ابن الذيب والغده

طعان الجوع · #1 22-10-2005, 03:32 AM

ابن الذيب

شاعر وصل الى مرحلة الابداع والنجوميه من اقصر الطرق

اتركم مع اول مشاركه لي

عسى ان تحوز على رضاكم

وامل ان تكون اختيار موفق

اليكم ابداعات ابن الذيب

انا بدي اغني طرب والعرب ممسين=لكن قلبي المرجوج ضايق ولابده
الى من تغدا خالي الهم ابو قلبين=انا كبدي تعييف الغدا جعلها الغده
انا طرقي يرجي زمانه عشاه في حين=والى من حصًله قوة يومه نسى غده
ياقلبي لمن ضقتش الضيق للمسكين=ويادمعي لمن سلتخ والمرجله هده
ياعجمي لمنك طحت تكفى تطيح زين=ابا طيحتك طيحت شجاع ماهو بوده
وانا ماني بغشاش والناس غشاشين=ولا اجييبها من حد والناس من حده
لكن على يكتب البيت والبيتين=والى سنع الضمه تبلش مع الشده
من البارح واللي وراها والى ذا الحين=وانا الشاعر اللي يطلق البحر ويقده
تقلدني الغاويين ولكن وش الغاويين=لو انها بتقليدي الى غبت معتده
على الشيخ جاسم ودي ارسل كلام زين=لكن موتري مكينته تشتكي حده
وادور على جمس(ن) ولاهو من الالفين=لكن خمسه وسبعين ومغبرٍن شده
قد استخدموه بشغلة القات والهرويين=من اول يوم ان اعصاب ذاالناس منشده
ولا فيه ملكيه ولا نمره و تأمين=ومع بندر بن سرور قد راح له مده
ولا هو ابو شكمان لكن ابو شكمانين=يحد الشبح بس الشبح ماهو يحده
ورفارفه حول البدي كنها مابين وبين=الى من شحطه اثنين راعيه ثم هده
ردايف هنوف(ن)تلبس الجنز ابو خطيين=ابيها ماهو بمضبوط والام مرتده
اسوق انا ولا حدا اخواني الغاليين=علشان ياخذ علم من شيخ ويرده
ترى الشيخ جاسم بن حمد من عرفته لين=هذا اليوم لين اموت اغليه واوده
ولي الفخر في كل توقيت ولا حين=يمتر تميم بحزة الضيق والشده
هذا الادمي مخلوق من نور ماهو بطين=يزعلك من جده والى ارضاك من جده
ادور على شوفته ولبي واقول اميين=وعلى صحته ورضاه حتى على سده
عسى السد في اول شوط يكتب ثلاثه اثنين=اشجع مع الجمهور وانا مالي شده
لكن ياطويل العمر عن طعنت السكين=مقامي عزيز ونفسي اكرم من المده
وترى اللي عند قصره حقرني قبل شهرين=ماهو من هل العليا ولا من هل الرده
لو انك بعيني ماتشابه صلاح الدين=مابيحتلك مكنون قلبي ولا سده
ياشيخ الهوى لا مر خضر الغصون تلين=لكنه لو يعرض على الضلع ماقده
وانا بين عرق المرضف وابن حثلين=مانيب صلبين ويش خاله وش جده
لا رحت صوب دبي وان جيت صوب العين=انا سمعتي بين الرياجيل ممتده
لو ان الفقر وصدوف بقعاء وضلع الدين=ترد الكريم من المواجيب وتلده
لكن في العزوم الي لها القاسيات تهين=نوطي على خشم اسود الوجه ونضده
نحشم الصداقه وان فزعنا نجي عجلين=على موقفن ماكل رجال يجي قده
ترى صدة المقفين عادي وهم مقفين=لكن صدة المقفي الى اقبل هي الصده
لكنك طويل العمر وأنا من الوافيين=وذي ميزة العجمان في كل مسوده