وقفـة الاسبـوع مـع الشاعـر / سعـد بن جـدلان

[محمد بن سعود]

تـواصـل لـ مـوضوع وقفـه الشعراء .



وشاعرنا هـ الاسبـوع / سعـد بن جــدلان
ملاحظاتي ..

1 / عـدم تكرار الابيـات

2 / عـدم وضـع قصيـده كامله ( فقـط أبيـات )

3 / الابيـات التـي توضع لا تزيـد عن خمسة ابيات فقـط .!!!

[محمد بن سعود]

الا يالهبوب الباردة عجلي هبي=على جاش من قامت هواجيسه تلوبه
انا مرةٍ اصحى ومره يغيبي=واسرح معا كثر الطواري بغيبوبه
الا يادهر ما هو بحقٍ تلاعبي=خليتني لمقرد الخلق لعبوبه
عبادٍ مغقلها الزمان وتعجبي=يحسبون قل المال فالرجل عذروبه
وانا قانعٍ باللي علي كاتبه ربي=ومؤمن بمقدوره وقانع بمكتوبه

البارحة عنزت للراس كفي=ونيت من باب الشرس والحماقه
حبيت ابين من خفوقي واخفي=ملامحٍ عن الاصدقاء والرفاقه
صديقي اللي لسانه يرفي=ولي صملت مني نوى لنسراقه
احسن يقفي عن طريقي واقفي=مستغنيٍ الله والا ذي الصداقه
ورفيقي اللي ما يوقف بصفي=لا يمتكن بيني وبينه علاقه

اشهّد على حبك ملوكٍ على متني=ويشخط ضميري من ونينٍ تنهتبه
اراعيك بالذكرى وذكرك يقوتني=ولي غاب ذكرك ويش عاد اتقوتبه
ولامن بغيت اسج عن صورتك جتني=مع الطيف والا علمك الناس ما جتبه
عليك الضمير مهايمٍ وانتها حتمي=هبوب الشمال من المعاليق هبتبه
احيى على ذكرك وبعدك يموتني=ولا لي بغير لا معاشٍ ولا رتبه

[محمد بن سعود]

اللي تخبره لحيته ذا ..طولهـا يصبـح بـزر=واللي تخبره بزر يصبح لحيتـه ذا ..طولهـا

[بــ راكان ــنت]

:


أصحاب طنش تعش و إيزي عادي شباب
يا لعنبو من حسب منهـم خليـل وفـي

و الله ان سبع الفواسق فوق وجه التراب
أطهر من سهومٍ لا تنّطح و لا تنقضـي

اللب ما يطبـع إلا فـي قلـوب اللبـاب
و هزمة عدوٍ مبيـن و لا عـدوٍ خفـي

:

[Najla]

كل دار أرجعت وأنا ســــــــــــناوي // عزتي للي سواتي عزتي لــــــه

زادت الحمى فرحنا للمـــــــــــداوي// والمداوي زود الحمى مليلـــــــــه

ياجميله كن يطوي الحال طـــــاوي // والله ان كبدي على شوفك عليله

والله ان قلبي على شوفك شفاوي// غير لا بيدي ولا بيديك حيلــــــــه

سجليني في بحر حبك فــــــداوي // انا مجنونك بعد مجنون ليلـــــــــه

..

..

[قبلة العذارى]

سلام عليكم واسعد الله اوقاتكم بكل خير


يستحق الوقفه مدرسة الشعر الاكلبيه سعد بن جدلان

من وجودي يسفهل وينشغل فغيابي=كل منا غايته مع صاحبه معروفه
تكثر اصحابي عليّ والا تقل اصحابي=المهم ان ماني بمرتاح لين اشوفه

*

والله ان اموت ماجاك من عندي بوار=خل في قلبك ثقه والثقه كنز الضمير
خذ كلام اللي يحطك بعين الاعتبار=واحدٍ مالك بقلبه ولاعقله خشير
والمحبه مدرسه شي ثبوت وشي فرار=وانت درسي مع اهل الحب الاول والاخير

*

ياثقلي ويامقوا عزومي وياصبري=اجامل على جرحي وانا اشوف دكتوره
تزود عذابي وكل شيٍ على خبري=لاشين تغير لاطبيعه ولاصوره
جبرني غرامك يالطيف الحشى جبري=على الموقف اللي فيه الانظار محصوره
لارحت منكم كني احدا على قبري=ولاجيتكم ودي بالاحوال مستوره

*

اعيوني على سهرة اخر الليل حدتني=تولع بها سهر الليالي وظريت به
همومي على الرقده من النوم جزتني=وقلبي هواجيسه مع الهم لعبت به
ولاحركت دقات قلبي تشاوتني=وغنالها الشيطان صوتٍ تلاحت به

