>>الــــوظــــيــــفــــة << يهمني رايكم ونقدكم

[صعب المنال]

بعد معاناة وبحث عن وظيفة
وفلان تزهل وفلان يقول ازهله
بس كلام والفعل ماهناش

وعشان ما اظلم الجميع
البعض حاول منا ومنا
بس مالله كتب
ورايتهم بيضاء


فقلت اتوجد

بعض البشر يغريك شكله ويعجبك حكيه وكيفه=الكلام عنده كثير والفعل فيه اختلاف

شخص خالي جوهره مايعجبك ياكود طيفه=مثل مجلة فاشلة احلى مافيها غلاف

وبعض البشر هب ريح والمراجل له حليفه=ماتمل من مجلسه وماعلى طيبه خلاف

كلن بطيبه شهدله وسمعته دايم نظيفة=تفتخر في خوته يكفيك عن ربعن اخفاف

الكرم ستر الرجل يستره باكرام ظيفه=والرجل لو به عيوب بالكرم لا ماتشاف

يارفيقي هاك علمي حالتي والله كسيفه=هاك وجدي يانديمي بعد ماطاف المطاف

ياوجودي وجد منهو ضيع بيده وليفه=ضيعه يوم احقره وصارت نفسه له تعاف

عافها يوم التقى بوحدتن سمرا رهيفه=جسمها جسم الغزال وعنقها عنق الزراف

شافها بطيارتن تشتغل فيها مظيفه=متوجهه لديرتن يحبون اصحاب الالاف

راح يركض الحقيني يالطيفه يالعفيفه=قلبي في حبك تولع اعشقك برشا وزاف

البنت شافت صيدتن بين يديها ضعيفه=قالت هذي فرصتي وابتدا وقت الخراف

طاحت فلوسن بجيبه وابتدا موسم خريفه=وصاحت ضلوعن بجوفه تشتكي هم الجفاف

يوم مصّت دم قلبه راحت وتركته لطيفه=صار يمشي بالشوارع وينام به ابلا لحاف

بالغدا قطعة رغيفه وبالعشا قطعة رغيفه=ومنولن مايقلط الا على السِّمان من الخراف

صارت العالم تهينه بمعاملة جفسه عنيفه=من بعد ماكان هيبه والبشر منه تخاف

وبعد مدّه قد قضاها عاد للديار الشريفه=شخص ثاني مقتنع وشهو مفهوم العفاف

ذاك وجده وجد حالي وانا ادورلي وظيفه=كني من يطرد سراب في وسط قاعن جفاف

مايفوز في هالزمن واحدن ماشال سيفه=وماينهزم في هالزمن شخص واثق مايخاف

مابقى شيِّن اقوله ومابقى شيِّن اضيفه=غير اطلب واحدن امره بين نونن وكاف

ربي ربي عالمن مايسعد المرء ويخيفه=طالبك ياربنا سنينن سمان ابلا عجاف

[@بنت الشيوخ@]

صح لساااانك.....
لاهنتي....
تقبلي مروري...


اختك


@بنت الشيوخ@

[صعب المنال]

صح بدك يابنت شيوخ


صيغة ردك بالمؤنث !!

مدري الرد لي والا بالغلط جاء هنا

والا انتي فاهمه غلط


على العموم مشكورة على المرور

ويعطيك العافية

[محمدالعمار]

الله يرزقك ويصبرك
ترى المواقف هي اللي تبين الطيب من الردي
وربع المهايط ماعندهم الا ازهل ازهل واخرتها على ماش
ترى كلنا جربنا المهايطيه اللي ضيعوا وقتنا
بالمواعيد على الفاضي.
وخصوصا الاعضاء

[شرطي بدون رتبه]

صعب المنال

صح لسانك

وصدقت

بعض البشر يغريك شكله ويعجبك حكيه وكيفه --الكلام عنـده كثيـر والفعـل فيـه اختـلاف

شخص خالي جوهره مايعجبك ياكـود طيفـه --مثل مجلـة فاشلـة احلـى مافيهـا غـلاف

تقبل مرور

اخوك

[أم يوسف]

الوظيفة ...
وما ادراك ما هى ...؟؟

صح لسانكم

[عشوق]

مايفوز في هالزمـن واحـدن ماشـال سيفـه....وماينهزم في هالزمن شخص واثق مايخـاف


صح لساااااااااانك

الله يرزك بوظيفه وحرمه مره وحده

تقبل مروري

[الاحرش]

صح الله لسانك

[صعب المنال]

ياهلا فيك اخوي محمد العمار

ومثل ماقلت ربع المهايطيه لايهش ولا ينش


مشكور على المرور
لاعدمناك

[بن هضبان]

صح الله لسانك