شــــــــمّـــــــــر

[عزوف]

الشمس غابـت وكـل ٍ دوَر سراجـه = والشوق جمّر ..مااحرّالشوق لاجمّـر
دام اتجاهك شمـال مودّعـك حاجـه = سلّم على حايل وسلّـم علـى شمّـر
قدامك الخافق اللـي ينشـد علاجـه = كنه معلـق علـى بـرزان ومسمّـر
وانت تعرف يابعد حيي مـن تواجـه = بيضان الافعال لامـن الزمـن سمّـر
إن ضاقوااعنف من البحر ومن امواجه = وان راقوا اركد من الخرمان لاعمّـر
كم صيت بيتٍ عتق في الباب مزلاجه = وكم شيخ اماره قبـل تعيينـه مْوَمّـر
وكـم حاتمـيٍ تكفـي فلّـة حجاجـه = وشلون للضيف لو عن ساعده شمـر
وان مـر تاريخهـم متلبـسٍ تـاجـه = كم عاشقٍ كيّـف وكـم حاسـدٍ زمّـر
في جوٍ اغلى على الرجلي الى داجـه = من ديرة السادس ومن ديـرة معمّـر
كنه إلى اهـدى لـه البـراق ثجاجـه = طلة غريرٍ ضحك ومن الخجل حمّـر
توارثـوا حرثـه وتمتيـر ديبـاجـه = ركّابة الجيـب مـن ركّابـه الضمّـر
الود لا غِرس بدري صعب مخراجـه = والله ولا الـذ واحلـى منـه لاثمّـر
ادخل على اللي تطوف البيت حجاجه = من ناقصٍ عند مـدح الغيـر يتذمّـر
والمدح لو كان في الرديان للصّاجـه = ويقال: "عمّر بلد" بلعـون مـا عمّـر
والذم لـوزاد فـي الطيّـب تولاجـه = لا احرق ولا اغرق ولاعمّر ولا دمّر
مانيب متحسف بشعري علـى حاجـه = الا اني اروح ما غنيـت فـي شمّـر

الشـاعـر نـاصـر القحـطـانـي

[عادل الشمري]

عــــزوف :

أنا فعـلا أول مـرة تمـر علي هالقصــيدة....

صح لسـان ولد قحطـان , وكلن يذكر ماواجـه ،،،

ماني عارف شأرد عليج....بس

تسلم يمـناج لاعدمــناج ،،،

[عزوف]

ويمنــــــــــــــاك

اسعدني مرورك يا الشمري

ويستاهلون عيـــــال الطنايا

[شبيب ابن شبنان]

صح السان ناصر القحطاني

ويستاهلون شمر

ولاهنتي يا عزوف

[راكان اليامي]

صح لسان صبي محلف

وونعم في الطنايا

وتسلم يمينش ياعزوف


ودائما مبدعه

تحياتي

[ال محفوظ العجمي]

صح لسانه وشمر يستاهلون ..

وانتي تستاهلين تحيـــه على النقل..

تحياتي.....حمد

[عزوف]

اسعدني مروركم جميعا اعزائي

[اليامي]

صح لسان صبي محلف

وونعم في الطنايا

وتسلم يمينش ياعزوف

تحياتي

اليامي

[كويتيه]

يعطيج العافيه.. و صح لساااااااان الشاعر..

[عزوف]

شاكره لكم مروركم اعزائي