قصيدة الشاعر مهدي آل حيدر الوايلي

[الضــــــيقه]

مساء الخير

جبت لكم قصيدة الشاعر مهدي ال حيدر واللي تأهل عن طريقها الى الجوله الثانيه
ونالت استحسان اللجنه والجمهور






اخليكم مع القصيدهـ

يوم جت الخيل تصهل في وعدها
فوقها من كل جسار فداوي

والحشود اللي ولد زايد حشدها
كل جمع له بفرسانه هجاوي

قلت حيوا ها النجوم ومن شهدا
ليلة فيها الفلاح البدر ضـــاوي

واعتليت اللي تخطف الريح يدها
شوق من راسه علي الناموس ناوي

مهرة البيرق اللي مروض جسدها
ماتروغ من الملز ولا تراوي

شامخة بين الرمق كانها وحدها
راسها قبل المدي لفوق طاوي

فان عطت كب النهار اقصي جهدها
واعتلا من فوقها صوت العزاوي

والنخل للقوم من موقف ولدها
تحذف الغترة مع البشت الحساوي

لاقصي الدنيا سعدها مع نكدها
شاعرا لكن ماراسي بغاوي

والله اني لوبغيت لربعي سعدها
خير ماتتبع خطاويه الخطاوي

وقفتي لاغبت كل(ن) يفتقدها
مثل مجد الحبو حزات الرجاوي

والموارد لو تشح لمن وردها
والضما يجعل لباث المرخ داوي

ماتمنيت البروق ولا رعدها
مرتعي من سيل وادي العرض راوي

ان صلحت تعز الاشراف وسندها
وان حربت دميت من له كبد كاوي

للعلوم جبال ماكل(ن) صعدها
يوم عاد الذيب فوق الرجم عاوي

ما اقتني لكنوزها اللي من بجدها
من زمان جس الايادي للخلاوي

شاربن ماءها وراعي في بلدها
ما نفي بموت ساحلها جلاوي

والقصايد ما تغنم من قصدها
ولا تبين في محاسنها مساؤي

واجب الرجال لا من(ن) نشدها
مايعلقها بهزلات العراوي

قالها اللي من رغدها لرغدها
ترسم رعوده وبراقة سناوي

لازم العذره وطايب له شهدها
نظره يشبع ونظرة للزحاوي

ليتها دام تبسم لي بردها
ماترد الصب عن حضن المداوي

[سهوم بقعهـ]

الشاعر مهدي آل حيدر ..

شاعر عذب .. متمكن .. /و/ الاهم من كل هذآ واثق

صح الله لسانه ../و/ صحّ اختيارك & ذوقك


تحيـــــــــــــآتي ـيّ

[دوسري يحب العجمان]

صح السان شاعرها مهدي ال حيدر

تسلم يمناك يالضيقه على الاختيار

والله يوفق الشاعر مهدي وفاله المليوون

تحياتي لك ...

[البليهي]

شاعر مبدع


وصح الله لسانه


وفاله البيرق


ولاهنتي على النقل

[ال محفوظ العجمي]

والله يستاهل

صح لسانه والله يوفقه ويجعل البيرق من نصيبه

لاهنت ع النقل والاختيار

[الجلمود]

لاهنت اخوي على النقل ولااختيار

[نسل الطويل]

واعتليت اللي تخطف الريح يدها
شوق من راسه علي الناموس ناوي


بيت مدري شلون طرا عليه

ما شاء الله


الله يوفقه وفااله البيرق


ولااهنت على نقل القصيده

تقبل

[فرز الوغا]

الـــــلام عليكم

يستاهل الوايلي هذا المدح

شاعر راقي و مبدع

ولاهنت علي نقل القصيده و صح لـــــــــــان شعرهاااا

و نقلهااااا











بحفظ الله

[عــقــيــد]

السلام عليكم ورحمة الله وبركاته
الله لايهينك يالضيقه على الاختيار الراقي جداً للشاعر مهدي ال حيدر لكن عندي بعض التعديلات البسيطه على القصيده اذا سمحتلي وذلك لبيان جماليتها ببيان معانيها بوضوح

((قلت حيوا ها النجوم ومن شهدا
ليلة فيها الفلاح البدر ضـــاوي))
^
^
قلت حي الله النجوم ومن شهدها
ليلتن فيها الفلاحي بدر الضاوي

((مهرة البيرق اللي مروض جسدها
ماتروغ من الملز ولا تراوي))
^
^
مهرتن للبيرق مروض جسدها
ماتروغ من الملز ولا تلاوي

((شامخة بين الرمق كانها وحدها
راسها قبل المدي لفوق طاوي))
^
^
شامخه بين الرمك كنها وحدها
راسها قبل المدى للفوز طاوي

((فان عطت كب النهار اقصي جهدها
واعتلا من فوقها صوت العزاوي ))
^
^
فان عطت قب المهار اقصى جهدها
واعتلى من فوقها صوت العزاوي

((لاقصي الدنيا سعدها مع نكدها
شاعرا لكن ماراسي بغاوي))
^
^
باخص الدنيا سعدها مع نكدها
شاعرن لكن ماراسي بغاوي

((وقفتي لاغبت كل(ن) يفتقدها
مثل مجد الحبو حزات الرجاوي))
^
^
وقفتي لاغبت كلن يفتقدها
مثل فقد العفو حزات الرجاوي

((والموارد لو تشح لمن وردها
والضما يجعل لباث المرخ داوي ))
^
^
والموارد لو تشح لمن وردها
والضما يجعل نبات المرخ ذاوي

((ان صلحت تعز الاشراف وسندها
وان حربت دميت من له كبد كاوي))
^
^
فان صلحت فعز الاشراف وسندها
وان حربت فميسمن للكبد كاوي

((قالها اللي من رغدها لرغدها
ترسم رعوده وبراقة سناوي))
^
^
قالها الي من رغدها لي رغدها
ترزم رعوده وبراقه سناوي

((لازم العذره وطايب له شهدها
نظره يشبع ونظرة للزحاوي))
^
^
لازم العذرى وطايب له شهدها
ناظره يشبع وناظرها سحاوي


وهناك بعض الاخطاء البسيطه الي يمكن للقارىء اصلاحها بمجرد القرائه بديهياً انا اصلحت الكلمات الي فيها اخطاء بمعناها

واشكرك مره اخرى اخي الضيقه الله يكفيك شر الضيقه انا يكفيني انك اخترت هذا الاختيار الراقي الي يستحق الشكر
لاهنت طال عمرك

[فلاح بن ملبز]

السلام عليكم ورحمة الله وبركاته

ارحب ثم ارحب

وصح لسانك ولسان شاعرها / مهدي آل حيدر

ويعطيك العافية على هالنقل الجزل والرائع

ولك جزيل الشكر