طبايع النساء!!!!!

[ذيب الجويات]

في هذه القصة تبين اختلاف طبايع الحريم كما تختلف بالتأكيد طبايع الرجال
صاحب القصه: محمد الفهيد الروقي من عتيبه
وقصة زواجه على (مطيره)
فقد كان محمد متوجه الى بلدة قصيبه ليحضر بعض الغريس والنخل وهو في طريقه مع اخوياه ووضعوا غداهم وكان عباره عن قرص مفروك بسمن وكان بقربهم امرأه ترعى لايعرفونها قدموا لها قطعه من القرص لكنها رفضته فتركوه لها على الشجره.
وبعد أشهر رجعوا من نفس الطريق فوجدوا القطعه مكانها ما لمستها، فتعجب بن فهيد من امرها وكيف شامة نفسها مما يدل على انها من بيت رفيع فسأل عنها فأخبروه انها بنت بن سبيله من عبده (احد فخوذ شمر) فخطبها من ابوها فتزوجها.
وبعد الزواج ولاها كل شي الطعام والزاد والمفاتيح فكل شي تقوم بتدبيره فعرفت نفسيته معرفه تامه فاذا جاهم ضيوف ارسلت احد العبيد يسأل من يكونون وكم عددهم ومن زعيمهم وتحط لهم على قدر مكانتهم وزوجها مع ضيوفه يؤانسهم بالسوالف ولا يتحرك من مكانه لعلمه انها تقوم بالازم بدون توجيه.
وفي يوم لفى عليه ابن سليم من عنيزه ومعه خمسين من الرجال فبقي معهم طيلة الوقت لم يتحرك حتى قدم لهم الذبائح وكان طيلة ذاك الوقت بمكانه مع الرجال.
وبعد عامين مر ابن سليم ومع خمسه فقط من الرجال على ابن فهيد وبعد ان سلم عليهم ورحب بهم لكن هذه المره كان بن فهيد على غير عادته فكان يدخل البيت كل ساعه ولم يجلس معهم كما السابق فاستغرب بن سليم دخوله وخروجه على غير عادته وبعد ان اكرمهم ووادعهم قال له بن سليم: يامحمد ابنشدك عن شي في بالي
انت هالسنه غير، منت مثل اول؟
قال محمد: وقف انا بعلمك، انت جيت وكان معك خمسين وانا ماتركت المجلس ابد
وهالسنه تشوفني داخل وطالع للبيت والسبب ان زوجتي الاولى توفت وزوجتي الثانيه ماتعرف التدبير الا لما اقولها واسمعك هالابيات اللي قلتها بزوجتي الاولى مطيره:

اطلب عسـى الجنه منـازل مطــــيره =حيث ان بها طبع على البيض ماصار
ما معجـبـن زينه ولو هي نظــــــيره =قـــصدي تـنـومـسي الى جون خطار
مـع زيــنتها الوافــي بها زود سـيـره =دبــــره وعـــرف وكـل شــي بمقدار
لاجو على هجن من ارض الجزيـره =تعومسوا عنهم رديـــيـن الاشـــــوار
ان جـيـيـت للمطبخ ايلا فيه نــــيـره =تــلقى الحطب عندها تقـل شغل نجار
ماهــيـب مثل هــالــدعـلة المستديره =يجـي العــتــيـم وطامي الــقدر مافـار
يــــدلاك وين اللي خطـاهــم قصيره =مـن جـيتــه ما قـط طلعت مـن الـدار
ياعنك مايســــمـع نبــــاها قصـــيره =ولاقط شــفـت الغيـض منها والاكدار
الا ومع قصـرة اخطاها ســتيــــــره =جــتنا وراحـت ماسـمع صوتها الجار

انتهت القصه.
تذكرني هذه القصه بمقولة: وفي الليلة الظلماء يفتقد البدر.

[العماني]

لاهنت يا راعي العصلا على القصة والقصيدة الجميلتين والمحزنتين في نفس الوقت.

وتسلم يالقرم على مشاركاتك المميزه دائما.

تقبل تحياتي،،،

[كويتيه]

قصه رووووووووووووعه والله..
وفعلا في حريم مايعروفن ولا شي بشؤوون البيت وفي حريم تعرف شلون ادبر امورهاا عدل من غير مساعده..
يعطيك العافيه

[هند]

مرحبا بالأخ القدير ( راعي العصلا )
لاهنت على المساهمة الرائعـــة



السؤدد

[ذيب الجويات]

هلا فيك يالعماني وشكراً على مرورك انت والاخت كويتيه والسؤدد واقول ليت كلن مثل مطيره

وتقبلو تحياااتي

[ظافر الشامري]

يعطيك العافيه يابو جابر هالقصه والقصيده الروووووووعه وبصراحه بهالوقت فيه نسوان وعددهم كثيير وقليل اللي فارقه بينهم ....
عموما مشكوووووووووور وماقصرت يابن عمي...

[سمو الامير]

لاهنت على القصه والقصيده ياراعي العصلا

وعلى قولتك ليت كلن مثل مطيره

[غرنوووق]

تسلم ويرزقكك وحدة مثل مطيرة

ما تعرف لكنتاكي درب :d

بس في قصيدة من روائع النصافي اللي ذكر فيها انواع النساا واصنافهم وانواع الرجال لانه بجد ماخلة نوع الا ذكرة بالتفصيل

يعطيك العافية

[ذيب الجويات]

حياك ياظافر الشامري وسمو الامير وشكرنا على مروركم اما الاخت غرنوق

اقول لها الله يسمع منك ولا يرزقني بوحده تعرف المطاعم ولا الاسوااااق ولاتكون
ولاتكون غرنوق لان الغرانيق يحبون الراحه والتزين هاهاهاهاها

على العموم اسعدني مرورك جداً جداً

تقبلو تحياتي

[البدوي]

لاهنت يارعي العصلا

والله اللي ماعادبه مطيره وشكلها في ذي الايام