اعضائنا العجمان (( مهم جدا )) ارجوا الدخول والتفاعل بحياديه تامه

[عيون الذيب]

بسم الله الرحمن الرحيم

الصلاة والسلام علي اشرف المرسلين نبينا محمد خاتم المرسلين
اما بعد ،،

احييكم بتحية الإسلام السلام عليكم ورحمة الله وبركاته


والله الذي نفسي بيده الذي لا إله الا هو سبحانه وتعالي
انا لا اقصد بكلامي الذي سوف اتفوه به واكتبه لكم التجريح او الذم
او الاهانه لاخواننا وابناء عمنا (( الاعضاء الاربعه ))

انا ابين واتكلم عن نفسي فقط واريد من كل الاخوة ان يذكروا
ما واجههم مع الاعضاء سواً خير ام شر
واما الي بيرد ويتفوه بكلام غير لائق فارجو رجاء منكم ان تدخلون في صلب هذا الموضوع
ولا تخرجون عنه بتاتاً او فلتصمتوا
انا اتكلم عن قبيلتي نحن احرار ولا نرضي ان نسمع كلام من فلان ولا فلان غير لائق
وانت محسوب علي العضو الفلاني او العضو الفلاني
هالكلام يا اخوان عيب والله العظيم عيب
لكن بينوا وش جنينا و وش حصلنا من اعضائنا
نحن تحكمنا (( التشاوريه )) سواً العضو مشرف او غير مشرف هذا الي نحن نعرفه كلنا
الي يطلع وينجح بالتشاوريه نعطيه اصواتنا بالرئيسي
وانا اقسم بالله العظيم اني ماني من قرايب الاعضاء ولا جماعتهم ولا اعرفهم معرفة شخصية
حالي من حال العجمان لكن لا بد ان نضع النقط علي الحروف

كل عضو وله مسار ونهج خلال مسيرته في البرلمان

لكن افهموا يا اخوان وانتم ان شاء الله من الفاهمين
الحكومة بايدها كل شي هي السبب الرئيسي في التعطيل وهي الذي لا تريد التنميه ولا تريد ان تعطي المواطن حق من حقوقه الي كفلها لنا الدستور وتريد تضييق الخناق علينا لماذا كل هذا ياحكومتنا حنا ابناء الكويت
هل ترين اننا لا نستحق التطوير والراحه والازدهار والنجاح والسداد
صدقوني لو الحكومة توافق علي التطوير بجدية تامة كان مافيه هناك معارضه
بدال الرشاوي وبدال المناقصات الي ضايعه التفتوا للبلد
ولو تحسبون الاعضاء المعارضين ليسوا اغلبيه كبيره وضاغطه علي الحكومة
فـ كل شي بيد الحكومة يا اخوان افهموا


خالد الطاحوس : نعم اشهد بانه رجل مواقفه مشرفه وطيبه وتصب في صالح الشعب الكويتي ككل
بس الرجل ما ينفع في اي معاملة الا فئة قليله لماذا هذه التفرقه ياخالد الطاحوس نحن ربعك وبني عمك
نحن الذي وقفنا معك وقفة رجل واحد نحن الي نزهم القبايل والحضر والشيعه والاقليه عشان خاطرك وعشان موقفك في سجن امن الدولة وعشان تدري وتفتخر ان وراك لابه وربع يشقون خام

انا اجيك في معاملة ما تمشيني يبن عمك وانا في اشد حاله لسفر بالعلاج الخارج وبعدها باسبوع
نتفاجاء برجل من خارج القبيله ويقول بيض الله وجه ابو مشعان خلص معاملة العلاج فالخارج لوالدتي
عسا الله يجزاك خير وبيض الله وجهك وجعلها الله في ميزان اعمالك انا يحز في خاطري واتضايق من هالشي
واجيك مرة ثانيه وتواعدني وتقولي تابع الموضوع مع السكرتير فلان وتعطيني الشمس في يد والقمر في يد وادق علي السكرتاريه الفاشله مع احترامي الشديد واتصل عليك ماترد مو عيب ياخالد اذا ما تقدر قول ما اقدر انا مو جاي اخذ منك دينار ولا ربع ولا ارض ولا غيره وغيره انا جاي في معاملة انسانيه ولا لك فضل او منه فيها ابن عمك وملزوم فيني وانا ملزوم فيك

وفيه امور ثانيه لا اود ان اذكرها ولكن مع ذلك مواقفك تحت قبة البرلمان مشرفه وتاج علي روسنا
لكن انا ابي تبرير واحد يا اخوان لماذا هذا التفريق والسياسه الانتخابيه عشان انا ابن عمك مثلاً ملزوم فيك وبصوت لك ياخي الله يعلم بالغيب سبحانه وتعالي الله القوي المتين ماتدي هل ستعيش يوماً اخر ام لا انجز ياخالد الطاحوس حنا ربعك وبني عمك وصدقوني ياخوان الي تبون تنتقدوني بكلامكم وتقولون انت راعي معاملات اوغيره
انا بقول عسا الله ما يريكم مكروه ان شاء الله ولا تنحدون علي احد قولوا امين


محمد الحويله : مواقف ضعيفه وعلي الميزان ورجل مع الحكومة
بس اي معاملة خالصه سواً انت من القبيله او خارج القبيله
(( 7 )) مرات نفعته فيني وجعله قوي وجعل ذا طبعه


