|
يشفـون لامن عـنـّزوا لك ويكفــون
قصـيـــدة الشــاعــر عـبـدالله المـعـيـكــل
فى ( آل جهيــم مـن آل جـابـر آل مــره أهـل الـراشــديـة )
لما لهم من معزة وخوه وعلاقه الطيب وقد عبر ابوفالح وابدع ويستحقون الاكثر وفيت والله وكفيت .
ـــــــــــــــــــــــــــــــــــــ
اوداعة الله يارفاقـــه تـــــودون = من الهميمى للجهيـم ســـــــلامه
سلام ياربعِ يقولو ويطولـــون = ربعِ لهم حشمه وقدر وزعامــــه
لاعوال راشد سعد من هم يخـاوون = خويهم يزداد والله مقامــــــه
على مناهج شايب الخير يمشــون = جعله بجناتِ تبرد اعضامــــه
جوابرِ وقت الشدايد يَـــذرون = كم من ضهيدِ شيل عنة الغمامــه
يشفون لامن عنزولك ويكفـــون = كلِ يابو محمد خواله عمامــــه
محدِ تعلاهم بطيبِ يطيبـــون =كلِ وضع طيب المراجل غرامــــه
الله خلقهم للمخاليق للعــون = كلِ يلاقى فى طرفهم مرامـــه
علي والا من قلت ابو متعب امون = طيبه كما نورِ يشع بضلامــــه
ان جيت له بامدح قصر مدحى الدون = مثلى يحس انه قصر فى كلامـــه
وان قيل يامحمد نعم قيل مليــون = الجود فى ايَدك وانت عالى سنامــه
عز الضعيف وكل محتاج مديــون = كن الله محمد للايتام دامــــه
يفزع لمعتازِ ويفزع لمغبـــون = عضد السهير اللى قزا من منامــه
يامدح وين اللى عديمِ ابها الكــون = كله على بعضـــه مقر الشهامـــه
طالب الا عًد الضياغم يُعدون = منه توزع للرجال القرامــــه
وان قيل سالم قيل به حلم بالعون = الطيب بانى قدم بابه اخيامــه
الا نطق ذرب الحكى فيه موزون = صنديد ماخذ بالوجاهه وســامــه
والا حمد مع صالح العز يسوون = امه وسعد اللى لة الوقت ضامــه
اقولها وانا مودِ وممنــون = كب الذى حط القصايد طعامــــه
خوفى مطافيق الرخامه يضنوون = كثير والا من قليلِ حرامـــه
اثنى وغيرى من المخاليق يثنون = مثلى من اللى لاذكر طيب لامــه
ـــــــــــــــــــــــــــــــــــــــ
التعديل الأخير تم بواسطة ناصر بن حمود ; 20-03-2006 الساعة 10:21 PM
|
20-03-2006, 07:07 PM
العرض المتطور