*

لامن زعلنا ماعند قلوبنا فينا=كنه يجينا الزعل وقلوبنا برا

*

مدام ان جنابك شام لجنابي وانت عني شمت=كثر خيرك وانا لاجايع ولاظامي
اشوف انه عليّ واجب ليا مريتكم سلمت=مرور اكرام تربطه الكرامه عند الاكرامي

*

اف .. ياكبر الاحلام اللي على بالي وشفيّ=وآخ .. ياراسي من التفكير في من لايشونه
واح .. ياحر انتظاري للقبول من المقفيّ=وآه .. ياحبٍ عطيته ناس مايستاهلونه

*

ياللي على شان معكازي تبيّن ليّ=رجلي على حالها وانا على حالي
الكسر ماهوب في رجلي علي كليّ=وانت السبب في الغرابيل اول وتالي
ليت الغرابيل جتني من عدوٍ ليّ=اما تقاضيت والا بيتقضالي
لكن من واحدٍ ذكره غناتي ليّ=بالعون احبه وابحبه ولا ابالي
خلوني اسج عن موضوعه احسن ليّ=والا الغلا والله ان يبطي وهو غالي

*

جعل يسقى يوم كان الهوى غيّ=فأول الرحله مثل مبتداك ومبتداي

*


ولنا عوده

[نسل الطويل]

ياا سلام سلم

تشكرون على جهوودكم جميعا


ولي عوده ان الله كتب

[غشـــــــــــيمه]

سعد بن جدلان

ليس مدرس بل أكاديميه ..!!

وسبحان الله كم كنت أكره هذا الشاعر الأسطوره الذي كنت أقرا فأعجب..!! وأرى فأكره..!!
فلي كل متذوقين الشعر والكلمه الراقيه أنصحهم بأن يأقروا لبن جدلان ولا يرونه .

¤¤سلام العيون¤¤ ‏ ‏

ما زلت أحبه و ابا حبه ولا بالي=لامر طرف بخدراته سلام لي

¤¤تقدير الذنب¤¤ ‏ ‏

لعل رب جمع يوسف ويعقوبي=يلمني مع وليفي واتهنابه
اللي من اجله ماغير احسب اذنوبي =والقلب كن الدبا الحننان يرعابه
احتل طيش المشاعر واخلف اسلوبي=و جميع ما مرني منه اتهجابه
الكلمه الطيبه لا قطها صوبي=و الا نظرني بنظرة عطف جذابه
فرحة فرحة صلاح الدين الايوبي=ساعة تولى على المقدس وصلابه

¤¤مكارم الأخلاق¤¤ ‏ ‏

اهديت باقة ورد من ضمن الابواق=لاقول لحد خذها ولا قول ذقها
و دي بالأنفس كلها اصحاب واصداق =ولا اخشى عقايبها ولا ارجي نفقها
خلقت الاراضي و السموات بطباق=و شع الاوادم طبقة من طبقها
فا لآدمي لولا المكارم والاخلاق=كا لحنظله من ساسها لا ورقها

¤¤هيبه معز ¤¤ ‏ ‏

صغير بسنه ميـــر عندي مهوب صغير=يامغلاه في قلبـــــــي وياكبر نزلته
اجمع سمـــان الهرج خوف من التقصير=والى جيت بأشـــــرح له كلام تهازلته
يجيني منه هيبه معــــزه سحا تقدير=اجي له وعنـــــدي علم واروح ما قلته

¤¤قصيده بدون نقط ¤¤ ‏

مع الهم والوسواس والسهر والولوال=ادله هموم الصـــــدر والصدر مادله
احاول على حلو الحلاوه وهو حال=واحــــاول ودار الحول واعمله عمله
سهوم الوســــاع السود لأهل الهوى سلال=لاسلهم سحـــى سلهامه السود مرسله
هواللؤلؤه وهـــــــــوالدراهم وراس المال=وملا ملك له لؤلــــــــؤه لا حلاله

ابن جدلان
ماذا أنتقي من روائع ذائقتك وماذا أنسخ ..!
لاجديد هنا سوى الجمال ورعة التصوير..!

