الجروح النديه؟؟ من تأليفي

[@فجر العازمي@]

السلام عليكم ورحمة الله وبركاته
اما بعد.......................................
عند ي قصه كتبتها فيها قصايد مب انا الي كاتبتهم بس القصه حلوه وحزينه والي مايبجي يبجي:
انا عرضتها في منتدى من غير ذكر الاسم ,ولكن انا ابي تفاعل عشان انزل الاجزاء الباقيه

الجروح الدنية:

القصه تتصمن:العمه :نوف والخال :محمد والحبيب:راشد
واهل الحبيبه:الام مها والاب:جاسم والحبيبه:فجر


البنت فجر تحب راشد ولد خالها وولدعمتها ,وراشد يحب فجر بنت خاله وبنت عمته ,
يعني إذا تبقى علاقتهم تستمر للزواج ماكو مشكله ولا خلافات لأن أقراب لدرجه حلوه,
ويوم من الايام راحت العمه نوف تخطب لعبدالله اخو راشد الكبير يخطبون ساره بنت عمهم حسن وبنت خال فجرحبيبة راااشد,حسن قال لزوجة اخوه نوف: بنتي صغيره توها ,وساره ماكانت تبي عبدالله ,ساره اقعدت امحيره لعبدالله لمن تخرجها من الثنويه وتقدم لها ولد حلال اسمه (فيصل) ووافقوا عليه وبعدها راح حسن اتصل على اخوه محمد وفهمه الموضوع ان انتوا تبون البنت اتعلق ومايصير اوقف نصيبها وانا الحين يا اخوي عطيت الولد كلمه اني موافق وسكت محمد ابو عبدالله وراشد ,وقامت العمه نوف تبجي واهي من النوع الحقود والحسود ,وساره يتيمة الام فتزوجت ساره وراحت مع نصيبها بعد فتره فجر وراشد تلاقوا مع بعض بالمزرعه وقامت تسولف معاه , فجر تحب راشد وراشد يحب فجر لدرجه موطبيعيه ,وفي يوم من الايام راح محمد خال فجر يخطب مريم اخت فجر الكبيره لعبدالله اخو راشد الكبير,وفتح الموضوع على جاسم ابو فجر ومريم,وما كانت العمه تدري انه خطب بنت من بنات جااسم اخوهاا واهي مستحيل ترضى ابنات جاسم بسبب الحقد والغيره منهم بسبب زواجهم عن حب ,وابو فجر استانس ان ولد خالها وولد عمتها احسن لها من الغريب , وراح جاسم لزوجته مها وفتح معاها الموضوع واخذوا راي مريم ومريم موافقه عليه, وكانت فرحت فجر اكبر من فرحت اهلها لان يمكن عمتها تحن عليها, وراحت العمه وقالت لمحمد زوجها ان ماتبي مريم بنت اخوها جاسم ,وسوت بعض الشوشرات واهل فجر ازعلوا ,فصارت مشاكل بينهم مثل قطع الزيارات والعلاقات حتى التلفون ماترفعه العمه تراضي اخوها وزوجته .

وفي يوم من لايام راحت ام فجر لفجر وقالت لها:انا احذرج من الحين ماكو رااشد ,ومن اهني انقطع قلب فجر .
وفي يوم اتفق راشد مع عمه الصغير احمد لطلعه للبر وبنص الطريق انقلبت فيهم السياره!!!!!!!!!!!!!!!!!!!!!!!!!

ياترى شصااار بتلقونه في الجزء الثاني

خالص تحياتي للي تابع:
@فــــــــــــــــــــجــــــــــــــــــــر العازمي@

[@فجر العازمي@]

الجزء الثاني:

