قبل ـالــ غ ـــيـــاب / تواااصــــل
=)
:
:
يقـول : المحبـه ويـش ! لـو غـابـوا الاحـبـاب ؟=اقول : الجسد .. مـن غيـر نبـض وشعـور وروح !!
يقـول : النهـار يغـيـب ! وش موقـفـك لاغــاب؟=اقول : ان رضيت اسكت .. يصير .. السكوت / البوح ..
يقـول : الستـر : سمعـه وذكــر وفـعـل وثـيـاب=اقـول : المحـب مـن الولـه والسهـر مفـضـوح ..
يقـول : انـت قايـل لـي بسافـر بــدون عـتـاب؟!=اقول : ايـه!! قبـل اضيـع فـي وجهـك المملـوح !!
قـبـل .. تـبـدي الاعـجـاب وابـادلـك الاعـجـاب=قبـل .. تاخـذ احساسـي وقلبـي عبـث وتــروح ..
قبـل .. ينفتـح لـك بـيـن عــوج الحنـايـا بــاب=ويبقـى علـى طاريـك طــول العـمـر مفـتـوح ..
قبـل .. لااتوهـق فـيـك .. يالـصـادق / الـكـذاب=قبـل .. لااتحطـم منـك .. يالمخطـي / المسمـوح ..
قـبـل .. لاتعلقـنـي وتـرحـل بــدون اسـبــاب=قـبـل .. لاتعلمـنـي اعــد السنـيـن جــروح !!
قبـل .. يتبعـك وانــت تـمـادى جـفـا وغـيـاب:=قصيـدي ودمـع عيـونـي وصـوتـي المبـحـوح ..
ياليـت الزمـن يرجـع واحسـب لجـفـاك حـسـاب=وعـد .. ماتعلـق فيـك وانسـاك .. قبـل تــروح !!
:
:
لــ / محمد جار الله السهلي
العرض الشجري