السلام عليكم ورحمة ا لله وبركاته
رائعة اتمنى ان تنال اعجابكم
لــ :: شاعر سلطان بن وسام الهاجري
الرفيـق اللـي ليـا غبـت مايحمـي قفـاي=اجل لامن صرت حاضر ماني فـي حاجتـه
احتمـي دوري ودور القبيلـه مــن وراي=جمـدو هــرج الفـراغـات ياهراجـتـه
كانهـا بمصامـخ الـروس ولا بـاي بـاي=خلـو الفلـم المدبلـج عـلـى دبلاجـتـه
طول عمري ماستمع من ضعيف الراي راي=ولاطمعـت بديـك خيـبـر ولا دجاجـتـه
العداوة شـي عـادي تجينـي مـن عـداي=من نسج نسج العـداوات عرفـت نساجتـه
وإن كلاني مخلب مـن مخاليـب أصدقـاي=قلت ضاعت صيدته فـي طـرف عجاجتـه
وإن ثناهـا مـرة ثانيـة جعـلـه فــداي=لافسـق كلـب الخواجـة كـلا خواجـتـه
الارض ماهي ورث ابي والسماء ماهو سماي=مير الاعوج لاعترض لي عدلـت عواجتـه
أفـرده واذوقـه لمستيـن مـن عـصـاي=وأدبـه تأديـب طفـل عـلـى دراجـتـه
لين ينسى عنـاد راسـه ويذكـر مستـواي=ينتبـه ولا يسوهـج عـلـى سوهاجـتـه
في نظرة الناس مالون واهوه هـاي هـاي=والمـدوج مابعـد فـاق مــن دواجـتـه
أبك أنا لو اشرب البحـر مايقطـع ظمـاي=وانت مثل الضب يزحـف تحـت عجاجتـه
17-01-2008, 11:48 AM
كانهـا بمصامـخ الـروس ولا بـاي بـاي=خلـو الفلـم المدبلـج عـلـى دبلاجـتـه..دره
العرض العادي
