عيده ليت الناس تفنى عقب ذكرى مووت عيده؟!

[مصافح الشعر]

بسم الله الرحمن الرحيم ...


يسعدلي //مساكم.....


عندي قصيده فوق الوصف وغنيه عن المقدمات... كتبها صديق لي .. ولما قراها لي.. قلت له ارسلها ((مسج)) ... ونزلتها لان حرام هذي القصيده تبقى في مكانها.. واتمنى ان مايزعل مني ...فهو بصراحه يرتل لنا أحدوثة قلبه في ترنيمة اشبه ماتكون بسينفونية(( بيتهوفن)) في زمانه


فيتعجب منه متذوق الشعر من متابعة هذا المقتدر وهو يرسم تلك اللوحه على فراغات الخيال ، فتثري تلك المتابعه شوقاً للمزيد .. فهي قصيده ((مرثيه )) ...
فدعونا برحل معه .. في ,, (( قصيدته المؤثره))...




اتمنى تنال على الاعجاب

ابتدى عيد(ن) جديد(ن) وإبتدت فرحه جديده.
=وإبتدوا كل الخلايق بالتهاني والسلام.
وإبتدت دمعه أكيده تحرق القلب وتزيده.
=وسط جوف إللي عيونه ماأعرفت معنى المنام.
أربع أعوام يتجدد دمع عيني والنكيده.
=وأربع أعوام أتوجد من فراقش والهيام.
أربع أعوام أتنطر من يجيني في قصيده.
=يذكرش ياأغلى الحبايب ياحياتي والغرام.
والله إني لاأكتبش ذات التواصيف الحميده.
=والله إني مانسيتش في منامي والمقام.
لعنبو بيت(ن) أقوله ماذكر فيه الفقيده.
=والله إني لاأكسره من شانها يصبح عدام.
أربع أعوام(ن)وعدت من عقب فرقاش عيده.
=أظلمت أرض الخلايق وألبست لون العتام.
لاثراها ذاربيعه ولاغريده هو غريده.
=لاسماها في صفاها ولابدرها بالتمام.
لاشجرها ذا ثمرها بسبت الريح الشديده.
=ولازهرها ذا رحيقه والنهار أصبح ظلام.
ذابحرها من فقدها يذرف أمواجن عتيده.
=ذي طيوره من كدرها لاتغاريد وكلام.
والطيور الجارحه ماعينت شين تصيده.
=والغيوم الحايره تبكيش مافيها ملام.
لا النسايم ذا عطرها والذهب أصبح حديده.
=وإختلف وضع الكواكب بين فجوه وإنقسام.
آآه يمه لودريتي دمعتي صارت وحيده.
=وآآه يمه من علوم(ن) شلتها وسط العظام.
كم صباح الخير لش عندي وأنا أرسل بريده .
=هو يجيلش من طيور أو يجيلش من غمام.
وكم مساء الخيرلش عندي وأناحافظ نشيده.
=أتنهدها بجوفي كل ليله وكل عام.
والعصير ودلة القهوه مع حكمه رشيده.
=وشاشة التلفاز تحكي من علوم(ن) للعوام.
آه لوقلتي محمد ذي علوم(ن) هي أكيده.
=وقمت أكذب بالكلام من تأليف العجام.
مالقيت إلا عيون(ن) تبتسم فطنه فريده.
=ومالقيت إلا حنان(ن) مكتسيها بإبتسام.
مالقيت إلا يدين(ن) تطلب الباري لعبيده.
ومالقيت إلا دعاء الصمت في وسط الزحام.
=والصلاه لربها والكل يشهد ماتحيده.
والزكاه لخلق رب الكون ولاننسى الصيام.
=يوه يمه لوبعدد ماتكفيني جريده.
توقف حروف القوافي من خصالش بإحترام.
=ياوليده ليه ماسميت عيده ياوليده.
أشهد إنها عزوت إللي نام ليله مايضام.
=وش لنا بمريام مع سوسن وليلى أو فريده.
من تغير عن ثيابه حد من ذكر الكرام.
=مثل طيرن حد من سربه يبي يلحق طريده.
لاقوى يمسك طريده وظيع دروب الحمام.
=عيده ليت الناس تفنى عقب ذكرى موت عيده.
ليتني ماعشت يومن ماأشوفش ياالغرام.
=ماذكرت إلا صلاه ودين والفطنه فريده.
وماذكرت إلا زكاه وصوم ودمعه كل عام...

كل الشكر لكم...
اخوكم ... مصافح الشعر..

[سمـــوم]

صح لساااانك اخوي وصح لسااان شاعرها

قصيده في منتهى الروعه أهنئك على الاختيار الرائع وأهنئ صاحب القصيده على موهبته والى الامام وبانتظار جديده من خلالك يامصافح الشعر


تقبل فائق احترامي وتقديري ..

*اليــ!!ــاميه*

[الجامحه!]

هلابك اخي المحترم .. ((مصافح الشعر)) ,,
كل الشكر لك على هذا النقل الطيب ...
مرثيه روووعه .. وحزينه ..
,,,
اخي الكريم (مصافح الشعر) ,,
هذي القصيده ,, لمحمد عبيد مجول .. وهي مرثيه بجدته رحمها الله واسكنها فسيح جناااته..
وصح لسانك ولسان شاعرها محمد عبيد مجوول ,, والله يعطيك العافيه,, وتسلم يمناك ,,
ننتظر جديده بكل شووق منك اخي الكريم ((مصافح الشعر))
لاهنت ...
تقبل فاائق احترامي وتقديري..
اختك,, الجامحه!

[فيصل الخالد]

مصافح الشعر

لاهنت على ذالقصيدة الاكثر من رائعه

وصح لسان شاعرها وناقلها

وعسى الله يرحمها ويغمد روحها الجنه

اللهم تقبل دعائنا في هذا الشهر الفضيل

[بقطانه]

قصيده اكثر من رائعه

تسلم يمين من كتبها ومشكور للي نقلها

تتكسر الكلمات في وصف روعه هذي القصيده

والله يرحم عيده واموات المسلمين ويغمد ارواحهم الجنه

تحياتي

[عيد بن شدقان]

الاخ/ مصافح الشعر

اولاا نرحب بك معنا في شبكة العجمان
واسعدنا اتضمامك لناا وحياك الله

ولاهنت على ذالقصيده الرائع

وكان بودنا انك ذكرت لناا اسم شاعر هذه القصيده


والله يعطيك الف عافيه

[@الشيــــــــــــنه@]

لاقوى يمسك طريـده وظيـع دروب الحمـام.
عيده ليت الناس تفنى عقب ذكرى موت عيده.
ليتني ماعشـت يومـن ماأشوفـش ياالغـرام.
ماذكرت إلا صـلاه وديـن والفطنـه فريـده.
وماذكرت إلا زكاه وصوم ودمعه كـل عـام...




الله يرحمهاا ، وصح لسان شاعرهااا وسلمت يد ناقلها ..