ياطويق تطلع عليك الشمس ولاتغيب

[ناصر بن فالح]

سلام من هاجسٍ مافيه شكٍ وريب = اليا حضر يعطي الحجه وبرهانها

ياطويق تطلع عليك الشمس ولاتغيب= الناس تدراك جيزك جيز بزرانها

[فــلاح]

يامرحبـا يالرقيـب اللي تبيـلك رقيــب=رسـالتـك ما قريناا غيـر عنـوانهــا

الذيب ماهمـّه اللي يأردون القليــب=كلمـة جهـل نحشـم العريـّف من شـانهـا

.
.

[عـزام]

مساكم الله بالخير يا رقباء ويا شعراء

طاروق ومبدا كايف يستحق المتابعه

واصلوا لا هنتوا

متابع ومحايد

[فــلاح]

مسيـك بالنـور , والساعه المبـاركه اللي نشـوفك

فيهــا ياعزام ومتابعتـك شـرف , حيـاك الله ..


تحياتي
طويــــق

[فــلاح]

...

[ناصر بن فالح]

ارحب ياعزام


استلم ياطويق

البندق الي على الطيَب تثور وتصيب = ياليت قدام ترمي هس نيشانها

تعال ياطويق وابشر لك بطب وطبيب =الشاه لاجات اعلقها بكرعانها

[فــلاح]

اللي يسـوي خطـأ لابـد قلبـه رحـيب=والكلمـه الصايـبـه ياموسـع أبطـانهـا

صبّـوحـه الله يوفقهـا وجـاهـا نصــيب=مـالـي بعـرضـة مجنـنـهـا وخبــلانهــا

.
.

[ناصر بن فالح]

استلم وصح لساانك

وتشرفت باللعب معك

ما أنت برقيبٍ على العالم ولا انت بحسيب= لاتعترض عالمٍ سارت بركبانها

ياحر لو أنك حر ٍ كان ما أنت بربيب = خل الحرار الشقر تكفخ بجنحانها

[بــ ــــــــرق]

يا سلام عليكم

صح السنتكم


ولا هنتوا


تقبلو مروري


بــ ـــــــــرق

[ناصر بن فالح]

صح بدنك ولا انت يابرق