|
يانغيمش حالتي كأنهـا حالـه سجيـن
السلام عليكم
قولو لا أله الا الله
ونتي ونه خلوجٍَ تجر من الحنين= فقروا لحوارها واخطموا من دونها
ونتي ونه يتيمٍ تلاوعه السنين= حظه اقشر والقرابه تصد عيونها
حالتي حاله كسيرٍ يجر من الونين= اعثرت به سابقه والطلب يرمونها
حالتي حاله عليلٍ وجرحه مايبين= طاول فراشه وعينه قضى مكنونها
حالتي حاله ضريرٍ ولاله من عوين= شايبٍ شاف الليالي وتغير لونها
كأني اللي فاقدٍ فزعهٍ من طيبين=عند ذوده منثني والعدا يبغونها
كأني اللي جاليٍ من زبين اليا زبين =لاعته شهب الليالي وشاف حزونها
وبزهم اللي لا اعتزا يجعل القاسي يلين =يضرب الاخطار ماهو بيتبع هونها
يانغيمش حالتي كأنها حاله سجين= غرته دنياه ثم عضته بسنونها
والسبايب بنت قرمٍ وهيفٍ لسمين= بنت من ربعه جموع العدا يفرونها
شبه وضحه ناتعٍ تلت اربوعٍ قطين= قايده ذيدانهم والعرب يتلونها
يا ابن عمي عقب فرقاه انا قلبي حزين =يوم وادع واختلط دمعنا بوجونها
والختام ارجي الولي جعلها منه تزين=والجذوع الميته يرتوٍ غصونها
فيصل بن نفل الشولاني
__________________
وين أنت يا اللّي كل ما غبت كني = واقف على باب الأمل وأتحراك
ليتك تعرف اتخون واقول خني = على الأقل .. القى سبب وآتناساك
وليت الزمن فـ محبتك ماخذلني = وليت الهجر من طيب خاطرك وارضاك
وش عاد أسوي يومك اقفيت عني = لا أنا أتبع المقفي ، ولا أحب فرقاك
|
20-04-2006, 11:23 PM
العرض المتطور
