الشاعر الكبير فهد بن فردوس ال سليمان
هذه احد روائع الشاعر فهد بن فردوس
وهي في العجمان ويام واتمنى ان تنال اعجابكم
آم من دمع على الخدين سايل=بالوصايف انتثر صب المزادي
ماخطر بالبال ياتي له دلايل=ويتبين كل ما كن الفوادي
قربولي من عطى الرحمن حايل=حايل تدني بعيدات الريادي
حايل من ساس عيران اصايل=تصل المشتاق ديران بعادي
فوقها تنحر طريين الفعايل=ربعي العجمان ذربين الايادي
لا لفيت اديار وافين الخصايل=بلغوهم لي سلامن بزديادي
لاوصلتو بين هذيك النزايل=وانتهينا واهتنينا بالقعادي
زين مشين بينهم ماهي رسايل=للكبار اكبار واللي بالمهادي
ربعي اللي تحتمل لا جت وهايل=في جميع امورها تمشي اسنادي
فضلهم مشهور من بين القبايل=بالكرم والطيب من بين العبادي
وفعلهم مشهور من عصر الاوايل=فالعصور الماضيه واللي جدادي
فعلهم للناس تضرب له مثايل=لا حصل يوم عبوس به تنادي
ربعي العجمان حامين الهزايل=كم عقيدن طوحو به كالوسادي
ربعي العجمان حامين الدبايل=لاحصل ذبح وضرب بالهنادي
لازهمنا يام تكعم كل عايل=صلب يام اليا نهق عير الرشادي
يام والله يام لا جات الصمايل=من حربهم حل في جمعه نفادي
من حربهم راح يبراله وشايل=مسلس بالقود عجل بالمقادي
ربعي اللي جندلو من كل صايل=كم هنوفن درعوها بالحدادي
من حبلهم طاح طوله فالحبايل=طاح طوله يوم داسوه العوادي
ومن بغى لسلومهم ماهو بطايل=سلمهم يصعب على كل البوادي
والقصيده اطول من ذلك
وهذى اللي حصلت عليه منها
18-09-2004, 04:05 PM
العرض العادي
