مليت أنـا الروتين جيّه ومرواح!!!

[دوسري يحب العجمان]

الله يجـيبك ياالـتقاعد ونرتاح=يا الله عسى فى الامر خيرٍ وخيره

النفس طابت يا عسى الهم ينزاح=من قلبي المقـهـور ناره سعيره

مليت أنـا الروتين جيّه ومرواح=وحبوب ضغطي في المخابي ذخيره

ناخذ حقوق الخدمه منهم والأرباح=نبني لـنا فلّــه حلـوه وكـبيره

ربي بلاني بريـسٍ شبه سـفّاح=عـنتر زمانـه بس ما من بصـيره

لا من زعل تقول ذا كلب نـبـّاح =له زوجةٍ بلشه ودائم تديره

لو تطلبه بقريـد تسمع له اصياح=كنّـه قـطارٍ لا مشى مع صفيره

ما مر لى مسؤول مثله ولا راح=نطلب من الله ينتبدل بغـيره

لاني بـشكايٍ ولانـي بـصيّاح=يا كود أفضفض من همومٍ كثيره

زرت الأطباء وزرت عشرين جرّاح=وكل دكتورٍ آجـي وستـشيره

قالوا علاجك بالتـقاعد وتـرتاح=مـع أم عيالـك العجـيّز منيـره

مع كل صبحٍ تمد يدها بتفاح=وبالوجبة الدسمـه تراها خبيره

تصحى تقهويني مع الديك لا صاح=ماهي بنات اليوم تسمع شخيره

وقت الضحى أجلس مع سعود وبطّاح=ربعٍ نشامى وكلنا اهل ديره

دايم سوالفهم بها ضحك ومـزاح=ما يعرفون أبـداً سوالـف حقيـره

قالوا تزوج واترك الهم يا صاح=فى القاهره تلقى هنادى وسميره

لكن انا حرٍ ونادى بملواح=لا لوحت به أم عيالى الاميـره

آجي لها بليا شـعورٍ ومرتـاح=مغرم هواهـا لو روحي أسيره

سايح بحبّه مثل زبدٍ اليا ساح=منسى ماضيها فى الليالى العسيره

كنّا حياةٍ كلها كفاح بكفـاح=تستاهل الحب هى تراها جـديره

مالى حبيبٍ غيرها اليوم يا بداح=والعين عـن شوفة سواها ضريره

الحظ معها لا تقولون لى طاح=والعين عـن شوفة سواها ضريره

يا الله تجيب السعد كله والأفراح=نطلب رضا الرحمن ومعْه السـتيـره

منقول

آمل ان تنال على اعجابكم اخواني...

[خانتني دموعي]

لاهنت ياالدوسري
وصح السانك

[دوسري يحب العجمان]

هلا بك اختي خانتي دموعي

نورتي القصيدة بمرورك اشكرك اختي ولاهنتي على المشاركة في الرد

تحياتي لك ...

[@بنت الشيوخ@]

دوسري...

صح لساانك ولاهنت على النقل..

الله يعطيك العافيه..

لك تحياتي..

أختكــ

@بنت الشيوخ@

[خانتني دموعي]

ياالدوسري
امسح من رسايلك
عشان توصلك رسالتي؟؟؟؟؟؟؟؟؟؟؟؟

[دوسري يحب العجمان]

هلا وغلا بك اختي بنت الشيوخ

شرفتي القصيدة بمرورك اختي وصح الله بدنك ومشكورة

تقبلي تحياتي...

[دوسري يحب العجمان]

اختي خانتني الدموع

شنو تقولين شنو رسايل

[سهوم بقعهـ]

مليت أنـا الروتين جيّه ومرواح=وحبوب ضغطي في المخابي ذخيره

زرت الأطباء وزرت عشرين جرّاح=وكل دكتورٍ آجـي وستـشيره





قصيده تجسد الواآقع المريرّ الذيّ يعيشهـ (بعض) الموظفينّ (المقاريد)

لآ هنــتّ يآ الدوسري' ويعطيكـ' العاآفيهـ على نقلك المتميزّ دائم ـــاَ

تحياآتيّ لك

[دوسري يحب العجمان]

المشاركة الأصلية كتبت بواسطة سهوم بقعهـ

مليت أنـا الروتين جيّه ومرواح=وحبوب ضغطي في المخابي ذخيره

زرت الأطباء وزرت عشرين جرّاح=وكل دكتورٍ آجـي وستـشيره





قصيده تجسد الواآقع المريرّ الذيّ يعيشهـ (بعض) الموظفينّ (المقاريد)

لآ هنــتّ يآ الدوسري' ويعطيكـ' العاآفيهـ على نقلك المتميزّ دائم ـــاَ

تحياآتيّ لك

هلا وغلا بك اختي سهوم بقعه

من قال مايهون والله يعافيك اسعدني مرورك ومشاركتك في الرد

تقبلي تحياتي ...

[Najla]

صـح لسآنـه / و الله يعينـه ..

بـدري ع التقآعـد

تحيآتىي لك يا دووسـري..