ناس فوق وناس تحت...لشاعر /فهد المساعد

[فلاح بن ملبز]

ناس فوق وناس تحت

صعب لامنك فشلت وصعب لامنك لقيت=إن من يكره نجاحك يدري انك ما نجحت
امس ضقت ورحت اقلب ذكرياتي وانتهيت=عند صورة طفل صوته مثل صوتي لا انجرحت
وش مثل ؟؟ لا والله إلا هذا أنا يوم ابتديت=انطق حروفٍ تلعثم في لساني لا انمدحت
هذا أنا يوم الحياه فنظرتي عشرين بيت=ومسجدين ومدرسه من طين كم فيها اصطبحت
هذا أنا .. وأصبحت أتمتم .. (هذا أنا) حتى بغيت=اختنق بس القدر عيّا على موتي وطحت
وصاح صوت الطفل فيني انت من وين ارتميت=قلت أنا المستقبل اللي فيه كم همت وطمحت
امس كنت أبيك تكبر بس والله لو دريت=اني اللي عشت لجله مت عندك واسترحت
لو دريت إن الزمان يجر رجلي ما عديت=ولو دريت إن البحور بلا مواني ما سبحت
كان دربك لي طويل وكل ماشفتك هويت=قلت لك كبوة جواد وما كبيت إلا وجمحت
ليه تسمعني وتمشي آه ليتك مامشيت=وآه ليتك من كثر عثرات الأيام انتصحت
ضاعت احلامي وضل الحزن فيني واهتديت=للطريق اللي يوديني على دمعي ورحت
يالحزن ليتك مثل دمعي وتنزل لارقيت=بس أعرفك لو مسحت الدمع تبقى ما انمسحت
كان حلمي في وجود إنسان يبكي لابكيت=وصار حلمي في وجود إنسان يفرح لافرحت
كنت اشوف الناس مثلي كل ما جعت وضميت=ما دريت إن الاوادم ناس فوق وناس تحت
آآآه يا أول ذكرياتي خذني فحضنك نسيت=لأسألك عن وجه ابوي اللي معه ياما سرحت
خذني فحضنك ابغفى .. ياااااه مبطي ماغفيت=وان لمحت دموع عيني سو نفسك ما لمحت
خذني فحضنك وبعثر في جروحي وان قضيت=هزلي كتفي وقلي : عيب تبكي لو سمحت
اضحك وعلم زماني من أنا .. ومن وين جيت=طق باب الحزن واصرخ فيّ لامني فتحت
وضمني يمك .. وكمل ضحكتك لامن بكيت=ودي اذكر كيف كانت ضحكتي لامن فرحت

[عيد بن شدقان]

صح السان /فهد المساعد


ولاهنت يافلاح

اختيار رائع

الله يعطيك العافيه

[فلاح بن ملبز]

صح بدنك يا ابن شدقان

والله يعافيك ويسلمك والله لايهنيك على كل حال

وشاكر لك على مرورك الكريم

[جمرة غضى]

الله الله الله يافلاح



أبيات أجمل من الابداع والروعه


صح الله السانك ولسان الشاعر العذب فهد المساعد ولاهنت يالطيب


تحياتي لك

جمرة غضى

[سيف بوظبي]

السلام عليكم ورحمة الله وبركاته

رائعة من روائع

الشاعر

فهد المساعد

صح الله نبضه وتسلم يا فلاح ولا هنت

[مهرةٍ اصيلة]

يالحزن ليتـك مثـل دمعـي وتنـزل لارقيـت=بس أعرفك لو مسحت الدمع تبقى ما انمسحت

تسلم يا بن ملبـز ..

صح لسان فهد المساعد ..

وتسلم يمناك على النقل ..


إختـك .. مهرةٍ اصيله

[فلاح بن ملبز]

مرحبا يا جمرة غضى

صح بدنش بالنيابه عني وعن شاعرها...ولا أنتي ...

وشاكر لش على المرور الكريم

[فلاح بن ملبز]

وعليكم السلام ورحمه الله وبركاته

سيف بوظبي

صح بدنك...والله يسلمك والله لايهينك

ولك جزيل الشكر على مرورك الرائع

[فلاح بن ملبز]

مرحبا يا مهرةٍ اصيله

الله يسلمش ويرضالي ليش

صح بدنش يا مهرةٍ...وتسلم يمنا من يقول

وشاكر لش على مرورش الكريم

[النقال]

بن ملبز


السلام عليكم

الحمدلله على السلامة


ومن طول الغيبات جاب الغنايم((يمكن))


عموما سير علينا


ولاهنت على المشاركة



أخـــــــــــــــــــــوك




النقـــــــــــــــــــــــــــــــــــال