الاتصالات بالنواب

[الشوق البعيد]

السلام عليكم

من الطبيعي عدم تواجد النواب في منازلهم باستمرار وخاصه بالفترة الصباحية
لقد تعودنا وجود النواب السابقين امثال وليد الجري وغير ه وقت الصباح لكن اليوم ولا نائب يقعد الصبح ولا اوقات دوانيتة

ولا يرد على تلفوناته ولا سكرتاريتة يردون اصلا علي اتصالتنا
نبي نعرف ليش مايرد هل يوجد هواتف خاصة لناس دون ناس او معاملات ناس دون ناس
نسمع فلان دخل ولد فلان ضباط او ترقية
حنا لازم نشكل لجنة تحاسب النواب في اهمالهم لناخبينهم وتوسط ناس دون ناس وهذا يخلق جو من التوتر بين افراد القبيلة لعدم تكافو الفرص
ارجوا من الاعضاء المنتدى الاهتمام بالموضوع
وشكرا

[فهيد الهتلاني]

اغلب النواب ( مصيفيين ) في أوربا ولبنان .. لا وجود لهم الا في رمضان .. موفق خير

[العــــديم]

ذكرت السبب في كلامك

نعم يوجد ارقام للعضو يعرفها ناس خاصيين !


والناس درجات بالنسبه للعضو

[الشوق البعيد]

شكرا مرور الاخوان
توضيح للاخ فهيد الهتلاني انا اقصد طوال السنة غير متواجدين في الفترة الصباحية عندهم دوانية يوم ولا هم ملتزمين الي حاط اخوة او سكرتير مع احترام لهم الناخب يبي العضو يهتم بمعاملته حتى لو ما انجزها كافي استقباله و متابعة الموضوع
اما ياخذا رقم التلفون واعطية الكتاب ولا جواب طبعا هذا الكلام من شهور
نبي حل
وشكرا على مرور الاخوان

[سلطانين]

مرضي الناس كايد


يا الربع الدائره كبيره والعجمان والمره ويام كافه ماهم الف والا الفين عسى الله يزيدهم ويبارك فيهم .


والنواب مالهم الا هالشهر من 1/7 الى 1/8

وراهم رمضان وزيارات ومعاملات

وكلن يبي

القصد ان نلتمس لهم العذر فهم بشر لهم حق وعليه حق

النائب عنده اب وام وزوجه وابناء لا بد انه يلتف لهم ايضا

صدقيني لو كنت انا او اي واحد من الاخوه مكانهم بعد بجي كلام علينا وراح نقصر لان الكمال لله وحده


مرضي الناس كايد

[العايدي]

نعم كل نائب عنده رقم خاص لا يعطيه الا للاقرباء جدا او ناس معينه لديها تكتلات يحصل من وراها اصوات . وانا مره اعطاني شخص رقم قال هذا خاص ما يعطيه اي احد ويرد عليك لو الساعه اربع الفجر . والان بهذا الوقت اغلبهم يقولون مسافرين وهم موجودين وشغالين بالواسطات عن طريق الارقام الخاصه اللي ذكرت ولاهم مسافرين ولاشئ . وسالفة الهروب بهذا الوقت انتهاء الدراسه وزيادة الطلب علي الواسطه للكليات العسكريه والتوظيف بشكل عام . يعني لا جت حاجتهم انحاشو . وانا مع من يقول حاسبوهم نعم بدال العجمي الف عجمي والعجمان اللي فيها خير واجد . خلوه ياخذ فرصه يقعد مع عايلته ويرتاح من المجلس والواسطات .

[فالح بن مشوط]

المشاركة الأصلية كتبت بواسطة سلطانين

مرضي الناس كايد


يا الربع الدائره كبيره والعجمان والمره ويام كافه ماهم الف والا الفين عسى الله يزيدهم ويبارك فيهم .


والنواب مالهم الا هالشهر من 1/7 الى 1/8

وراهم رمضان وزيارات ومعاملات

وكلن يبي

القصد ان نلتمس لهم العذر فهم بشر لهم حق وعليه حق

النائب عنده اب وام وزوجه وابناء لا بد انه يلتف لهم ايضا

صدقيني لو كنت انا او اي واحد من الاخوه مكانهم بعد بجي كلام علينا وراح نقصر لان الكمال لله وحده


مرضي الناس كايد

أخي الفاض سلطانين الأخ كاتب الموضوع ما ذكر فتره معينه قال طوال السنه ويوم تقول العجمان ويام والمره واجد حتى اعضائك مو شوي عندك 4 أعضاء وما أظن انه العجمان كلهم ويام والمره راح يجون بيوم واحد وعندهم معاملات

وبخصوص السكرتاريه صحيح سكرتارية الأعضاء بعضهم يحسسك أنك تطلبه فلوس او تبيه يسويلك شي كايد ما يرد عليك نهائيا .

وبخصوص ارقام خاصه شي اكيد انه كل عضو عنده رقم خاص لأشخاص خاصين وهذا الشي خالصين منه

[عبدالله الزريق]

من ناحيتي انا اشوف انا خالد الطاحوس متواجد هو و محمد الحويله والصيفي كذلك

هؤلاء يخدمون ناخبينهم (( لاحظو )) قلت يخدمون ما تكلمت عن المواقف

وفي واحد اتوقع انه بيودع البطوله لا معاملات ولا مواقف , عقبال الوزاره ان شاء الله

[العايدي]

المشاركة الأصلية كتبت بواسطة عبدالله الزريق

من ناحيتي انا اشوف انا خالد الطاحوس متواجد هو و محمد الحويله والصيفي كذلك

هؤلاء يخدمون ناخبينهم (( لاحظو )) قلت يخدمون ما تكلمت عن المواقف

وفي واحد اتوقع انه بيودع البطوله لا معاملات ولا مواقف , عقبال الوزاره ان شاء الله

والله الحويله رحناله يوم دوانيته الاسبوع اللي طاف طلعنا واحد قال مسافر . ممكن اتفيدنا وين انحصله لان التلفون ما يرد .

[الهارون]

الاعضاء يسافرون لما الناس تبي الحاجه والواسطات يسافرون الحين مواعيد التوظيف في الكويت شركات البترول الجيش الشرطه الحرس الخ الخ يعني مفروض يكون موجود العضو واصلن العضو مايرد سواء داخل او خارج الكويت يعني انشالله ينحل المجلس ونفتك منهم جميعاً
ويكون في كل محافظه مكتب شكاوي المواطنين وخلاص بلا عضو بلا خرابيط صارت الواسطه في كل مكان حتى لو تبي دور في مستوصف تكلم واسطه يخرب بيتها من بلد خربوها الاعضاء والحكومه