((أبشروا يالشرق الأوسط بالتسكّع والبطاله))..

الطرقي · #1 18-10-2005, 02:40 AM

.

عندما قرأت هذه القصيده..

كنت بعد كل بيت..

اقول (لا أراديّاً)..

الله اكبر عليك..

يا (فيصل)..

صدقوني..

إنني أكره أسلوب التشويق..

ولكن اعذروني..

فأنتم امام (كارثه شعريّه)..

قبل ان تكون..

(كارثة سياسيه)..!!

إليكم.. (فيصل بن طواله)..

ابتدت (حـرب المهالـك).. وانتهـى السلـم ومجالـه=وارتكب (اهل الجريمـه).. ابشـع انـواع الجريمـه
داهموا بغـداد (جيـش الشـرك).. (واحفـاد الضلالـه)=حنـوا لتدميـر.. تاريـخ (الحـضـارات القديـمـه)
بيـن (بعثـي العـراق).. وبيـن (جـرذان العمـالـه)=انثنت ياااااويـل قلبـي.. (بنـت الاسـلام العظيمـه)
ااااه ياوجدي عليهـا.. وجـد مـن ضيمـه (خوالـه)=ان نواهم (صاااااحت أمه).. وان تركهم (صـاااااح ضيمـه)
او وجود (القاصر).. اللـي مغتصـب عمـه حلاااااالـه=هـو يتيـم بيـن ربعـه.. مالـه الا اخـت يتيمـه..!!
او وجـود (النـادر).. اللـي (ناطـح الغـاره لحاااالـه)=ان وقف زادوا صوابه.. وان وقع صااااااحـن حريمـه
او وجود (الديّـن).. اللـي مارتكـب جـرم وخمالـه=بعد ماقصـو يمينـه.. اعتـرف (راعـي الجريمـه)..!!
او وجـود اللـي خصيمـه.. فجـأةٍ وقـف اقبالـه=جالي من وسط ربعه.. وأشجـع اربوعـه خصيمـه
او وجـود (الطيّـب).. اللـي (تـو ماكبـروا عيالـه)=بعـد ماكبـروا عيالـه.. (صـار طيبهـم هليـمـه)
او وجود اللـي يمينـه بالسلاسـل.. مـع شمالـه=(شيخ قومٍ) عقب عـزه.. عـاش (حقـران وهضيمـه)
حسرتـي والله علـى حسنـك (يابغـداااد).. وجمالـه=وحسرتي والله على (الشعب العراااااقي).. فـي جحيمـه
كـل (ماقيـل اقصفـوهـا).. آتصيـقـه للمقـالـه=يااااااعرب مـوت القلـوب اليـوم.. (عاهـه مستديمـه)
(لا تورّونـا صورهـم).. (اتركـوا كــلٍ بفـالـه)=(ألبـدوا).. (والذيـب يلبـد).. لا نبـح (كلـب الخريمـه)..!!
يعني وش رايـح نسـوي..؟؟ غيـر يالالـه يلالـه=لاتحـرّون القلـوب القاسيـه.. تصبـح رحيـمـه..!!
لانـي مغيـّر زمـان.. ولانـي امحـرم حـلالـه=بس اشوف ان العروبه.. (تسحـب اذيـااااااااال الهزيمـه)
(سامح الله) مـن قرانـي.. مافهـم فحـوى الرسالـه..!!=مـدرك ابعـاد الكـلام.. (ونيّـتـي والله سليـمـه)
(الشهـر هــذا مـحـرم).. والله مـحـرم قتـالـه=بـس يالله ماعلينـا.. (كــل ضـربـه بتعليـمـه)
ابشـروا (يالشـرق الاوسـط).. بالتسكـع والبطالـه=يامـدورة الغنـااااااايـم.. ((أنـتـم الـيـوم الغنيـمـه))..!!
جت (مغول الغرب).. يم (الشـرق).. والقصـد احتلالـه=خلف (هولاكـو أوروبـا).. جـوك يتلـون البهيمـه
من متى كان (اليهودي) لـه علـى (المسلـم) جمااااااالـه...؟؟!!=مـن يقـول ان العواقـب.. مانتايجهـا وخيـمـه..؟؟!!
(عارفيـن المستخبـي).. اندثـر وقــت الجهـالـه=والغبـي اللـي يفكـر.. لــذة الدنـيـا مقيـمـه
ينولـد حـي ويمـوت.. وينولـد حـيٍ بـدالـه=والحظيظ.. اللـي خطـى رجلـيـه.. دايم مستقيـمـه
اشهد ان المهدي اللي ننتظر.. طوّل وصاله=وصل الاحباط الحناجر.. واقطب المجهـول غيمـه
باكـر.. تشوفـون بااااااكـر.. (قولـوا ماقال الطوالـه)=كـان بـاكـر ما غديـنـا.. للخنـااااازيـر الوليـمـه
الا ان كـان اتحدنـا.. وصفنـا عــاد اكتمـالـه=واجتمعنـا كلبونـا.. ضـد عــدوان وضليـمـه

اخر القول..