وشكراً محمد

[كرباج]

سعد بن جدلان


اكبر شعراء الوقت الحالي واجزلهم

(1)
مصير الوقت يشرح لك ظروفه لاغفلت ونمـت=يصحيك الزمان اللي يصحي كـل مـن نامـي
وتعرفني لمنها ضاعت أوهامـك بمـن وهمـت=وعرفت الفرق في حب الخشوم وحب الأقدامي
ختام السالفة ياطيـب العشـرة كرمـت ودمـت=هذا حقك علي وحق شرهاتـي علـى أوهامـي


(2)
يازين الجميحي لا سرا والعباد أخفوت=يبـي لازمٍ متغانمـة قبـل لا يفـوتـه
لامنه أنعس السالي وسجّوا هل البيلوت=وقام يتمخلص تحت رجلك تقل حوتـه
يقوّس مع الهويات كنّك تشوتـه شـوت=يشادي المظلي لانـزل فـي براشوتـه
حماره تحت نور القمر كنّـه الياقـوت=يداوي القلوب اللي من الحزن منحوتـه


(3)
أنــا ويــن ابلـقـا يالاجـاويـد فـاعــل خـيــر =حـريـصٍ عـلـى ســـر المحـبـيـن لرسـلـتـه
امن اول لو اصبـر عـام مـا بـان بـي تأثيـر =وهالحيـن حتـى صبـر يومـيـن مــا احتلـتـه
انــا مـثــل صـقــارٍ تـولّــع بـحــب الـطـيـر =ولــف قلـبـه افــروخ الـصـواريـم وهبـلـتـه
تولـعـت فــي فــرخٍ قضـيـبٍ يـتــل الـسـيـر =ابــي لمـحـةٍ مــن نـظـرة الـحـر وإسبـلـتـه


(4)
يقـولـون لــي جــز مــن تصـرفـك وتحـبـي=وهـي توبـتـي مــن مجتمعـهـم هــي التـوبـه
ديـــار الـوبــاء مـــن طـبـهـا راح مـتـوبــي=وقرابـت الجربـاء عـلـى الـحـول مجـروبـه
أنــاعــارفٍ مـنـصــاي ألامـــــن بـدانــبــي=وعـارف طريـقـي والــذي بالتـجـه صـوبـه
وأنا أعرف من أعادي وأنا أعرف من أحبي=وبــه نــاس لاتـعــرف ولاهـيــب محـبـوبـه



(5)
والوفاء والصـدق للصدّيـق والخطابـي = والظفر لإبن الوليـد بعزوتـه وسيوفـه
والجناب اللي وداده جهـر ماهـو غابـي = تصلح ضروف الدهر والا تشين ضروفه
من وجودي يسفهّل .. وينشغـل بغيابـي = كل منّا غايتـه مـع صاحبـه معروفـه
فيه بسطـي الأحمديـه إمتـداد إرحابـي = والطموح الماجـدي والفطـرة المألوفـه
الإنبساط والإنسجـام وقمّـة الإعجابـي = والله أن كنّـه يقدمهـا علـي بكفـوفـه



(6)
يا ابن آدم يلعن اللة كل مختـال فخـور=من تواضع تحت ربـه يعليـه ادرجـه
لجل ماتدخل جهنم على شـان الغـرور=للعرب حاول تواضـع وتعطيهـم وجـه
من لقا عذب المشارب ومثمرة الزهـور=ما قعديغرف من البحرويسوق احدجـه

[كرباج]

عوّدنا >>كنك قزرتها

(7)
وأنت سبّة كلّ شي ولا داويـت شـيّ=كيف ياقادر علـى داي ماتقـدر دواي
بعد ما شتتوّ الفكـر وأخليتـو يـديّ=كثرت أعلوم الشماميت وأفرحتوا عداي
مابعد جاني من يوم التقو بي والـديّ=ولابعد مرّ المحبين منّ حـوّاء وجـاي
لوّ خبر به حيّ يبكي على فقدان حـيّ=كان يمدي من عرفني يشاركني عزاي


(8)
وانّ بغيت أجيه وصله ماتهيّا=صاروا العربان من دونه حمايا
يا وليفـي لا تسويبـي كذيّـا=الخطايـا لا تلحقهـا خطايـا
ما يبور بصاحبه عقب البغيّـا=كود ناسٍ مالهـا بالله عنايـا
كلّ شيٍ أعمله كـود الجفيّـا=الجفا يزعل وسيعين النهايـا



(9)
شبه وضحاّ فالمخاضير زاويها الحيال=من غلاها عند أهلها تبارى ما تسـاق
تيهّت من صغرها بين ثنتيـنٍ هجـال=مهتويها راعيّ البل وعاشقها عشاق
عنديّ إنّك ماخذٍ تاج ربّـات الجمـال=سلموّك الحسن من باب صنعاء للعراق



(10)
لا قالوا تحبّه قلـت مـا عادنـي بأبيـه=وأنا أشفق له أشفا من سقيم المرض لدواه
أقويّ عزومي كنّ ما عـاد عنـدي فيـه=وأنا والله انّـي مونـسٍ البـلا وأكنـاه
عروق الحشى ماتنبت الاّ علـى طاريـه=تنامى على قربه وتهجـر علـى فرقـاه
فترى من يعذل مولعٍ مـن هـوى غاليـه=مثل من يحاول يعدل السيل مـن منحـاه

محمد سعود

موضوع قيّم وشيّق


شكرا لك