القبض على كويتية تبيع صور صديقتها

[بن فريح الشقراني]

فوجئت كويتية بتداول صورها الخاصة والعائلية، بين الناس وعلى الملأ، وذلك عبر خدمة «واتس اب» على الهواتف، وقد تبين أن السبب في نشر صور المواطنة الكويتية أنه إحدى صديقاتها التي أهدرت حقوق الصداقة، وأنها كانت تبيع الصور لشباب في بلاد الخليج مقابل الحصول على أموال.
وقال مصدر أمني “إن رجال المباحث الجنائية انطلقوا للكشف عن خيوط القضية، اعتمادا على مبدأ أن «الأصدقاء المقربين عادة ما يكونون مفتاح الحل في مثل هذه القضايا»، حيث سألوا المواطنة عن صديقاتها، وهل منهن من وصلت إليها هذه الصور، وفي أي مناسبة كانت تحضرها معها، وجاء الرد حاسما: «نعم هناك صديقة وحيدة تشاركني هذه المناسبات ولديها صور لي، إلا أنها استبعدت تماما أن تقوم بمثل هذا التصرف المشين، لكونها صديقتها الوحيدة والمخلصة، ولا يمكن أن تقوم بالإضرار بها، ولكن تبين العكس”.
وقد استدعى رجال المباحث عددا من صديقات المواطنة الأخريات لسؤالهن عن واقعة انتشار صور زميلتهن وصديقتهن في الهواتف النقالة، حتى تبين أنها صديقتها المقربة.
وبادر رجال المباحث على الفور بالتوجه إلى مقر عمل صديقة المتهمة، مع أمر بإلقاء القبض، وفور تمكنهم من ضبطها قاموا بتحريز هاتفها النقال، واقتيادها للتحقيق».
انهالت الصديقة المقربة على المحققين خلال اعترافاتها، وانهارت قائلة: «نعم نحن صديقتان، لكنها جميلة جدا، وأنا بشعة جدا، وكنت احرص دائما على أن أقوم بتصويرها بواسطة هاتفي النقال، في الاحتفالات العائلية والدعوات لكوني معجبة بها شخصيا، حتى بلغت صورها المخزنة في هاتفي النقال ما يقارب من 94 صورة في مناسبات مختلفة».
وكشفت صديقة المواطنة في اعترافاتها عن خيانة حقيقية ضد صديقتها عندما قالت «إنني على علاقة عن طريق الهاتف مع عدد من الشبان في دول الخليج وأقوم بمحادثتهم يوميا، وإذا طلبوا مني ارسال صور شخصية لي أرسل لهم صورة صديقتي، وأوهمهم أنها لي».
تجدر الإشارة أنها في اعترافاتها قالت إن هذه العلاقات استمرت شهورا وإنها استغلت صور صديقتها الجميلة في طلب أموال من هؤلاء الشبان الخليجيين، حيث قام عدد من هؤلاء الشباب بتحويل أموال لها عن طريق إحدى شركات الصرافة العاملة بالكويت.تم تسجيل قضية في مخفر حولي مقر الواقعة، وأحيلت صديقة المواطنة إلى التحقيقات، حيث بوشر التحقيق معها، وتم حجزها على ذمة القضية.

[بنت ناس وقلبها الماس]

ابوووهاا من صديقه لا حول ولا قوة الا بالله.. الله يعين صااحبة الصوور
حسبي الله عليهاا وع الصدااقه اللي ذي تاليتهاا
كثير بنات تاخذهم الثقه ع ابو ان مامعي الا صديقااتي ويحطوون صورهم ع bb
الله يستر ع بنات المسلمين والمسلمات ويبعد عنهم بنات الحرااام امييين
اللهم استرنا فوق الارض وتحت الارض ويوم العرض


يعطيك العافيه بن فريح لاهنت

[زول عجميه]

ماعليه دام الامر وصل للقضاء ان شاء الله راح تهون سالفتها لانها مظلومه صاحبة الصور وماعليها الا العافيه بس العقوبه الدنيويه والاخره هي لصديقتها الناشره لصورها الله يهديهم

[خالد العدواني07]

لاحول ولا قوة الا بالله

[al___zain]

استغفر الله من صديقه مثل هذي الله يعين صاحبه الصور
لا هنت بن فريح عالموضوع

[عـزوز]

لاحول ولا قوة الا بالله

الله يكفينا شرهم



لاهنت ع نقل الخبر



,

[بن فريح الشقراني]

شكرا للجميع على المرور العطر.