الصيفي مبارك : مواقفه طيب ويشرف القبيله ويستاهل كل خير ابو منصور
وله نفعه واضحه لي ولغيري من الناس والقبيله جعله قوي وابيض وجه

خالد العدوة ((( لا تعليق )))))


اسف يا اخوان علي هذه الاطاله

واعلموا والله وبالله العلي العظيم والله علي ما اقول شهيد
اني لا اقصد احد بعينه او اجرح احد او اقلل من شأن احد من اخواننا وربعنا الاعضاء
لكن هذا رايي ولا بد ان ابديه واقدمة لكم


واسالكم بالله سبحانه ان تجيبون في ردكم علي هذا الموضوع بجدية تامة وحيادية تامه
ولا نتمايل او ننجر الي احد من الاعضاء كلهم ربعنا وبني عمنا بس قولوا الكلام الصحيح
وترا في ذمتكم ومحاسبين امام الله سبحانه وتعالي

وشكراً للجميع

**

[فسقان]

صبحك الله بالخير
اول شي التشاوريه معروفه مخرجاتها والحويله والعدوه ناجحين غصبن علينا لان عندهم ناس ماتخاف الله مصالحها اهم من كل شي ولا جا الرئيسي يسوقونا مثل الغنم عشان انجحهم بس ذالحين ماعاد فيه عقب ماعرفنا منو النظيف ومنو القبيض لعن الله الراشي والمرتشي والوسيط بينهم وحنا نعتبر الوسيط اللي طلعناهم والله كل ماتذكرت اني صوتلهم اني استوجع واستغفر ربي واقول عسى الله يسامحنا ويرحمنا برحمته التشاوريه اذا بطلعون هالاشكال ماراح نلتزم فيها اصوت للصواغ او عبدالله عكاش ولا اصوتلهم

وبعدين تعال انت اتشكى من الحكومه ماسالت نفسك منو اللي مساند الحكومه وسمعا وطاعه لها مهوب العدوه والحويله ومنو اللي اصواتهم وقفت على طيحة ناصر المحمد ووقفنا على بيوتهم مهوب الحويله والعدوه قسم بالله شي يغبن كل ماتذكر ذاك اليوم لكن الوعد قدام وبعدين مايحتاج تحلف انشالله انك مصدق وبعدين انا نفسك والله اني جيت الصيفي وجيت الطاحوس بكم شغله انها مامشت ومنها علاج واخرتها خذينا قرض وخلصنا ومع ذلك وربي علي شاهد ان الصوت مايتعداهم سواء بينزلون فرعي او رئيسي لانهم على وضح النقى وايدينهم نظيفه وكشفو ذممهم الماليه وكل مواقفهم لصالحنا والوقت اللي حنا فيه الحكومه استخدمت اقذر المواقف اللي هو العلاج بالخارج تسكر على المعارضه وتفتحه لاذنابها حكومه ماتخاف الله واخر فضيحتهم القبيضه كل من وقف مع الرئيس قبيييض وعلى ظهورنا ياجماعه الصوت امانه مهوب جماله عطه اللي يستاهل وان الله عطانا عمر ان يفشحون على الشداد الصيفي والطاحوس ونقعد معهم البرغش زهقنا من المواقف اللي تفشل واللي يقعدون يساومون فينا مثل الغنم واخر شي بقوله عسى الله يقصر بعمر ذالمجلس

[عيون الذيب]

عزالله انك صادق وكلامك صحيح
وانا اريد وانت تريد والله يفعل مايريد

المشكلة في الحكومة الله يجزاها خير
هي السبب في الي وصلنا له الان
من المرتشين والمعارضين
وعلماً بان الحكومة قوية واغلبية الاعضاء معها

اشكرك اخي العزيز علي المشاركة
والله يجيب الي فيه خير للكويت ولربعنا

[راكان السادس عشر]

مابي اصير وسيط واصوت للعدوه او الحويله

انا اخاف الله

والفرعيه اللي ماتطلع رياجيل ماتلزمني

وكلام الاخ فسقان بالصميم

[saprj]

المشاركة الأصلية كتبت بواسطة عيون الذيب

نحن تحكمنا (( التشاوريه )) سواً العضو مشرف او غير مشرف هذا الي نحن نعرفه كلنا
الي يطلع وينجح بالتشاوريه نعطيه اصواتنا بالرئيسي


**

؟؟؟؟

[امبراطوري]

بسم الله الرحمن الرحيم

وعليكم السلام ورحمة الله وبركاته

الله يعطيك العافية على الموضوع الشيق لاهنت على كل حال

ولا كن شدتني بعض الردود والهمز واللمز إلي ما يقبلها كل رجل فيه غيره على ربعه

وبعض الردود إلي مالها إلى خط واحد يا تنجحون إلي نبي أو مراح نعطيكم بالرئيسي تهديد مبطن لآل محفوظ ,, ولا أدري ويش اسبابه

ولا كن استغرب من هذا الانحراف والضرب والتفرقة بين أبناء القبيلة ,, وستغرب من إلي يتكلمون بالنواب على مزاجهم يدعي بأن النائب وظف أخوه والثاني كذالك
ولأكن لا يذكر شي عن النائب إلي وظف أخوه وأقرب جماعته وكسر بالنصف الأخر من ربعه ولا أبي أوضح بعض الأمور وقول أتركوا المدح بالمنتديات وكل ن يأخذها بفعل يمناه ,
ما ينفع معانا لا الكذب ولا التزوير ولا التهديد والكل منى يعرف الحقيقه,,,,
ويقرى مابين السطور