تـرنيمة الماضي ،،،

سحر الغروب · #1 18-08-2013, 08:48 PM

السلام عليكم ورحمة الله وبركاته

مضت أطياف سرب الأمنيات وغرّد الحادي
على تـرنيمة الماضي وشعـرٍ طـابت لحـونه

على ذاك الخيال اللي غدر بالفَرْح بِـ عنادي
وعلى كَفٍّ صِـفَق وجه الدَّهَر وارتـاب من دونه

على قولة ( ضربني واشتكى )رغم إنّه البادي
تجنَّى والجنايـة واضحـة والظلـم بعيـونـه ..!

مثل ذاك الحبيب الغايب اللي بالجفـا غادي
نسى من ضَمـّه بقلبـه سنيـن وزوّد طعونه||

هجر / واستعذب موادع خفوقٍ ماله مرادي
سوى قُرْبه ، ومِـن زود الأسـى [ خَوَّنه ويخونه ]

علام الحزن مايرحَل؟ علامه صار متمادي
سكن عُمْق البياض اللي سكن خَفـّـاق " مزيونه " ..!

علام الصوت مايوصَل وجَرْحي بْبَـحَّه يْنادي
( ذبل ورد السنين اللي تنافستوا تطولونه )

ذبل لانْ العنا قُوته ، ولو سُقْيـاه " ما كادي "
وبذبوله تموت أحـلام بنـتٍ صمتـها تصـونه

مدام الحُب وإحساسه غدا [ تصدير وإيرادِي ]
سلام الله على دنيـا الهوى الغـدّار و " فنـونه "

تتبّع ياسكون الهم أثر خطوات إسعادي
عساها تزهر أحلامي دروب ،وتَصْدق ظنونه ..!

وَ يوماً ما ..

قال يترجّى عيوني بالوصل تتكحّله ..!
لاتزيدين بغيابك .. إمْلَي اهدابي وصال

قلت أنا لوّي بعدت .. وسافرت بك أخْيـلة
ولو قسيت ولو نويت وأنت أكثرت الجدال

الهدب ملتحف بك شوق/ حُبّ وأسئلة
ماتكْفيك المشاعر كل ما نادت تعاااااال ..!

كلّ عرقٍ حيّ فيني ( أوعدك) بستأصله
كان مايروي خفوقي حُبّك بميّ الوصال ..!

منقول