ينام منهو لا يعرف الهمومي !

[عقاب]

ينام منهو لايعرف الهمومي = وعنيّ لا نامو حريب لها النوم
الله يلوم اللي لحالي يلومي = لاساهر مثلي ولا هوب مهموم
ماهوب مثلي يزعجه كل يومي = همّ يلوج بداخل الصدر مكتوم
لامبدين اسرار قلبي لقومي = واللي بسر الغيب ماهوب مفهوم
اخاف ابوح السر تبد الثلومي = وتاقف على مكنون سرى هل اللوم
عاهدت قلبي مايبوح العلومي = ولا يويق بغايته كل مذموم
بالليل اساهر ساهرات النجومي = والصبح اعدي بالنبا كل مزموم
اوجس بقلبي مثل حر السمومي = ولا صفا لي خاين الدهر لو يوم
دنيا الشقا ياحيف ماهي تدومي = كم واحد فيها مشيح ومنجوم

محمد السديري

[فلاح بن ملبز]

السلام عليكم ورحمة الله وبركاته

عقاب صح لسانك ولسان شاعرها : محمد السديري

ولاهنت على النقل والاختيار الجميل

ولك جزيل الشكر

[عيد بن شدقان]

الله يرحم الشاعر/محمد السديري

ولاهنت
ياعقاب
اختيار اكثر من رائع

الله يعطيك العافيه

[فزاع]

الله يرحمه شاعرها ولاهنت اخي الغالي على النقل ومشكور

[بن عجمـــــــــــــى]

الاخ عقــــــــــــــاب
صح لســـــــــــانك ولا هنت
اختيار موفق

[عقاب]

فلاح
صح بدنك ولا انت

يسعدني مرورك

تحياتي

[عقاب]

ذياب
اللهم امين
ولا انت الرائع مرورك
مشكووور

[عقاب]

رمان
اللهم امين
ولا انت الرائع مرورك
العفو

[عقاب]

بن عجمي
صح بدنك
ولا انت

شكرا على المرور
تحياتي

[والله ماكان الفراق اختياري]

عقاب صح لسانك يالغلاا