وتراني يوم أكلّمك فديتك عقب تسع سنين=ما غير أهيّض العبرات ولاّ النية النية(قضعانيه)

[فهد بن مطلق]

السلام عليكم ورحمه الله وبركاته

بعد غياب دام أسابيع ..

قضعانيه .. مقدمه لـ/نفسها

صلوا على النبي
.
.
.
.
.
.

على عيد انكساري في غرامك قبل تسع سنين=تذكّرتك وقلت آكلّمك والنية النية
آلو لبيه يأغلى من ذبحني قبل عام ألفين=و مِت ولا حييت إلاّ على ذكره وطاريّه
أحبك وين ما سجّت عيوني في الزمان الزين=وسجّجني الزمان إللي متاهاته خيالية
ولا سجّيت عن آخر لقى عطّارة البحرين=ودهن العود وأشياء الشيوخ الارجوازية
رعى الله كل يومٍ مرّنا ما قبل ذاك الحين=على زمّة صُفى الأيام والأحلام وردية
يوم إنك تستحي تذكر إن عمرك وصل عشرين=وأنا ما طاب لي إلاّ ما ورى العشرين بشوية
ياحلو أحلامنا ومراهقتنا والبلا بعدين=كشفنا ضحكة أول حلمنا ودموع تاليّه
ولكن ما ندمنا، ليه؟ لأن العالم الحلوين=يعيشون الغلا وفق القوانين السعودية
عفا الله عن ملذات الهوا والعشق والتخمين=وسجّات الغرام ولذة الحب الحقيقية
فديتك يوم تاخذني على كيفك ولا أدري وين=معك من وين ذعذع هواك ومالت الفيّة
غدينا كنّك الشاعر وأنا واحد من الغاوين=نهيم بكل واد من العليّا للعزيزية
وبعد ما فاتنا ركب الحياة وشفت شوف العين=مسارات الطريق والاتجاهات المصيرية
عرفت إن كل شيٍ له نهاية والنّيا والبين=مصير الشاعر إللي خانت أوزانه قوافيّه
خلاص اعزم على الفرقى ولا لك في رقبتي دين=ترى حنّا تعدّينا الخطوط الاستوائية
تفاهمنا على حسم الأمور وكلّنا راضين=وتوادعنا ما كن قلوبنا خضر و هواوية
ومع هذا عجزت أسج وأنسى وأترك المقفين=أغصب القلب لكن الغلا قدرة إلهية
أعن لكل ما في نجد حتى شارع الستين=وأحن إلا ذعذع الغربي على أهل الشرق عصرية
وإلا منّه سرى من كل ليلٍ حروة الثلثين=عرفت إن نسبة النسيان دون اثنين بالمية
وفكّرت آتبدوى مع أهل البل وأترك أهل الضين=يجوز البل تنسّي من تبعها عن مشاهيّه
وشريت الوضح لعل وعساي أسلى مع السالين=وقعدت أشد وأنزل في التهاتيه الخلاوية
ولكن ما تغير حال هذا أنت اتحداني لين=نويت أتم نصف الدين والنيّات مقفية
وخذيت من البنات الغيد وحدة وثنتين=عساي أسج عن طاري الهوا وطيوف غاليّه
لكن الوضع هو هو ما تغير والزمان يشين=وحبك كل يوم يزيد في العين الشقاوية
عسى ربي يعافيني ولا يبلاك قول آمين=تراني كنّي إللي واطيٍ له جمرةٍ حيّة
وتراني يوم أكلّمك فديتك عقب تسع سنين=ما غير أهيّض العبرات ولاّ النية النية

[فلاح بن ملبز]

1

بعد إذنك

[الخالدية]

عسى ربي يعافيني ولا يبلاك قول آمين=تراني كنّي إللي واطيٍ له جمرةٍ حيّة


****


تسلم يمييينك على النقل
يعطيك العافيه
وعساك على القوه

[فهد بن مطلق]

المشاركة الأصلية كتبت بواسطة فلاح بن ملبز

1

بعد إذنك

كلنا لك ..

[عـ الخـوي ـز]

عسى ربي يعافينـي ولا يبـلاك قـول آميـن
تراني كنّـي إللـي واطـيٍ لـه جمـرةٍ حيّـة

يآسلآمـي عليـك وعلى آلنقل آلرآئع
وصح لسآآآنك ولسآن آبن قضعآآآن
وآنآ آشهد آن به شآعر
آلله لآيهيينك يآلعود

[موادعك خيره..!]

عز الله انها خوش قصيده وكل بيت احلى من الثاني


شي شي هالقصيده


عساك عالقوه

[بــ راكان ــنت]

.. قضعانيه رائعهـ ..

لاهنت اخوي ع التواصل الجميل

[الجوود]

تفاهمنا على حسـم الأمـور وكلّنـا راضيـن
وتوادعنا ما كـن قلوبنـا خضـر و هواويـة
ومع هذا عجزت أسج وأنسى وأتـرك المقفيـن
أغصـب القلـب لكـن الغـلا قـدرة إلهـيـة

:
:


صح لسان شاعرها
وسلمت يمينك .. يا العود على النقل
ابيات جميلة سرني قراءتها

ودمت بـ كل خير ,

[راس عوصا]

هذي شيخه قضعانيه فعلا ً تستاهل الشيخه !!
وضيدان مثل البركان اللي يركد مدة وبعده ينفجر سبحان الله على عطاه ..

الله لا يهينك على النقل وتقبل مروري ,,,

[جطلي بن فهد]

الله الله

صح لسان ابومنصور ..


ولاهنت يالعود