من حضرتك عشان قلبي تذله (_")

[عجمي ولي الله]

سوّ اللي براســك ولا تذكر اسبــــــاب
لا صرت بايعنــــي توكل على اللـه..

مابيني وبينـــك مشاريـه وعتاب..
شف دربك اللي جيت منـــه ..تدلــه..

ماراح تغلبنــي لو الحب غلاب..
من حضرتـك عشان قلبـي تذلــه..

في ذمتي ..لجعلـك عبرة للاحبــاب..
لين الخلّ يتـــــوب عن جـــرح خلّــــــه..

زلاتك اللي مانفــع فيهـــن حســــاب..
لا جيت اعددهن..ثمانيــن زلّــه..

احرجتنــــي بين القرايب والاحبـــاب..
كن الجفــا..سيف بوجهــي تسلّــه..

ماكنت اقصـــر فيك ..من كثر الاعجـــاب!!
يومك تسـاوي عندي ..الكـــون كلــه...

كنت القريب وكلهم كانـــوا..اغراب..
حتى القمــــر لا غاب..شفتك محلّـــه..

خلاص لا ترجــع..ترى خاطـري طاب..
بيطرى اللـي كنت عايش بظلـــــه..

رح اعتبرنـي ..واحد اذنب ..وتـاب
مانــــــــــي بثوب تلبســـــــه ثم .. تملّــــــــــــه !!!


وسلامتكم :عبدالله العجمي

[هند]

صح لسانك ولسان شاعرها

عجمي ولى الله

لك تقديري
السؤدد

[مـحمـد]

شكرا على النقل عزيزي

صح لسان الشاعر قصيده رائعه

[عجمي ولي الله]

صح بدنك ولاهنت علي المرور