هذه المحاورة بين الشاعر ذاير بن شويط والشاعر نايف العماوي
قال :: ذاير.
سلام الله على اللي مشتري موتر خربان
تراخص قيمة السكراب كنه طامع فيها
تدخن والاشارة ما تشب ولا تصك الباب
ما لوم الفحص يوم انه رفضها ما يمشيها
قال :: نايف
الا يا مرحبا بك عد ما بان الهلال وغاب
علامك تبحث الدعوة وانا موصيك تخفيها
انا شاريه نقدي لا كفيل ولا لها طلاب
توديني لزامي وان بدت حاجات تقضيها
قال:: ذاير
حشا ما هوب قصدك مير تدور الركاب
تحسب ان المراجل كلها تبي تضويها
اكلت مخالفة في عكستك للسير يا ثلاب
غشيمن سايدات القار تلقفها وتخطيها
قال :: نايف
اظنك لو معك سلطه على بتنقل المشعاب
ولا طالعت في نفسك وغلطات تسويها
تقحص كنك الخنفس لا ركبوا معه الاصحاب
يقلبها على ويلين عجتها تغطيها
قال:: ذاير
غشيم المصلحه شرواك لو انه خسر ما تاب
يا لين انه يحصل سبقت ادخينه براعيها
انا اقدرك في شيبك واقدر جملة الشياب
واعرف الصيدة اللي تنقضب مع روس اذانيها
ودمتم
بكل فخر<<<< ضما العجمان
30-05-2006, 02:35 PM
ذاير بن شويط.... نايف العماوي
العرض العادي
