واليوم! راح السَبْت,والسَبْت,والسَبْـت ,, سَبتيَن..والثالث! حداني علىْ اقصـاي

[جطلي بن فهد]

للتواصل..!


مجنونـه الفرقا,ومـدعـاه للكَـبْـت
تَنبَت بها الوَنَّه, ويصدح بهـا النـاي
في صدري المكبوت!..للحزن رَتَّبْـت
مجلس.. وانا! صار اشهَب الهَمّ مركاي
وللبُعد طبت.. ومن عنى البُعد! ماطبت
كَنِّـه يبـي عَزْلي,وطَردي,ومنـفـاي
ياهـو غيـابٍ مـع مداده!..تشَعَّبْـت
كِلِّي.. وتاهَت سِكَّـة القلـب بخطـاي
يامِبعِـدٍ بـي ليـن تِهْـت وتَغَرَّبْـت
من غِبْت! مَعرِف وش كياني ومَعنـاي
أدميَت قلب الجَـرْح بالبُعْد..والهَبْـت
إحساس جَمْر الشوق من نار الاِقفـاي
وش طَوَّل اليوميَن؟..ليَن اوشَك النَبْـت
على اليِباس..وقيَـظ فرقـاك شـوَّاي
الأربعا سافَرْت واِعـن البَلَـد غِبـت
وتقول: يوم السَبْت من سَفْرِتِك جـاي!
واليوم! راح السَبْت,والسَبْت,والسَبْـت
سَبتيَن..والثالث! حداني علىْ اقصـاي
أبطـيـت بغيابك,وبالَغْت,واسهَـبْـت
وانا انتظر سَبْتٍ معـه غايـة اِمنـاي
ماتدري اِنِّك فـي شِتاتـي تِسَبَّبْـت؟!
مِمّا حَجَب فكري عَن الحَلّ والـراي!
ياخي تراك اوعَدْت,واخطيَت,واذْنَبْـت
تعـال واِنثـر وَرْد عـذرَك بدنيـاي
مانيِب قايل: وِش غَنايِمْك؟وِش جبـت؟
شوفَتْك!..تسوى مال حاكِـم برونـاي
هاذا وانا! مااَقول عَن شوفْتِـك تِبْـت
ورَبّـي! مراقبني..ويَعلَـم نـوايـاي
عَن مابقلبي مِن وَلَه! قلـت واعرَبْـت
متـى يفارقنـي مَـع الوَنَّه,النـاي؟!
ومن طيِب قلب الاربعا!..صَدَّق السَبْت
والسَبْت من كثره!..حَداني علىْ اقصاي


وسلامتكم


اخيكم
سماوي بن نجم

[ابن عاجب]

صح لسانك وبيض الله وجهك

[dont play with me]

ابرك سبت



صح لسان الشاعر المكبوت







سماوي بن نجم




يكفيك اسمك عن باقي كلامي


صح الله لسانك





ولا هنت

[جطلي بن فهد]

ابن عاجب

مرحبا ومسهلا
حياك الله وصح بدنك

اسعدني تواجدك لاهنت

[موادعك خيره..!]

إبداع



الله لايهينك وعساك عالقوه وإختيار موفق


تقبل مروري

[المضلوم]

صح السان الشاعر سماوي و الاهنت

ياجطلي بن فهد علي النقل الجميل

تقبل مرووووري وتحيااااااااتي لك مع

جزيييييييييل الود و الاحتراااااااااااام

[جطلي بن فهد]

الاخ العزيز

دونت بلاي

يكفيني وجودك في صفحتي
وكلامك الطيب يدل على معدنك الطيب ..
لاهنت والله يعطيك العافيه

[جطلي بن فهد]

بنت العجمان

حياك الله

وجودك جعل للابداع مكان في صفحتي ..

يعطيك العافيه على المرور

[جطلي بن فهد]

المضلوم

يامرحبا ومسهلا

الله يعطيك العافيه على مرورك
وتواجدك في صفحتي شرف

لاهنت