قصيدتين للشاعر /فلاح بن عريج في مواصفات النساء
http://al-molta3.com/uploader/uploading/t5t5.swf
هنا القصيده على شكل بطاقه
بعض النساء تجلب على بيتك الخيـر=والبعض منهن لـك تجيـب النكاده
والبعض منهن مثل وصف النواويـر=ومع العقل والزيـن فيهـا الركـاده
والبعض منهن يستر الحـال تستيـ=لوهي تعيش العمـر صبـر وجـلاده
والبعض منهن عقلها يـوزن النيـر=ومعها على تـاج الرزانـه شهـاده
وبعضهن احلى من حليـب المغاتيـر=واحلى من الطايـف ونفحـة بـراده
وفي مجتمعها تمشي ابحسن تدبيـر=عقـلٍٍ رزيـن وفـي حلاهـا زيـاده
وبعضهن اينومسك عنـد المساييـر=والبْـن فالدلـه اتظـبـط اقـنـاده
وبعض اللسنتهن مثل وصف المناشير=والبعض منهن طايـشٍٍ فـي عنـاده
والبعـض منهـن فكرهـا بالدنانيـر=قشـرا وشوشتهـا سـواة العـراده
والبعض منهـن مايكـب المشاويـر=وفيها التغطـرس والغبـاء والبـلاده
وهذي هي اللـي تستحـق البواكيـر=حيث انهـا للسـوق فيهـا عبـاده
والبعض منهن عايـشٍٍ دون تفكيـر=وان شفتها منتـه ب ويـا السعـاده
وان رحت عنها ولعت فوقك اسعيـر=وشنت عليك الحرب حرب الابـاده
واللي ماصار اترهمه غصب ويصيـر=ومن جورهـا لازم تـزور العيـاده
والبعض منهن دايم اقدامهـا اتسيـر=علـى امـهـا والام راس القـيـاده
وتنفـذ اللـي تسمعـه دون تاخيـر=وترسم امخططهـا لفـرض السيـاده
واليا حصل من بينكم شـيٍٍ اصغيـر=تفيـد منهـو ماطلبـهـا الافــاده
وتوافـي اهلهـا بـكـل التقـاريـر=ليـن الرجـل يعـاف شربـه وزاده
واليا ظربهـا كـف مالـه معاذيـر=راحت هو ياكل عشاء البيـت سـاده
راحت طمـوح وبلشـوه العصافيـر=ومن همهم حـارب منـام الوسـاده
وان جاء يرجعهـا عيونـه مطاييـر=قالوا قبـل ترجـع تجيـب القـلاده
وسبحه من الأربش وأطقـم أساويـر=ومن جورهـن لا واعنـاه وهجـاده
وان كان ماانسابك ارجـالٍٍ مناعيـر=هيجـن وهوبـل ياحيـاة الـقـراده
وارجو السموحه من جميع الغناديـر=وهن الأصل منهـن للاقطـار سـاده
ومصنـع رياجيـلٍٍ تقـود الطوابيـر=والحـرب تقـدح للمعـادي ازنـاده
والمعذره وان كان بالقـاف تقصيـر=وماكل من يجهد نجح فـي اجتهـاده
وللكلمه الجزلـه زبـون وجماهيـر=وقول بـلا حكمـه مافيـه استفـاده
والله يجعل لي مـن الذنـب تكفيـر=يوم ان راع الـزرع يلقـا حصـاده
ويرسل على الانذال زلـزال كشميـر=حتى الفلل تصبـح سـواة الرمـاده
وهذه القصيده
كتبها على لسان صديقه منصور السويدان
في خاطري شيآ مضيق بالي=شيآ يكدر جملة العقالي
البارحه جاني كلامٍٍ يزعج=عبر الفضاء والنت والجوالي
قالوا بأنه قد تزوج واحد=ومع العروسه صار فيه اشكالي
دفع مهرها من عرق جبينه=وجابه لها اريال فوق اريالي
وبعد الخساير والفرح والحفله=اركت على قلبه لهيب الصالي
وقامت تسوي شي ماهو يعقل=وقامت عليه تولف الاقوالي
تقول هذا منتوي في قتلي=وفي وسط داري حط لي احبالي
ولا تقول انه رجل ماينفع=ودايم يخليني انام الحالي
ولا تقول انه ماينفع مررره=وانه تزوجني عشان اموالي
اما انها تمشي على ماتبغى=ولا عليه توجه الارسالي
وتقول اخته دايمآ تظربني=وتلقي عليء اهروج ماتنقالي
ولا تقول امحركه متعطل=لاشم عطري صارفيه اجفالي
وإن جاء يعاتبها بلش في حاله=وقامت على راسه تصيح تلالي
يجهم للشغله مايذوق العيشه=ووقت الظهر فالبيت مامن والي
نص القضاه يساندون الحرمه=اذا ماخافاوا من عذاب الوالي
واذا يجي القاضي يراقب ربه=ماهو على درب الرداء ميالي
تحط ضدك للطلاب مؤكل=خبل السانه كنه الدلالالالالالالا لي
واذا المحامي منحرف لقنها= على الرداء والمذهب البطالي
يقول ابرفع لك قضايا ضده=وانا معي خبره عن الاحوالي
ثم نبتدي برفع الطلاق وبعده=حضانةٍٍ في نظرة استعجالي
ومتعه وعدة لين حتى يطفش=وحتى يعاف الاولي والتالي
وان جاء يعدل فكرها المتغطرس=وان قال هذا الفعل مايحلالي
قامت اتجمع له عصابه ضدة=وقامت عليه اتحرض الجهالي
حط الثقه فيها وجت بلووشي=يحبها وتحب واحد ثاني
قلبه عليها بس ماهي يمه=يحبها وتحب واحد سالي
وكان انجبت ورعان رقع رقع=ماتنترقع والعلوم اطوالي
واللي مثل هذي خساره تحياء=ويالله عساها ماتجيب اعيالي
في الشات دايم للرداء سهرانه=ويالله عساه يسلها السلالي
منقــــــــول
اخوكم عبدالرحمن المحفوظي
06-03-2007, 02:12 PM
شكرن شكرن شكرن 
العرض العادي
