يا شغاميم محلف يا كل يامى وقحطانى

[عـزام]

يا شغاميم محلف يا كل يامى وقحطانى

قصيده نادره من نوادر الشاعر الفذ والمبدع عبدالله بن عماره المصرانى



الله الله خير مبـدا ببتـدي بـه وانحنـي لـه
بطلبـه ربـي يبـدل سيئـاتـي بالحسـانـي
وان لقيت ابليس لللـذات يومـي لـي شليلـه
ماتبعتـه يـوم يومـي للطريـق المشبهـانـي
عزتي ليه ضاع وقته يوم يومـي عزتـي لـه
ماغواني دون عمري دون عمـري ماغوانـي
للطريق اللـي بداياتـه علـى جمـر المليلـه
والنهايه في جهنم..0(كان ربـي مـا هدانـي)
والقصايـد ماتجيـب المرجلـه قولـه وقيلـه
كم وكم من شاعرٍ قد قال: انـا عنتـر زمانـي
وإن نشدته وين فعلك؟وش طلع ناتج حصيلـه؟
قال :مدري ما مداني هاه؟! مـدري مامدانـي
ناتـج افعالـه (غثـاء السيل)مايربـح زميلـه
شغلته فالمردحـه لاطـال عمـر المردحانـي
والذيابـه مـن مخالبهاعشاهـا تحتـدي لــه
والحصانـي دوم دناعـه واسميهـا حصانـي
يوم ابو نافل صحيب الطيـب كسـاب النفيلـه
كثّر الترحيب من طيبه ومـن جـوده دعانـي
كيف ما سج القدم حامي على حامي واجي لـه
دامه الغالي وابن غالي واعـده مـن خوانـي
طول الله عمر نافـل بـان بيـن قـروم جيلـه
فاح صيته بين ربعه ريـح مسـك وزعفرانـي
في محلـه يـوم زان الكيـف بنـه زاد هيلـه
مرحبا لان المكـان اللـي جمعكـم ذا مكانـي
ماعليه اخـلاف مـن رد الجميلـه بالجميلـه
دامها طيب وجمالـه صـدق يستاهـل عيانـي
موجز النشره قضـا لكـن بعـد باقـي بديلـه
باقي التفصيـل والتحليـل ثـم اعلـن بيانـي
.
.
.
راكب اللي كنها الخفـاق فـي راس الطويلـه
من بنـات الريـح خمريـه حوافرهـا متانـي
فـي مقبلهـا سماحـه وانشراحـه وتهليـلـه
معجزه سبحان من نـزل لنـا سبـع المثانـي
الاذانـي بذرتين..ارمـوش عينيهـا ظليـلـه
كن مناخرها حجول الترف عـود الخيزرانـي
والشدوق اشبر وضيع من مزاياهـا الاصيلـه
لجـة اللجـه معـا لحيانهـا ملقـى العنانـي
عنقها عنق الفريـد اللـي يجفـل مـن مقيلـه
في نحرها نحتت الفرعـون تبغـى ترجمانـي
والعداله ليّحـت ذرعانهـا مـن غيـر ميلـه
زاويـة سبعيـن فـي سيقانهـا رسـمّ بيانـي
والسماحيـق الملايـا مستطيلـه ..مستطيـلـه
ظهرها يجذب متون اعضودها عـزلا مثانـي
اللحـم ينصـى فقاحتهـا وخـلاهـا جليـلـه
ما تطبق فوق عرض جنوبها احبـال الموانـي
لا ادبرت كن ذيلها شختور من حـق المخيلـه
نابثات اسدوسها سفـاح مـن فـوق الاذانـي
تنـزوي بشقاقهـا بشقاقهـا الاخـر بخيـلـه
في نهار العيد عيد ضحيـه وعيـد رمضانـي
فرقها عن بنـت راع الطايلـه برقـع وشيلـه
غير ربـي عاضهـا ملبوسهـا زل اصفهانـي
لا استفزوها وفـزت مـن مواطيهـا الثقيلـه
فزت الملقوص لانّـس حـر سـم العقربانـي
فوقها لاشـاش مزبـان الدخيـل يشـد حيلـه
هزت جيوش وعروش وهزت كبـار المبانـي
لاتراخـا كنـهـا قالت:ويـامـال الهشيـلـه
اسهج ..اسهج لين اخلي النجم والمزنه وزاني!!
بالفرج بشـر دخيلـه بالفـرج بشـر دخيلـه
لو عليه الدم يطبق طبقـت السحـر العمانـي
بين جمعين وبحر دربه خضر..تخلـي سبيلـه
كرّها مـع فرّهـا تقبـل بعـد تدبـر رزانـي
كنها جلمود صخـرٍ هـد مـن علـويّ سيلـه
ماتقايش عندها قحص الرمـك مثـل السوانـي
غاية الشيخـان والفرسـان لـو انهـا وسيلـه
منوه اصبح دونهـا منيـه ماجابتهـا الامانـي
شافها شقـران وابـدى الاهتمامـات الجميلـه
ساق خيله في طلبهـا كلهـا قاصـي ودانـي
واعتذرنا دون قاصـر يذكـر بهـدات خيلـه
والقناعه عشـر مـا ترجـع لراعيهـا ثمانـي
الهديـه ماتبـاع وكـيـف تعطى؟مستحيـلـه!
يـوم عيينـا عليهـا صفـوة الجـل البدانـي
حافظين اعلومها قبل الـف ليلـه والـف ليلـه
مدهـا ولـد الخليفـه جعـل يفـداه الهدانـي
شدها عبـلان مـن بـدع التماثيـل الجزيلـه
وامها ركابهـا صقـر الجزيـره مـا يوانـي
ينطح الجمع الغفير بجمعه اللـي يرتكـي لـه
واختها فاول جمـوعٍ قادهـا شيـخ آل ثانـي
واختها الاخرى معا زايـد وسماهـا الكحيلـه
درب اخيها جرّته جل الولـي مثـل المحانـي
احتمى له بن صباح ان فز لز..ويحتمـي لـه
سرج ابيها لابرا للكـوم مـن فوقـه ضمانـي
طوعه راع العضيبـا طوعـه هـادي عميلـه
المسيحير المسمى (قال:واللي لـه حصانـي)
ماعسفها غير شيـخ ونفخـر ان قلنـا مثيلـه
شيخنا راكـان فعلـه ماغبـا وسـط البيانـي
يوم زعزع دولة المسقوف وادقـم كـل عيلـه
قـام فاسطنبـول تمثالـه وهـز الصربيـانـي
عسفهـا قــوى قوايمهاولامنـهـا فشيـلـه
من طمان ليا رفاع ومـن رفـاع ليـا طمانـي
فوقهـا يامقطـع الفرجـان شغمـوم ودليـلـه
سجها لعيـون بـراق النحـر والعمـر فانـي
نصهـا (خيالـة السمـرا) مقابيـس الفتيـلـه
بزرهم يسوى عقيـد ويعتبـر مزبـان جانـي
من (قنيبر) من (صلاح) الدم من نفس الفصيله
(آل عرجا) كسوة العاري ليـا غـاب الفهانـي
للصحيب ارقـا سنـود وللحريـب الحنظليلـه
حاربوا فعل الخنـا بالطيـب طلقيـن اليمانـي
فعلهم بالصلـب والصمـان مـا يخفـا دليلـه
عـزوةٍ منـا وفينـا مـن قديمـات الزمانـي
لاتعصبنـا القنـازع نقطـع اكـبـادٍ غليـلـه
في حمانا ما يحل اللـي بـلا مقـلاط عانـي
مايحـل..ان حـل بالغـارات حققنـا جفيلـه
قلتها نايب عن (المصرا)وفيهـا شـرح ثانـي
من حمد مسعود ..مسعود انتمي له وانتمي لـه
احتمي(للشامري)و(الضاعني)فيـهـم مـدانـي
محزمي (مرزوق) والا من على المتنين اشيلـه
تاج راسي واعتـزي بـه لاحدانـي ماحدانـي
ياعوال (عجيـم) ششت!!ولابقـا فاليـد حيلـه
ارقبوا لي لين اعلّي واقطـف سهيـل اليمانـي
ياعوال(هشـام) مرويـن الرهيفـات الصقيلـه
الفصاحه من مخيخ المخ صبت فـي لسانـي!!
ياعقايـد(يـام)لارد الـبـرا سـقـم الدبيـلـه
الجنان اللـي لفانـي مـن جنـان الغيهبانـي
بطلـب الله مـا يزيله..ياعسـى الله مايزيلـه
ياشغاميم محلـف يـا كـل يامـي وقحطانـي
دون قاصر فالقبايـل كلهـا واهـل الفضيلـه
اسمعوا وش قالت الحكمه تراها مـن جنانـي
أكثـر المضمـون راح ولا تبقـى الا قليـلـه
ياعزيزي المستمع لحظه معـي ركز..ثوانـي
يمكن القى مودماني..شخص..يسوى له قبيلـه
بـس ماالقالـي قبيله..كاملـه فـي مودمانـي
ماخضع راسي ولايخضع ولا حولـي خميلـه
دام يوجد شخص من ربعي عريبيـن المجانـي


