شـــبــه مـكــسور؟

‏• فِرِِقِآإڪ خِيرِِهِہ © · #1 03-05-2010, 03:23 PM

السلام عليكم ورحمة الله وبركاته

انا حزين وخاطري شبه مكسور
ودامه شبه مكسور .. لا تكسرينه
خليه بين القلب وعيونك الحور
ضايق صدر ونفوس الايام شينه
جيت ومعي قلب امتلى شعر وشعور
ومقدمٍ راحتهْ في راحتينه
قلبٍ ثبت يوم اغلب العالم تدور
الله يلهمه الصبر .. والسكينه
مايزعل .. الا لا لحق حلمه قصور
ولا طمع غير برضى والدينه ،
متواضع ومايشعر بكبر وغرور
الا ليا ضمت يدينك / يدينه
دايم معك لا حدك الوقت والجور
ما اذكر انك قلتي بيوم : وينه !
لو صدق مايشتاق ويحن ويثور
ويظنك ليا مر وقت .. بتجينه
ماشاف هالاربع ليال / اربع شهور
وماكانت العين الحزينه .. حزينه
للشرح والتبرير ماهوب مجبور
لانه اختصر مجمل علومه ، بعينه
مشتاق لك يا طلة الصبح والنور
لمعانقك تسبق يساره / يمينه
كنه يقول لباقي العمر مشكور
ويقبل ايامه ويحضن سنينه ،
ترك عشانك حلم وافراح وسرور
وشلون بأول مشكلة تتركينه ؟