ظل الرفاقه

[@فجر العازمي@]

السلام عليكم ورحمة الله وبركاته
يسرني ان اشارك بهذا الصرح الشامخ , واقدم هذه القصيده
واتمنى ان تنال الرضى منكم

الوقت ديرة والسنين دروب والعمر معدود **** والموت يهدم لـذة النفـس وطمـوح آمالهـا

يارجل مدي خطوتك والعزم ماهو عزم عود **** عزمـي شبابـي والديـار ادلهـا واعنالهـا

مدي وقيمي وارحلي تعدي احدود الحدود **** ايـام تمشيـن السهـل وايـام وعـر جبالهـا

اللي انكتب بتواجهينه غصب ما عنه صـدود **** دنيـا كفانـا الله ميلتهـا وشيـن احوالهـا

وياعين مدي الشوف مابعد النفوذ إلا النفود **** وين العصور الماضية بامجادهـا وارجالهـا

ياعين هذا الكون غابة والزعامه للاسـود **** هـذه الحقيقـة لـو بغـو يخفونهـا جهالهـا

به فرق مابين الليال البيض بيض السود سود **** شوف البشر بشكالهـا والوانهـا واحوالهـا

سبحان من صور صورهـا لاإلـه إلا الـودود **** مختلفـةٍ باديانهـا وأنسابهـا واعمالهـا

اوجد وجود من عدم واجاد به رب الوجود **** في كل صبـح ٍ تنتشـر ولا تسـد اشغالهـا

ناسٍ تصارع لاجل حب الذات واثبات الوجود **** وناس تدور لقمـةٍ تسـد جـوع اعيالهـا

وناس اتجمع بالكنوز من المهاد إلى اللحـود **** بـأي وسيلـه مـا يهـم ولا تحمـد فالهـا

لو تملك الدنيا مـا تقنـع دورت للـزود زود **** عبـادة الامـوال ياربـي تزيـل اموالهـا

ماني بهم مغرم ولامغرم بتجميع النقـود **** صحيـح مـن قـال الهوايـه تمتلـك رجالهـا

شوقي لربعي عزوتي وافعالنا ترقى سنـود **** لنـا جـزال الـواردات ولانجـي لهزالهـا

ربعي تشرفني واشرفها وانا نسـل الجـدود **** اللـي تكـرم ضيفهـا واقوالهـا بافعالهـا

عـوازمٍ هـوازنٍ لازادت الهيجـه نـزود **** الطيـبـة نسعالـهـا والعالـيـه نرقالـهـا

نحمي مواقفنا بحد السيف ونحفـظ العهـود **** وليـا قـدح ملحـاً بملـح يعوفنـا عْيالهـا

قد علمتني صكت الايام والحـظ اللـدود **** ان الرجـل مـن دون ربعـه حالتـه يرثالهـا

ظل الرفاقه ظل عز وظل فخر وظـل جـود **** ماينتقـارن بالقصـور العاليـه وظلالهـا

ان طاح حيلك جوك فزعه صارو لحيلك زنود **** وان ظاق حالك جوك مال ويسرولك حالها

واللي بليا ربع منهو عنه في الشده يـذود **** ياعزتـي لـه مـن مـلاوح دقهـا وجلالهـا

يصبر على ضيم الليالي والغبينـه والجحـود **** ويواجـه أيامـه الحالـه حالتـه عزالهـا

لاصار مالك عزوتٍ وتوردك صافي العدود **** لاوالله إلا غابـت ايامـك وغـاب أهلالهـا

وانا احمدالله طيبٍ ساسي وانا شاعر وجود **** سبك المعاني واسخر القيفان وانقى اجزالهـا

اقول رايي واستمع لاهل التجارب والـردود **** إمـا اقتنعـت ابهـا وإلا راي للـي قالهـا

اجيد من مالي اجود ازود لاجا الزود فود **** قانع بمـا عنـدي وياجمـال سـوق اجمالهـا

اشرب من ذراعي واعز النفس لو كنت محدود **** اخاف تشمت بي اقصار القوم قبل اطوالها

ورجلي ولو داجت يجي يومٍ على الديره تعود **** والنفس خيلٍ جامحـه وانـا لهـا خيالهـا

الرجل لازم يفرض لنفسه على نفسه قيود **** يخاف من كلمـة هبيـلٍ مـن سمعهـا قالهـا

واعوذ بالله من عظيم الذنب وعيون الحسود **** ويارب عاوني علـى نفسـي وزيـن فالهـا




الشاعر / جديع الملعبي

وتحياتي :
@فـــــــــــــــــــــــجــــــــــــــــــــــر العازمي@

[الباشا]

قصيدة وافية وجزله وصح السان الشاعر جديع الملعبي
ولا هنتي اختي فجر على الأختيار الرائع والجميل

[الخيال الحر]

شوقي لربعي عزوتي وافعالنا ترقى سنـود **** لنـا جـزال الـواردات ولانجـي لهزالهـا

ربعي تشرفني واشرفها وانا نسـل الجـدود **** اللـي تكـرم ضيفهـا واقوالهـا بافعالهـا



صــــــــــح الله لسانك ولسان الشاعر

والله يعطيك الف عافيه يارب

[موكب]

اجيد من مالي اجود ازود لاجا الزود فود=قانع بمـا عنـدي وياجمـال سـوق اجمالهـا
اشرب من ذراعي واعز النفس لو كنت محدود=اخاف تشمت بي اقصار القوم قبل اطوالها

ما شأ الله تبارك الرحمن قصيدة في قمة الروعه والابداع

وصح لسان الشاعر الكبير جديع الملعبي

وسلمت يداك بما خطت لنا من ذوق راقي ورائع

واشكرك جزيل الشكر اختي الكريمه فجر العازمي

دمتي بخير

[@فجر العازمي@]

الباشا
الرائع مرورك يالغالي
لاهنت

[@فجر العازمي@]

الخيال الحر

صح بدنك يالغالي

ولاهنت ع المرور المشرف لي

[@فجر العازمي@]

موكـــــــــب


سلمت ع المرور

تحياتي لك

[الجلمود]

يسلمووووووووعلي القصيده الجميله وصح الله لسان قايلها وتسلم ايدفجراللي كاتبتها

[ريــــــانـه العــــود]

فجوووورة




صح لسانه

والله يعطيك العافييييييه على اختيار هالقصيده الرووعه

[@بنت الشيوخ@]

فجر العازمي والله والنعم...

قصيده في قمه الابداع وصح نقلش يالغاليه..

الله يعطيش العافيه

ولش اجل تحياتي...

@بنت الشيوخ@