يانجم ياللي غبت من غبت مابنت=.وشحال بين أيام مجدك وبينك

[ابو ياسر 5]

يانجم ياللي غبت من غبت مابنت=.وشحال بين أيام مجدك وبينك
الشمس تطلع وأسأل الصبح وين أنت=وتغيب شمسي وأسأل الليل وينك
وين أنت أنا منهان لا هنت=منهان من شخص عجز لا يهينك
أرجع متى ترجع أنا أنهنت وسجنت=.واللي سجني كان قبلي سجينك
أرجع ورجع مجد ماضي كما كنت = ورجع من المديون للناس دينك
ياقاسي في وجه الأضداد مالنت = من صاحبك ينعم بعطفك ولينك
حتى علي خصمك من أحسانك أحسنت= وياما عطت من كل غالي يمينك
بالسيف في شبه الجزيرة تسلطنت = أخضعت أهلها وملكنه يدينك
مثلك ولد والله فلا جابته بنت = لاشك عين يمهلنك سنينك
أقولها وينك وأنا أدل وين أنت =لاشك من زود القهر قلت وينك
ويا قصر ياللي بدلوا طينك أسمنت= أحذر تخون أو تنكر أصحاب طينك
الله يخونك كان لأهل الوفا خنت= وأوفيت للي بالخفا خاينينك
ياقصر لاتسكن وان انضمت وسكنت = أخفس قهر وأخفس معك ساكنينك
ياقصر مهما زينوا فيك مازنت = زينك رحل وان عاد لك عاد زينك

للشاعر المرحوم منصور سعدي الرمالي الشمري

[bird of shalwa]

أقولها وينـك وأنـا أدل ويـن أنـت=لاشك من زود القهـر قلـت وينـك
ويا قصر ياللي بدّلوا طينك أسمنـت=أحذر تخون أو تنكر أصحاب طينـك
الله يخونك كان لأهـل الوفـا خنـت=وأوفيـت للـي بالخفـا خاينيـنـك
ياقصر لاتسكن وان انضمت وسكنت=أخفس قهر وأخفس معـك ساكنينـك
ياقصر مهما زيّنـوا فيـك مازنـت=زينك رحل وان عاد لك عاد زينـك

عاااد زينك



.,,. ابو ياسر .,,.

صح لسانك والله يرحم منصور بن سعدي

قصيدة ٍ جزله .. وشاعرها جزل عليه رحمة الله ..

لاهنت على النقل الجميل والرائع ..

تحياتي لك وتقديري

اخيك