وراحت ام فجر (مها)تقول لفجر الخبر طقت الباب على فجر وكانت دموع امها على خدها مهما صار خايفه على مشاعر بنتها وقالت فجر:يمه اشفيج
قالت لها:فجر راااشد؟؟؟؟؟؟؟؟؟
وما اقدرت امها تكمل الكلام من كثر البجي , وقامت فجر تهز امها وتقول:
يمه لا تقولين (احسبته مااات) وتبجي وتقول يمه تكفين لا تقولين.
قالت امها: لا رااشد انقلبت فيه السياره وما ادري اذا فيه شي اولا؟
راحت فجر تلبس تبي تروح لراشد بالمستشفى ,لكن امها ما رضت تطلع من البيت لانها مانست اشسوت فيهم عمتهم, وقاامت تبجي من اليل لي الصبح ,وفكرة إلي يقولها ان رااشد حي ميت مريض او فيه شي,مالقت الا اخته الصغيره عمرها 12سنه ,المهم اتصلت وقالت اشفيه راااشد ؟,قالت امي تقول لاتقولين لاحد شنو فيه رااشد,لكن فجر حاااولت محاوله اخيره,وقالت لها انه يحتاج لعمليه لكن مو متوفره بالديره ولازم يروح المانيا يسوي العمليه مر اسبوع واهو بالعنايه ولا اقدرت تروح فجر ,وبعدها سافر وقبل مايودونه المطار قالت لامها انها بتروح الكليه وراحت له بالمستشفى, ولمن شافت بيودونه بالاسعاف وهلت دموع عينها وطاحت عند باب المستشفى ,وامها اعرفت انها راحت له بالمستشفى ,ويوم كان مسافر قبل ما يرد بيوم اكتبتله هالقصيده:

قرب موعد اللقا ..............وبنسى فيه الهم والشقا
راح الحزن والكدر...........وراح ارضى بالقدر
اشتقت لعيونه...............ومااقدر اعيش من دونه
له مكان عزيز في قلبي...........وهو عمري وكل حبي
الله يرده سالم..............واشوفه واهو حالم
-------------------------------------------------------------------------
وفي موعد وصوله الكل زهب الورد والفرح لروحت المطار لراشد,أما فجر حيل الله اقوى اقعدت بالبيت وهذا شي مو بيدها قصب عنها ,لمن وصل رااشد استقبلوه الاهل والاصدقاء وقامت عيونه تدور على فجر من بين الناس وعلى كثر الي استقبلوه من خوال وعمام واصحاب مايبي الا فجر ,وبانت نظرات الحزن في وجه راشد, وراح يسأل اخته وعرف ان احين فجر ماتقدر تشوف راشد لكن تحبه ,أما راشد فهم فجر غلط حسب انها لقت غيره حبيب,وراحت الجروح والمآسي وكبر راشد وصار بعمر الزواج وفجر بعد الي يتقدمون لها ترفضهم لانها تحب رااشد , وراشد اذا اخذ فجر امه بتبرى منه!!!!!!!!!!!!

[@فجر العازمي@]

الجزء الثالث:
, وفي يوم من الايام ردت الام الي اهي عمت فجر (نوف) من حفله ولقت لراشد بنت حلال,راشد مايبي الا فجر ,وفجر ما تبي الا راشد, افتحت الموضوع مع راشد ولكن راشد رفض انه يتزوج ,وقام يتعذر انه صغيره,راحت امه اتصلت على اهل البنت تخطبها لانها تبي رااشد ينحرج ويروح يخطبها , قالت لراشد:انا كلمت اهل البنت والناس وافقوا وانت زهب نفسك بعد صلاة المغرب لانك بتروح تشوفها ,انصدم راشد بأمه وطريقة تصرفها واحلفت عليه وراح يشوفها حتى لو ما ماشافها ابياخذها بالغصب, بعد الخطبه اتصلت العمه نوف على بيت اخوها جاسم وردت عليها فجر:قالت قولي لامج وابوج ان عرس راشد الخميس الجاي,ومن الصدمه وخنقت العبرى بفجر قطت السماعه واهي منقهوره ومقهووووووووره,ومرت الايام وصار يوم الخميس يوم الهم والكدر لفجر وراشد ,بعد اقناع قوي وتام من ام فجر لفجر انها تروح عرس راشد ,لمن دخل راشد مع زوجته (عايشه)ومسك ايدها بيروح معاها,
فجر اوقفت عند باب القاعه لمن طلع راشد طالعته واهي تضحك كأن ماهمها شيء بزواجه ,وطلع راشد مع زوجته ولا يمكن ان ينسى فجر ,قبل مايركب السياره لف على فجر وفي عيونه نظرات الاسف,واقعدت فجر ودموعها ملت القاعه, ودارت الايام فجر انخطبت وتحدد موعد عرسها وفرحتها ,وراشد صار ابو لبنت وصارت خلافات بينه وبين زوجته على اسم فجر واهي ماتبي اسم فجر واهو مشى كلمته عليها وصاار(ابــــــوفــــــــجـــــــر),امافجر ما ارتاحت مع زوجها حست انها خانت راشد ,وفرح راشد بخبر طلاق فـــجـــــر, وفي يوم من الايام راحت عايشه زوجت راشد للدوام وسوت حادث وماااااتت!!!!!!!!!
طبعااا الكل حزن على بنته الصغيره فجر , اما فجر الكبيره عزت رااشد وقالها:انا خليتج اسنتين اما الحين انتي زوجتي وبنتي بنتج ,ولكن فجر ارفضت خافت على راشد من ان امه اتبرى منه وقالتله اسمع يا ولد خالي وعمتي:
من باعني برخيص......................... بعته بغالي وانت غـــــــــــــالــــــــــــــي