وســـــلامـــــتـــــكـــــم


الشاعر: عبدالله بن سالم بن عمـاره العجمـي

[عيد بن شدقان]

الولهان

لاهنت وصح السانك والسان
الشاعر
عبدالله بن سالم بن عمـاره العجمـي

[عـزام]

&&الراكد&&

صح بدنك


واسعدنى مرورك يا الغالى


ولا هنت


تحياتى:

الولهااااان

[فيصل بن حجرف]

لاهنت على النقل الممتاز وصح لسان الشاعر ابن عماره

كلمات صراحه في قمة الروعه

وياليت لو عندك المزيد من قصائد الشاعر الشاب ابن عماره انك تتحفنا بها

تحياتي

[روووووعه]

الولهان ,,

لاهنت على القصيده الحلووه

يعطيك الف عافيـــــــه


تحياتي ,,

روووووعه,,

[عـزام]

Alajman


حياك الله اخوى واسعدنى مرورك

اما من ناحية قصائد الشاعر المبدع ابن عماره

فلا توصى حريص وابشر بالخير



تقبل تحيااتى:

اخوك الولهاااان

[ابوحمد الشامري]

يا سسسسسسسسسسسسسسسسسسسسسسسسسسسلام
يا سسسسسسسسسسسسسسسسسسسسسسسسسسسلام
يا سسسسسسسسسسسسسسسسسسسسسسسسسسسلام

عليييييييييييييييييييييييييييييييييييييييييييييييك

يا ولـــــــــــــــــــــــــــــهـــــــــــان

قصيده أكثر من رائعة تسلم يمينك يا السنافي على هذا النقل المبدع لشاعر ابن

عماره المصراني وكيف لايظهر في ال مصرا شعراء أفذاذ وفيهم شاعر الحرب

والحماسة في قبيلة العجمان الشاعر الكبير عبلان المصراني

تحياتي لك يا القرم عزى الله إنها قصيده رائعة .

[بخـــــــــــوت]

صح لسانك

الولهان تسلم قصيده قويه بمعانيها


تحياتي

[راكان اليامي]

كفو كفو
لاهنت يالولهان وصح لسان بن عماره

تحياتي

[عـزام]

رووووووووووووووعه


ومرورش كان اروع


تحياتى:

الولهاااان