قصه القحطاني

[الهـنـوف]

صباح الخيــــر
أعجبتنى هذة القصيدة واحببت أن انقلها لكم وانشالله تنال اعجابكم وما تكون مكرره....!!!!!

للشاعر المعروف :
محمد بن فهاد القحطاني المعروف بـ (ابن حصيص )

من اهل القراين كان معجبا بابنت جاره ابن سلوم ولم يتمالك نفسه
فكانت هذه القصيده الجميله

ولّعتني بالهوى والحـبّ سـاره
دلّهتنـي عـن غناديـر البناتـي
ياحسايف بنت بن سلـوم سـاره
عند ابوها تدّرج مثـل المهاتـي
ريق ساره مثل سكر في غضاره
أو حليب ابكار عرب مسمناتـي
والنهيد زبيديٍ في دعـب قـاره
في محير الما القراح مصلّعاتـي
والثنايـا قحويـانٍ فـي زبـاره
زاهي نبته علـى كـل النباتـي
راس ساره ذيل شقراً وسط غاره
والجدايل بالرشـوش مجدلاتـي
والمطوّع لو يشوف خديد سـاره
طبّق المصحف وعجّل بالصلاتي
ماذكر جارٍ ذبح بالحـبّ جـاره
بالمبيسـم والثنايـا المرهفاتـي
حالفٍ بالله ما أنسى حبّ سـاره
كود أهل شقراء يخلون الصلاتي
لايمي يعطي حنيشٍ في خبـاره
سمّها يشظى العظام الصالباتـي

دمتم سالمين

[ب"ن"ـت ال"ع"جمان]

مشكوووووووووره على القصه الحلووه والقصيده الأحلى..
في إنتظار جديدكـ..
أختكـ>>تختوخه ..بنت العجمان

[الهـنـوف]

مشكووره
على مروورش العطر

[ابن منديل الخالدي]

صح لسانك ولسان شاعرها

الشاعر محمد بن فهاد القحطاني

ولاهنتي يابنت الاجواد علي النقل الطيب

تقبلي مني فائق الاحترام والتقدير

[محمد المحلكم]

لاهنت وكان ودنا نعرف رد فعل ابو ساره

[أبن معوض]

يعطيش العافيه على نقل القصيده الرائعه والصراحه أني ادورها من زمان.

تحيات بن معوض

[@الشيــــــــــــنه@]

لاهنتـــــــي عـلى القصـيده

[الخيال الحر]

الله يعطيك الف عافيه على النقل المتميز
وسالمت اناملك على النقل والكتابه فى ها الشي

(وفــــــــــــــــالك طيب )

[الاحرش]

ولاهنت على السالفه والقصيده


وانشالله نشووف منك المزيد