خلك عند امك وخلني عند اهلي امعززه امكرمه
----------------------------------------------------------------------
وبعد كلام فجر حس رااشد انه جرحها جرح كبير,وامه من النوع القاسي كانت اهي الي تعتني بفجر بنته,قالها:يمه انا ابي اتزوج لكن البنت هذي انا بنقيها ,افرحت نوفوه امه وقالت:منو هالبنت ,قال :فجر,قالت له: ولو على جثتي ماتاخذ مطلقه,قال:يمه انا كنت ابيها لكن بسبب حلفج وقفتي حلم حياتي وجرحتي قلبين ,قالت : تبيها اخذها بس انسى ان عندك ام ,ومر شهرين على وفاة عايشه حست فجر ان راشد فعلاا تخلى عنها ,ومن كثر التعب والتفكير الي في راشد طلع فيه(ســـرطـــان بالــدم) ,وكلم فجر وقالها انه ماكان يحبها وانها مثل اخته ,لان الدكتور قاله ايامك معدوده لان اذا مات ماتفقد شيء منه ,انصدمت فجر من كلام راشد واهو كان يبي يتزوجها بعد جم شهر كلااام راشد مادخل عقل فجر, ويوم من ايام نسيان راشد وماكان سهل بالنسبه لفجر ,اما راشد اهو الي قالها تنساه ,ومن الايام الي حس راشد يومه قرب كتب وصيه لرفيجه عبد العزيز وبعدهااا مااات رااشد ورحلت معاه كل الذكريات وفجر اعرفت ليش قالها انسيني ,اما امه نوف شافت الوصيه على درج رااشد الله يرحمه ,وسلمتها لرفيجه عبدالعزيز حسب المكتوب على الظرف وكانت الوصيه عباره عن قصيده:
وصاتي لك من بعدي..................تموت فيها علشاني
ابيها تعيش وتحيا بك .................واظل بالذاكره مفقود
وصاي لك تنسيها .....................ملامح وجهي وتنساني
وتعزفها قصيدة حب.................على عكس اللي عزفته بعود
وصاتي لك تبعدها .................عن اشعاري وقفياني
تراها مغرمه بالحيل................ويشهد لها عدد الردود
وصاتي لك تسايرها ...............ترى فيها من احزاني
طلبتك لايضيق بالك................طلبتك والطلب مردود
وصاتي لك تعاملعها ..............بطيبة قلب واحساني
تراها تذرف الدمعه ................ودمعتها بليا حدود
وصاتي لك تحفظها.................سور وآيات قرآني
وتخبرها عن الميت ................رحل لايمكنه بيعود
وصاتي لك ترسمها.................على قبري وأكفاني
ابيها لوحه تبقى ...................على طول الزمن محدود
سعيتك ياضحك هالكون..........طلبتك لاتصير جلمود
وصاتي لك تقهويها ...............من دلالي وفنجالي
تراها تعشق السمرا................ويكفيها دخون العود
وصاتي لك تركبها ................على خيلي وعلى حصاني
وربي فارسه من قلب.............شهادة ماهي لشهود
وصاتي لك تسفرها................بلاد الشام ولبناني
ترى يحلالها تقطف ورده.......من بلاد الورود
وصاتي لك تراقصها ..........على الحان رحباني
ترى فيها عرق خاله ..............وفيها من جنون السود
وصاتي لك تحببها................فأبو نوره بعد هاني
وتنسيها ندم غلطه ...............انا فيها ترى المقصود
وصاتي لك تكرهها ............في تاريخي وعنواني
أبيها تلعن اللحظه ...............وتلعن كل فرح موعود
وصاتي لك تكلمها ..............عن المجني وعن الجاني
وتخليني انا الظالم...............وانا من حرق الاخدود
وصاتي لك تشبهني............بدم احمر قاني
وانا هالقاتل السفاح ............مجمرم من عصر نمرود
وصاتي لك تحلفها .............تتوب تحبني ثاني
ترى يكفيها ماعانت ...........ويكفي حيلها مهدود
وصاتي لك تنسيها ..............وصيه قالها لساني
انا اخبرك رجل موقف .........وانت قدها وقدود
صاحبي مالقيت غيرك........يعرف وشللون تنساني
امانه ضمها بقلبك........تــــرى راشــــــــد
رحــــــــــــــــــــل مـــــــــــــــــــــا يـــــــــــــــــعـــــــــــود????
------------------------------------------------------------------
بعد الوصيه راح عبدالعزيز يخطب فجر, وفجر ماكانت تبي أي شخص بعد رااشد,
وحاول يقنعها ان هذي وصية راشد , وفجر تزوجت عبدالعزيز,وفي يوم من الايام
فجر كانت تنظف كبت عبدالعزيز ولقت الوصيه الي كاتبها راشد,واتعبت بعد قرايت كلام رااشد ,وانقلوها للمشتشفى وللاسف مالحقوا عليها,ورحل راشد وبعده فجر وعبدالعزيز حط قبر فجر عند قبر راشد رحمة الله عليهم


