يقول الشاعر بأن قصيدته كانت رداً على الشاعر العتيبي المنشورة في الجوال الذي قال أن أعز القبايل في الجزيرة عتيبه وتعرض لقبيلتي قحطان وشمّر .
ما كل شاعر دوّن الشعر تدويـن
والمدح فـي قبيلتـه يعتنـي بـه
مثل العتيبي يـوم غنـى بقافيـن
يمدح بها عتيبـه وينحـب نحيبـه
على القبايل حطهم فوق عاليـن
وسط الجزيرة فعلهم يدّعـي بـه
وقبيلة عتيبـه الهيـلا معروفيـن
ولا لهـم فعـلٍ شهيـرٍ يجيبـه
موسّطينٍ فـي القبايـل عزيزيـن
لا من خذا في الطيب كلٍ نصيبه
واشهر قبيلة تعطي الصاع صاعين
قحطان هي ساس العرب والعريبه
في نجد كم صالوا وجالوا من سنين
من السنيـن الأولـه والقريبـه
قحطان لا ركبوا على الخيل غازين
عدوّهم يشكي جروحه عطيبـه
خيّالهم ينطح من القـوم تسعيـن
يهـزم كتيبـه ويتنطـح كتيبـه
وهذّال ابو سلطان شيخ الشيابين
في المعركه حطّوا لقبـره نصيبـه
وعبيد وشليويح جا يومهم شيـن
منهم تعشى الطير الأبرق وذيبـه
وابن عقيّل من شيوخ الدعاجيـن
غزا اقحطان وللمنايا ضوي بـه
وثلاثة الجذعان وسـط المياديـن
سهم رماهم ما يـزم الضريبـه
والأربعين اللي شمـال الحصاتيـن
على جثثهم للحبايـب سحيبـه
ما نذبح إلا من خيار الشجيعيـن
مواقفٍ ما هـي علينـا صعيبـه
حنا عيال مضيم سقـم المعاديـن
وحنا عيال العود يا معتـزي بـه
واكبر دليل اللي حموا نجد ستيـن
ستيـن عـامٍ للسبـور ورقيبـه
وكل القبايل لابن هادي مطيعيـن
ياخذ عليهم كل عـامٍ ضريبـه
تدفع له الجزية على العسر واللين
ويعطى الهدو من شبّته لا مشيبـه
كم قدّموا له من خيول وبعاريـن
وياما خذاها بالرضـا والغصيبـه
ناسٍ ورا كشب اخضعوا مستذلّين
وناسٍ ورا حنيظل عليهم غليبـه
فعلٍ شهد به شيخ يام ابن حثلين
وشهد له بركات وارسل نديبـه
وحسان ابن ثابت لشعره عناوين
شاعر رسول الله كلامه حِكي به
من سبّنا ضعيف عقلٍ مـع ديـن
والا غشيمٍ تاه من يقتـدي بـه
هذا ولا نجحد سعـوط المجانيـن
فرسان شمّـر فالمواقـف تعيبـه
عبده وسنجاره سـواة البراكيـن
يا ويل من شمّر تجي لـه حريبـه
غزوا لاهل عروى وهجوا مقفّين
دخلهم من الذل شكّـة وريبـه
هجوا وراهم تاركين السواديـن
معيبـةٍ ياكبرهـا مـن معيـبـه
وقال المثل في كل عودٍ دخاخيـن
ومن لا يعدّ الصدق ربي حسيبـه
كم في القبايل من رجالٍ مديحيـن
كلٍ على فعلـه ينـادى بطيبـه
والشاعر اللي ما يعرف القوانيـن
أما يصون الشعـر والا يسيبـه
منقوووولة
ابن الاجواد
10-06-2006, 12:44 PM
العرض العادي
