..{{ شايب & ملكعه }}..

الظبيه العنزي · #1 18-02-2010, 07:08 PM

شايب هواوي وبنت ملكعه

بدايه القصه عن شايب اسمه حمدان وهواوي

( قلبه خضر ) ما يشوف بنت الا ينفتن ومشهور بانه حبيب

فيه بنت ملكعه وصاحبة مقالب قالت في نفسها انا ليه ما اروح للشايب وامزح معه

واضحكه شوي واشوف ردة فعله كيف تكون :

راحت له وردت عليه السلام كيف حالك يا شايب رد السلام والله بخير الله يعافيس

وفجأه عطته ظهرها ومشت ولااستئذان ولا شي ؟؟

ولع الشايب من حركتها قال فيها كم بيت يستعطفها فيها ويقول لانها ذكرته الماضي

و اذا ما عطيتيني وجه لحقت باخوي حمود اللي في قبره ويذكرالتاريخ واليوم اللي قابلها فيه

يقول الشايب :
v
v
v

يا بنت خوذي خاطري و ارحميني
لا تجرحين العود بعيونك السـود

غضي نظرك وغطي الوجنتيني
لعل يومٍ جدد الجرح مـا يعـود

يوم انتهى مع مرمسات السنينـي
جتني صواديفه علىغير مقصود

باول شهر عشره نهار الثنينـي
حمدان مروا به على جنازة حمود

البنت كانت تقصد من استفزازه انها تجاريه في الشعر وترد عليه والمسكين ما كان

يدري انها شاعره وعلى باله ما خذ راحته في التغزل ردت عليه وهزأته

تقول البنت
v
v
v

يا شايب الرحمن وينـك ووينـي
عزي لحالك قدمك الباب مسـدود

قلبك عطوف وجاه قلـبٍمتينـي
والبنت ما تشفق على مغازل العود

حبل الرجا مقطوع بينك وبينـي
مثل الغليث اللي رعا قلبه الـدود

اقفى شبابـك والعـرب مقبلينـي
يا عود ما يرجع من العمر مفقود

حطمته يوم قالت له انك عود وان الشباب ما يرجع وان مافيه امل تعطيه وجه حس

العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه

يقول حمدان :

v
v
v
v

يا بنت صدي بالعيـون الظليلـه
لاصد عنك الله نهـار القيامـه

مالي ومالك يالفـروع الطويلـه
لو فيك من رسمالبـداوه علامـه

يابنت ما لـي بالثمانيـن حيلـه
اهدف كما تهدف على البير قامه

اقفى شبابي والدهر شفـت ميلـه
يالله حسـن الخاتمـه والسلامـه

اعطيك موجز والبضاعـه قليلـه
واخذت لك من صافي الماء سنامه

راحت الايام والشايب مسكين سنه خذله معها شايب وهي بنت وتقول له كيف اعطي شايب وجه

بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين

لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي

منها غير التحيه والترحيب

يقول حمدان

v
v
v

يا بنت ما جاس الكبر والخشونـه
وعادت شباب اليوم يجفل من الشيب

ياسرع ما وبلـك تمـزع مزونـه
يالفاتنه يـا ام الثمـان الرعابيـب

يا بنت ما بينـي وبينـك مهونـه
كلمة شرف نبي تحيـه وترحيـب

الله مـن عـودٍ ثقيلـه طنـونـه
ينصاه راع المشكلـه والمواجيـب

على الكرم والديـن نفسـه حنونـه
تلقاه بالاجـواد شـرق وتغاريـب

جهز الابيات وارسلها مع عجوزو وعد العجوز بهديه اذا وصلت الرساله لها

راحت العجوز وعطت البنت الابيات شافتها البنت وقفلت على العجوز في

غرفه وقالت مثل ما جيتي بابياته ترجعين بابياتي

العجوز مسكينه قالت طلعيني ولا ابي منكم شي الله لا يعودكم انتم واوراقكم

ردت البنت ابيات اقوى من الاولى واكثر تحطيم مسكين الشايب ما احد رحمه حتى

لو حاول يستعطف

تقول البنت

v
v
v

العود عود وطايحـاتٍ سنونـه
من كثر ما يرقد على جرة الذيب

عودٍ مهرقل والعرب مايبونـه
ياعود ما لك في طويل المراقيب

اقفى شباب العود راحت حتونـه
مثل اليتيم اللي بكا ما له مجيب

جداه ينثر دمعة ٍ مـن عيونـه
غريق موجٍ ما لقاله مقاضيـب

وسلامتكم

حمد بن فهد · #2 18-02-2010, 08:48 PM

قلبه اخضر ذالشايب

و البنت ملكعه

لاهنتي يا الضبيه على القصه

ودي قبل ردي

مادموزيل دندش · #3 18-02-2010, 11:15 PM

ظـبـيـه الـعـنـزي
.
قصة روعة روعة بس البنوته شـريـرة مالـقت غيرسنين جدها

تـضـحك عـليـه

ظبية من فضلش سـؤال ثـقافـي شـنو يعني ملكعة ؟؟؟؟

لش سـلامي

الظبيه العنزي · #4 19-02-2010, 11:22 AM

اقتباس:

المشاركة الأصلية كتبت بواسطة حمد بن فهد

قلبه اخضر ذالشايب

و البنت ملكعه

لاهنتي يا الضبيه على القصه

ودي قبل ردي

تشكر يابن فهد على الحضور ولاهنت

الظبيه العنزي · #5 19-02-2010, 11:25 AM

اقتباس:

المشاركة الأصلية كتبت بواسطة مادموزيل دندش

ظـبـيـه الـعـنـزي
.
قصة روعة روعة بس البنوته شـريـرة مالـقت غيرسنين جدها

تـضـحك عـليـه

ظبية من فضلش سـؤال ثـقافـي شـنو يعني ملكعة ؟؟؟؟

لش سـلامي

يالله حي دندوشه نورتي المتصفح يالغاليه

ملكعه = عوووبه وفطينه وام لسان وباخصه بكل شئ...الخ<<<< اذا اجتمعت كل هالصفات في بنت تكون ملكعه تلكيييع وانا اختج