رحم الله شاعراً..

حمل هموم أمته..

..

ويبقي السؤال..

من متى كان (اليهودي) لـه علـى (المسلـم) جمااااااالـه...؟؟!!=مـن يقـول ان العواقـب.. مانتايجهـا وخيـمـه..؟؟!!

ولكن أين الجواب..؟؟؟؟؟!!!!!!!

اتركه لكم..

طيب الله اوقاتكم..

الطرقي

أشهب الـلال · #2 18-10-2005, 02:50 AM

الله أكــــــــــــــــــبر

أبدااااااااااع في أبداااااااااااااع

ولماذا لا يكون أبداع والقصيده لفيصل الطواله ومنقوله إلينا

من عضو لهُ الذوق الرفيع دائماً

الطرقي

لاهنت على النقل الرائع والأختيار الموفق

ومازالت المُشكله قائمه

من متى كان (اليهودي) له على (المسلم) جماااااااله؟؟!!=مـن يقـول ان العواقـب.. مانتايجهـا وخيـمـه..؟؟!!

ولو كان في يدي تصرف لنقلت هذا البيت للمُنتدى السياسي

((ولكن لا حياة لمن تُنادي))

صح ألسان الشاعر

ولنا شوق للجديدك دائماً

تقبل تحياتي

أخيك

sohab · #3 18-10-2005, 03:48 AM

السلام عليكم

الله اكبر عليك .... يا الطرقى .. بعد

وش ها الجزاله فى الاختيار

ياوالله الشاعر بعد

بكل وضوح وبدون اى مجامله فوق الابداع فوق ............

ها القصيده فى كفه ... وقصايد الميوعه فى المجلات كلها.. فى كفه

لعنبو قلبا ماتهزه ها القصيده .....

( تهزه فى ما ترمز اليه فى معانيها وبهذه الجزاله )

تسلم بالطريقى ...لك كل الشكر والتقدير

عيد بن شدقان · #4 18-10-2005, 04:21 AM

الله الله الله
عليك يالطرقي
صح الساان بن طواله
ولاهنت
يالرااائع على اختياارك الرااائع والجزل
الله يعطيك العافيه يالقرم

ولك كل الشكر

المارد الشعري · #5 18-10-2005, 05:06 AM

الله االله ياسلاااااااااااااااااااااااام عليك ياطرقي

اشهد انك راعيها وبيض الله وجهك على النقل الرائع

لك تحياتي ياذيب

الطرقي · #6 20-10-2005, 03:29 AM

يا مرحبا يا أشهب اللال..

سعدت لأعجابك بالقصيده خاصة انك صاحب ذوق رفيع..

تقبل شكري لمرورك..

الطرقي

الطرقي · #7 20-10-2005, 03:32 AM

((ها القصيده فى كفه ... وقصايد الميوعه فى المجلات كلها.. فى كفه))

مشكلتك فاهمني.. اخوي سوهاب

والقصيده ما دامت اعجبتك.. فهي بالتأكيد جميله..

اشكرك اخي سوهاب.. على المرور والتواصل

الطرقي

الطرقي · #8 20-10-2005, 03:34 AM

حياك الله اخوي ذياب..

وصح بدنك..

واشكرك على التواصل..

والله يعيني على تقديم ما يرضيكم..

الطرقي

الطرقي · #9 20-10-2005, 03:36 AM

يا مرحبااااا بالمارد..

ووجهك ابيض..

واعجابك بالقصيده يكفي..

واشكرك على المرور..

الطرقي

طعان الجوع · #10 20-10-2005, 04:12 AM

الطرقي

عدت وعادت معك القصايد الجزله

قصيده من شاعر جزل ونقلت لنا من شاعر وعضو مُبدع

لله درك يالطرقي

تقبل اجمل تحيه