت احتريـك
والكريم يسير لضيوفـه حبـي






ليالي السنين




ضحيت بالواقع على شان الاحلام
وضحيت بالغالي عشـان غالـي

حتى الغرام اللي كسر قلبي العام
ما ني بحاله كان ماهـو بحالـي

ما ينحسب عمر البنادم بالاعوام
بعض السنين نعيش فيها ليالـي





نور وظلام




يوم انا قلت شق النور معذور
نور وجهك فضح ليل الجديله






توحد




اتعب وغيري يجي يا خذ على الراحه
من حظ غيري وانا اللي زارع وساقي






انا وانت




احد يخون و واحد الوقت خانه
انا ترى الثاني والاول تراه انت







العشرهـ




العشرة اللي تسبب في معاناتي
ان جيتي الحق لا والله ما ابيها







كان شاعرها




اليا انشدوك العرب وش بينك وبيني
قولي حياتي قصيده كان شاعرهـا





شفها




ياليت مجروح الهوى جرحه يشاف
لا اقول قرب من جروحك وشفها






حتى الدرب




أدري ان الزعل حجـه عشـان الجفـا
ادري أبسمعهـا بعـد مـن شـفـاك

تختفي وانت خابر جرحنـا مـا خفـا
كلهم شايفين الجـرح وانـت بعمـاك

قلبي اللي صفالك مـا لغيـرك صفـا
جاك من طيبه وعاف الهوى من رداك

القدم من طويـل الـدرب مـل وحفـا
والنظر طاح من دونك .. وسرب وراك





متعب التركي
المصدر مجلة المختلف .... وارجوا ان تنال رضاكم

منــــــــقــــــــول ،،

[عذب المعاني]

صح لـسان شـاعرها ولاهـان نـاقلها

[مطلق الخالدي]

لايخفى علينا
الشاعر متعب التركي
فهو شاعر كبير
وغني عن التعريف
ـــــــــــــــــــــــــــ
صح لسان شاعرها
ولاهان ناقلها
تقبل مروري

[مـح,مـد بـن راشـد]

صح لسان شاعرها
ولاهان ناقلها
تقبل مروري

[الفريض]

ومنـ قالـ مايهونـ

اسعدنيـ مروركـ العطر

تحيــــــــــــــــــــــــــاتيـ ،،

[الفريض]

المشاركة الأصلية كتبت بواسطة مطلق الخالدي

لايخفى علينا
الشاعر متعب التركي
فهو شاعر كبير
وغني عن التعريف
ـــــــــــــــــــــــــــ
صح لسان شاعرها
ولاهان ناقلها
تقبل مروري

ومنـ قالـ مايهونـ

اسعدنيـ مروركـ العطر

تحيــــــــــــــــــــــــــاتيـ ،،

[الفريض]

المشاركة الأصلية كتبت بواسطة مـح,مـد بـن راشـد

صح لسان شاعرها
ولاهان ناقلها
تقبل مروري

ومنـ قالـ مايهونـ

اسعدنيـ مروركـ العطر

تحيــــــــــــــــــــــــــاتيـ ،،

[قلـبي طفـل مغـرور]

صح لسااااانك ولسااان شاااعرها

[الفريض]

المشاركة الأصلية كتبت بواسطة قلـبي طفـل مغـرور

صح لسااااانك ولسااان شاااعرها

صحـ بدنكـ

لاهنتيـ

اسعدنيـ مروركـ العطر

تحيـــــــــــــــــــــــــــــاتيـ ،،

[ابو شقره]

الفريض
لاهنت على النقل الموفق
والاختيار الذوق
وصح لسان شاعره