-------------------------------------
هذي من احد القصص الي من تأليفي اتمنى انها نالت اعجابكم:

لكم خالص التحيه والود:
@فــــــــــــــــــــجـــــــــــــــر العازمي@

[سهوم بقعهـ]

لآ قصه يبيلهآ قعده معتبره


تسلمين "فجووووووووور"

بإنتظار ابداع جديد

تحيــــــــــــاآتي لشّّ

[gravity]

قريت جزأيين وبكلم الباقي على قولة سهوم يبيلها قعده

فجوره تسلمين يالغاليه مجهود رائع قمتي به ...

والله لايهينج .. ننتظر التكمله ..


أختج


سع سع

[@فجر العازمي@]

سهوووم

الله يعافيج ياقلبي

انشالله تعجبج

[@فجر العازمي@]

السولعيه


هذي القصه كااامله

وهذي بلا غرور من اقصر قصصي

تحياتي لمرورج

[سهوم بقعهـ]

الاخت "فجر" يعطيش 1000 عافيهـ'

قريت القصهـ' ..وعندي كم تعليق عليهآ .. ولاهو تقليل من قدرشّ بالعكسّ بس عشآن تاخذين بالشّ فـ/]يّ كتاآبتشّ القادمه بإذن الله ..

.. ماعطيتينآ نبذه كافيه عن الشخصيات بالاضافة إلى قلتهآ يعني بس اكتفيتي بالطرفين(اهل الحبيب واهل الحبيبه) ..

سرعة الاحداث وعدم تسلسهآ ..


*شهقهـ' : حاولي تنوعين بإسلوبشّ // لأن مثل هالقضايآ والمواضيع تناولوهآ كثير .. اهتمي اكثر بالكيف وليس كمّ او (حجم) الروايهـ'

*همسهـ' : كل الشكر لش عزيزتيّّ // وانأ على ثقه انشّ تقدرين تكتبين ماهو احلى واجمل بكثير // ارجوآ ان تتقبلين نقديّ بكل رحابة صدر ..


اختشّ "سهوووم"

[@فجر العازمي@]

المشاركة الأصلية كتبت بواسطة سهوم بقعهـ

الاخت "فجر" يعطيش 1000 عافيهـ'

قريت القصهـ' ..وعندي كم تعليق عليهآ .. ولاهو تقليل من قدرشّ بالعكسّ بس عشآن تاخذين بالشّ فـ/]يّ كتاآبتشّ القادمه بإذن الله ..

.. ماعطيتينآ نبذه كافيه عن الشخصيات بالاضافة إلى قلتهآ يعني بس اكتفيتي بالطرفين(اهل الحبيب واهل الحبيبه) ..

سرعة الاحداث وعدم تسلسهآ ..


*شهقهـ' : حاولي تنوعين بإسلوبشّ // لأن مثل هالقضايآ والمواضيع تناولوهآ كثير .. اهتمي اكثر بالكيف وليس كمّ او (حجم) الروايهـ'

*همسهـ' : كل الشكر لش عزيزتيّّ // وانأ على ثقه انشّ تقدرين تكتبين ماهو احلى واجمل بكثير // ارجوآ ان تتقبلين نقديّ بكل رحابة صدر ..


اختشّ "سهوووم"

لاهنتي ياسهوم

وتسلمين ياقلبي

[وردة الرياض]

قصه حلوه
لك مستقبل ...
انتظر جديدك....