لـعـبة المـــوت

[سلطان الهاجري]

البارحه يوم الحزن .. ناظر في قلبي وش يبي؟
غير العروش الخاويه .. ذابت مع مجرى العيون

والصبر مركب ونكسر .. بعد اجتهادي واتعبي
واليل برد ولا صرخ برده .. فتح ريق المزون

صبري قضى .. جسمي نحل .. ولاوصلته مطلبي
وانتي . وحزني . والشعر .. سقماٌ من أسقام الجنون

لين أنسج فيني خيوط "الهم" تشرب مشربي
وأبديت مافيني وأنا .. خالفت فكري والظنون

أمشي ثـقـه .. وثر الخطا ساقة دروبي للحبي
ياحبذا لو أبتدي .. وأمشي بخطواتي بهون

ذي فلسفه .. مدري صحيح .. أن الذكي طبعه غبي
وأنا على بعضي كذا .. أكون ولا ما أكون

يالعبت الموت العظيمه .. موت فيني والعبي
وأجمعي أشلاء جسمي .. قبل ماهم يبعثون


والحين قلي ياحزن .. وش لك تناظر وش تبي ؟
ماعلى الواقع سلام .. ولا نشف مجرى العيون


وسلامتكم..

[كويتي]

صـــح لســـانك يا الغالـــــي
وتسلم يميــنك ,,

بنتظــار كل جديدك

تقبــل تحياتي
كويتي

[ابوحمد الشامري]

لا هنت يا سلطان الهاجري على ذا القصيده الرائعه صح لسانك.

ابوحمد الشامري

[سلطان الهاجري]

حيااااك الله ابو احمد الشامري وصح بدنك يا كويتى شاكر لكم على المرور

[هند]

سلطـــان الهاجرى

إختياراتك مميزة وذوقك عجيب

أبيات حلوة


السؤدد

[سلطان الهاجري]

شكرا اخوى السؤدد وشي مفرح مرورك