استفسار عن معنى كلمة

[خرطم]

السلام عليكم
أنا ضيف جديد عليكم ومن قبيلة العتبان وأبي أستفسر عن معنى كلمة في بيت شعر للشاعر ضيدان بن قضعان اختلف على معناها الكثيروصححوني إذا كان في كتابة البيت خطأ يقول :
لا تعذر ولا تقعد تلف وتدور &&& رح مراح القطا ولا مراح الجـداد
وش يقصد بالجداد
أمل التجاوب والرد بسرعة الله يعطيكم العافية

[خرطم]

يالربع أبي الرد الليلة

[بري حالي]

الجداد يمكن يقصد الاجداد يعني الاجداد الي قد ماتو واظن تفسيري غلط

[علي بن عشوان]

هلا اخوي خرطم ..


المعنى واضح واي واحد يفسره بس اذا كان في البيت غموض مايقدر اي شاعر يفسره لان الشاعر مايقدر يفسر اي كلمه لشاعر ثاني فيها
غموض الا اذا كان فاهم اسلوبه ... او شاعر قوي لان على قول المثل المعنى في بطن الشاعر.

وماقصر اخوي بري حالي تفسيره بمكانه

ومعنى الكلمه ذي واضح جدا يقصد فيها تروح مراح الاجداد يعني مراح جداني اللي ماتو .

واللي يثبت قالك مراح القطا والا الجداد والناس معروف عندهم مراح القطا يعني ماترجع.

ارجو اني وضحتلك.

تقبل تحياتي اخوك علي

[خرطم]

شكرا بريب حالي على اهتمامك
وشكرا أخوي علي بن عشوان على توضيحك وبيض الله وجهك

[بندر]

انا اقول انّك ناقلها غلط

الجراد مو الجداد يعني كذا:

لا تعذر ولا تقعد تلف وتدور &&& رح مراح القطا ولا مراح الجـراد

واعتقد انها واضحه ولاتستحق تفسير

بس انت يمكن ناقلها غلط

[النـــادر]

السلام عليكم
سبقني راعيها
اكيد الكلمه الجراد موالجداد
لأنه دارج استخدام مراح القطا , ومراح الجراد ..