منت صاير مثل ابن حثلين وعقاب العواجي.....!!!!

[بعيد الهقاوي]

السلاااااااااااااااااااااااااااام

سموا:



أنت ياللي تبطي الصبه بفنجالك لحاله
...................صب لي والا اترك الدله وابا كيف مزاجي

أدري انك لو تحاول في جنوبك مع شماله
...................منت صاير مثل ابن حثلين وعقاب العواجي

والحبارى اللي تحاول ثنيها في كل حاله
..................صابها طيري ولا يمكن يداويها العلاجي

كل بنتٍ لا عشقت رجال ما تدور بداله
................والجبل راسي وانا مثل الجبل وانت العجاجي

ودي أبشرك لجل تعيش مضمون الرساله
............لجل تشبع غيض مع شربٍ من الجم الهماجي

وصلني مرسالها على النقى يا حي فاله
.....................قال قالت قل لفارس حبه بالاعماق لا جي

فارس اللي عارفينه من عمام ومن خواله
............لي شرف في حب راعي المرجله طلق الحجاجي

قالت وقالت كلامٍ يشرح الخاطر مجاله
................والصحيح انه على وضح النقى ما هو منآجي

شفت كيف الفرق بين الروس عن ذيك الحثاله
...............مثل فرق الحر الاشقر ما يوصف بالدجاجي

والذلول اليا خذاها الذيب تامن في جباله
..............وانت تفهمها حسب فهمك وانا طلق الحجاجي

فارس مهدي

اخوكم: بعيد الهقاوي

[بنت راكــــان]

وعليكم السلام ورحمه الله

وصح لسانك اخي بعيد الهقاوي ولسان الشاعر

والقصيده اكثر من رائعه وخاصه البيت اللي يقول


أدري انك لو تحاول في جنوبك مع شماله
...................منت صاير مثل ابن حثلين وعقاب العواجي

[فيصل بن حجرف]

تسلم يمينك اخوي بعيد الهقاوي

وصح لسان الشاهر فارس

قصديه اكثر منر رائعه

انشالله نشووف منك المزيد

[cool]

السلاااام عليكم ورحمة الله وبركااااته


صح لساااانك بعيد الهقااااوي وصح لساااان الشاااعر فاااارس بن مهدي .


لا هنت وان شاء الله نشووف قصاائد اكثر منك .


كـووول

[gft]

لاهنت
صح لسانك
جزله من راس (ن) جزل
ننتظر منك المزيد
فلا تبخل علينا
بهذه التحف
النادره
أعطر وأرق
تحياتي