وطالما ان هذه القصة وردت .فالشئ بالشئ يذكر فيه مره رحت لاحد اسواق الديره ابي لي جوال مستعمل حصلت احد الاسيويين معه جوال نوع راقي قاعد يدلل به سألت كم هذا صديق
قال انا دحين يجي مافيه نفر شوف وقال تبيه بشريح والا بدون قلت بشريحه المهم حصل الاتفاق وشريته بما قسم الله الجوال كان مطفي مخلص شحنه رحت صوب الدار دفسته بالشاحن وبعد الشحن فتحته كانت شريح مسبقة الدفع وبدون رقم سري ويدوب فتحته والاتصال جايني اللي وهي وحده الله يستر عليها ناطه فيه وبدون مقدمات سب سخط ماخلت كلمه بمن ذوات الخطوط الحمرا ماقالتها انت ياطووووووووووووووووط وانت ياطووووووووووووووط فاصل ونواصل وانت ياطوووووووووووووووووووط ترو طوووط ذي تعني كلمات محذوفه مراعاة للذوق العام وانا كنت قاعد افوت كلامها كلمه يمين وكلمه شمال وكلمه اوطي راسي لا تصك بوجهي المهم بعد ماافرغت مافي جعبتها من حسن الكلام وكنها هدت شوي بدأت بالتوسلات وشرحت لي محتوى الجهاز وقالت اعتبرني اختك ترضى عليها قلت ياولد فرصتك خلني اقليها على نار هادئة واحرق اعصابها شوي ردا على بعض كلماتها وانا بصراحة ماشفت المحتوى لكن اتضح لي من كلامها انها صورعائلية تخصها وافراد عائلتها وقلت اني مشتري الجهاز قالت مصدقتك كلام اخذت منه وخليت وبدأت اساومها كم تدفعين لاني اوحيت لها ان هدفي مادي بصراحة دفعت مبلغ مغري لعب الشيطان في عبي وقللي فرصتك انت ماسرقت تعتبر خدمة قدمتها لها وهذا المبلغ مقابلها وهي اشترت سترها والذي لا يقدر بثمن اول مره يصدق الشيطان والظاهر انه يخطط لبعيد يبي يستدرجني لمزالقه قلت لرفيقتي خلاص افكر وبعد ربع ساعة اتصلي علي والا انا اتصلت على الرقم اللي اتصلتي علي منه ما كملنا ربع ساعهورفيقتي تتصل رديت عليها قالت هاه وش قلت ودموعها اربع اربع بصراحه كسرت مجاديفي بكوتها وذا الدنيا عندي ماتسوى شي طردت اللعين وقلت لها وش لون اوصله لك قالت اخوي والا ابوي يجيكم للبيت عطني العنوان تبون الصدق انا خفت تجيب الحكومه ومثل ما انتم عارفين الحكومه ماتفرق مثل حاطب ليل قلت لها لا انا احطه لك بمحل وروحي خذيه وفلوس هونت ما ابي حددت لي مكان برضه خفت قلت لها لا انا احطه بمحل واتصل فيك تروحين تاخذينه ترددت شوي وترددها كشف لي انها كانت ناويتني بنية .واثناء حديثي معها جتني وحده من اخواتي شافت الجهاز وشكلها حطت عينها عليه اختي قعدت تدغدغ عواطفي وتمدحني بشئ ماني حواليه تبي الجهاز قلت لها بسك بكش ومسح جوخ الجهاز هذي قصته فتحت الجهازالا وهي حاطه يدها راسها وتغيرت ملامحها وقالت قلي الصحيح الجهاز من وين جبته حلفت لها انه مثل ماقلت لها من وين شريته قالت لي الجهاز ذا لزميلتي بالجامعة فلانه وحكيت لها مادار بيني وبينها من حديث واني ابي احطه لها بمكان وهي تروح تاخذه سكتت اختي شوي اثاري طويل العمر مابعد راح باقي له امل طويل العمر هذا اسم من اسماء الشيطان لا وشيوخنا وامرائنا وكبار الشخصيات يفرحون ليا قلت لهم ياطويل العمر ماهم دارين ان طويل العمر هوالشيطان ولكن هناك منهم من له من طولة العمر نصيب ماعلينا خرجنا عن صلب الموضوع نرد حق محور حديثنا مثل ماقلت اثاري اختي وجدتها فرصة وحكتي لي مقلب سوته فيها زميلتها ذي وقالت ذي فرصة لاتعوض وحان القضاء طيب وش تبين تسوين قالت صدقتي ذي عدوها الزهيوي اي الصرصار وفق مسمى البعض وعرضت علي مبلغ ماهو بقشر وقالت ابي لي كم زهيوي يابنت الحلال منين اجيب لك وانتي عارفه ان البلديه ماخلت بحينا لا قارض ولا قارص ولا زاحف ولا طايرقالت المهم دبرني قلت اروح لاحد الاحياء التي غير موجوده على خارطة البلدية ولا يسكنها اي مسئول يمكن الاقي طلبي فيها مو يمكن الا اكيد مريت على كشك مواد غذائيه ىبذاك الحي لقيت العامل به وقلت له عن طلبي قال ابسر قلت الله يبشرك بالبلدية قال ردد ما اطولك ياليل المهم اخذ له بخاخ ريد وتس به تستين في زاوية من كشكه وماهي الالحظات وهو جايني بكيس مليان صراصيرماتقول الا تمر صفري الله يعز النعمة وانا قد اتفقت معه الزهيوي ب 100 فلس والفار ب250فلس الفار ابي اسوي مقلب باختي كفاره عن تعاوني معها ما شاء الله علينا عايله مثاليه مانحب النذاله ..