السلام عليكم ورحمة الله وبركاته
اسعد الله اوقاتكم بكل خير
راحت وخلت لي دموع ومناديل=خلَت بقايا كحلها في أثرها
خلَتـني في حلق الشقا والغرابيل=أشره على أيامي واعاتب شهرها
تكتبني أقداري بجوف الفناجيل=ماكنت أصدق لين باحت سفرها
من بعدها والأرض تشكي ضما السيل=بغيابها غابت سحايب مطرها
أبعد علي امن الجفا..؟ للمواصيل=لو هي مسافه..خطوتي أختصرها
بنتٍ غريبة تجمع الصبح والليل=في شعرها ليل وصباح ابنحرها
الله خلقها فتنةٍ لاااخر الجيل=عشان من لا يعتبر يعتبرها
قلبي معاها ولا أنا مابدي حيل=مهما تمادت في خطاها عذرها
من ليلة الفرقا..وانا اكابد الويل=اليا ذكرت افراقها أحتضرها
تقول أِشوفك..لابدا مطلع أسهيل=واليوم لي عامين وانا أنتظرها
ماقول أنا مخلوق لجل البهاذيل=راضي على حكم الليال وقدرها
اللي بقى منها دموع ومناديل=وكحلٍ حلف لي ما يفارق..أثرها
31-08-2009, 08:23 AM
العرض العادي
