الشمرى والعتيبى

[ffahad]

ارجو ان تستمتعوا بها

ومناسبتها هي :

كـــان الـجـنـدي ثــامـر بـــن فــلاح الـشـمري فــي دوره عـسـكريه

مـسـؤولـهـا الــمـقـدم تـريـحـيب الـعـتـيبي .

وقد تعرض الجندي ثامر لإطــلاق نــار غـيـر مـقـصود ومـكـث عــدة ايــام فــي الـمـستشفى.
وعــاد بـعـد ان تـمـت دوره زمـلائـه وتـمـكن مــن الـتـخرج مـعـهم فأرسل والده

فـــلاح بـــن شـامـان الـشـمري هــذه الـقـصيده
.
.
.

سلام مني للمقدم تريحيب = أعداد ما خط القلم بيد كتاب

وعداد ما غنوا هل الفطر الشيب = بأرض خليه ما بها غير الاعشاب

وأعداد ما ذعذع نسيم الهباهيب = وأعداد ما سجيت رجلي للأقراب

ماهي غربية منك يا كاسب الطيب = حلياك من نجم تبين ولا غاب

شريف ما يدخل على ساسك العيب=من يفعل الحسنا بالاجواد ما خاب

لقيت بالعتبان خمسة عذاريب = الطيب والنخوه وتقدير الاجنـاب

دون الخوي يا طون حر اللواهيب = وأن حدت الدنيا يفكون الاشناب




فـرد عـلـيـه الـشـاعـر المقدم : تـريـحـيب بـن سـويـلم الـعـتيبي قـائـلاً :-
.


حي الكتاب اللي من الشمري جيب = أقولها بالصدق ماني بكذاب

يا مرحبا عد النجوم المراقيب = ترحيب مشتاق ليا شاف الاحباب

بكتاب ابن شامان رجل المواجيب = فيه الجواهر بين صايغ وحساب

بنيت له بأقصى ضميري دواليب = هذا الرصيد الي كنزته وراء الباب

من شأن ثامر يرخصن المطاليب = جوينا الطيب له الحق غصاب

خوينا ننصاب مثله ليا صيب = نمرض معه ونطيب مثله ليا طاب

يا عل ما يفتق على مثله الجيب = والله يجيره من صواديف الاسباب

آمل أن تنال أعجابـــكم
.
.
.
.
.
.

[الخويطري]

لاهنت مليون يافهد

مساجله وقصيد شعري رائع

تقبل تحياتي

الخويطري

[راكان اليامي]

لاهنت يافهد على القصه والقصيده
تسلم يمينك

تحياتي

[ابوتركى]

تسلم فهد على القصايد الجميله


تحياتى لك

[عاشقــ الليل ـة]

يخليك ربي وماتقصر

استمتعت وانا اقرى انشاء الله

لك المزيد من التقدم

عاشقة الليل

[ffahad]

يعطيكم العافية على المرور