قلت له طيب والفار وين قال فيران اليوم مافيه امس فيه نفر جا اخذ اثنين سألته وش يبي فيها قال هو ه فيه مدام حقه متوحم يشوف جرابيع هو فيه روح صحراء مالقي قال اخذ لها فيران مافرقت .قلت كم زهيوي هذا رفيق قال كثير 15 مافيه مصدق سوي عدد عطيته دينارومشيت رديت البيت وسلمت اختي الامانه وتعاونا على البر والتقوى رغم اني حاولت ثني اختي الا انها اصرت وقالت باسباب الفار اللي حطته لها بالشنطة مالتها نقلوها عيادة الجامعة جبنا لنا كريتين صغير عرضه عميق طوله عبيناه بالصراصير واحسنا اغلاقه مثلما احسنا النية وذهبنا به الى مكتبه باحد المجمعات التجارية دائما مايضع الطالبات المذكرات لبعضهن البعض بها وهي لاتبعد عن بيتنا وبيتها الا عبور الدائري وكانت الشغاله معنا وعطيناها الامانه وعطتها مسئول القرطاسية واتصلت بها وقلت لها على المحل واوصاف الامانه وماهي الا لحظات وحضرتها قادمة فتبعتها اختي دونما تشعر لتوثيق الموقف بالصوت والصوره اختي طيبه وعلى نياتها وانا ياغافل لك الله حليل وعلى نياتي اختي جهة تشريعية وانا جهة تنفيذية والضحية احد افراد الشعب وشوييييييييييي والبنت خارجة من بوابة المحل مثل مايقولوا بعضها يركب بعض وتخبط في نفسها تقل واحد يطرد فيه نحل بصراحه انا خفت يحصل بعقلها شي وعلى طول طمرت بالموتروهدت العباية والملفع وقعدت تفتش في نفسها وشوي واختي جايه من صوب غير صوب المكتبه وكان موتر رفيقتنا بجنب موتري وتمنيت اللي جرى ماكان لكن وش نقول اغرتني اختي بالفلوس وبعت ضميري ساعة غفوة حلق فيها ذهني وليس دقني رفيقتنا شافت اختي وهي تستعرض من قدام سيارتها ونادتها فلانه بصوت يرتجف اختي ثقلت شوي في الرد كررت رفيقتنا النداء بصوت علي تخنقه عبره مثلت اختي انها تفاجأت بها فلانه شتسوين هنا قالت اسكتي ضيعت جوالي وحكة لها القصة وبدأت في موال سب واعادة نفس اسطوانة طوووووووووووووووووووط وزادت عليها وانا قاعد اضحك واقول لنفسي استاهل وهي تستاهل هدأتها اختي وطمنتها ان شاء الله جوالك يجيك وقالت لها تعالي نروح صوب بعض المحلات ابي اغراض وانتي خبري فيك ذوقك حلو قالت لها انا الحين ما اعرف راسي من كرفاسي مو من الجوال من الحال اللي حصلته بالكرتون قالت لها وين الكرتون الحين قالت مدري عنه وحبت اختي تذكرها بالزهيوي وكيفية اختبائه وقالت لها الزهيوي اذا دخل بالهدوم وحس ان احد يفتش عنه يلبد مكانه ولا يتحرك الين يحس انهم نسيوه وبعدين يبدأ يبحث له عن مكان ملاصق للجلد ويختبي فيه ولكنه نسي ان ملامسته للجلد يشعر بها الشخص وهنا تحصل الكارثه بصراحة اخذت حقها منها الطاق مطبوق .ماتقلون الا راحوا السوق واختي قد اخذت جوال البنت مني وانا رحت لم كافي اتقهوى وسبت خلق الله وبعدت تقهويت رديت لموتري واتصلت علي اختي قالت وينك قلت انا بالسياره ناظرت قدمي وليا بنيات بخنق جايين وبحركة من رفيقتنا تعني صبرك اردها لك وبحركة مني تعني اعلى مافي خيلك اركبيه ..اوردت هذه الحكاية التي عشت احداثها لتكون عبره لمن تضع صورها او لعائلتها بالجوال .وكان من حسن حظ هذه البنت ان جوالها وقع في ايدي امينه .وسلامتكم ولا تنسون إن كيدهن عظيم

[مذهله q8]

لاحول ولا قوة الا بالله

ياويلها من الله وبنفس الوقت تستاهل ليش تخليها تصو رها

شكرا لك علي الخبر

[مقبل العرجاني]

لاحول ولاقوة إلا بالله

[شموخ شايبها]

استغفر الله ي رب الحين صح البنات على بو انه ثقى تحط صورتها وكل مره شكل واتقول هذي رفيقتي اللي لايمكن اتخون ومن هالكلام بس الدنيا دواااااره وربي يجي يوم ويختلفون وتكون هذيك حقيره وتنشر صورها وربي ماتسوى خلاص رفيقتش شايفتش وشبعانه من خشتش وش له اتصورين واتدزين صورتش الخلا بس <<< شفيها العجوز هع
الله يستر علينا ويستر على بنات المسلمين

وتقبل مروري اخوي الشقراني ولاهنت