السلام عليكم ورحمه الله وبركاته
كيف تكون شيخ قبيله........
كان ياما كان هناك شخص يدعي علي بن لبدان.
المهم .علي بن لبدان هذا كان همه في حياته انه يصير شيخ قبيله لكن مافيه مقومات وما احد بيعطيه مجال لان الشيخه لها ناس واخرهم علي بن لبدان.
بعد ما يأس من الشيخه في قبيلنه قال ياولد انا بفصل لي جنبيه(يعني خنجر) مثل اللي عند هالشيوخ وأكتب عليها
الشيخ علي بن لبدان.......ولكن المشكله مافي دراهم قام باع الغنم كلها علشان يفصل خنجر مثل هالي عند الشيوخ.....(الحلم)
فصل الخنجر وكتب عليها الشيخ علي بن لبدان قاتل ميه ومعتق ميه علشان الشيخه تكون على اصولها ....
هائم على وجهه لافرس ولا حمار ولا قليل ولاكثير ومشى وابعد عن ديرته بعيييييييييييييييييييييييييييد
المهم من كثر التعب جلس تحت شجره ونام خ خ خ خ خ خ خ خ خخخخخخخخخخ...........................
وهو نايم نايم الا ويشوفونه مجموعه رجال جو قربو منه وبدون مايحس شافو فيه خنجر الشيخ علي بن لبدان قاتل ميه ومعتق ميه .الله يكفيتا شره هذا ماهو بسيط هذا مطلوبنا هذا اللي بيحل مشاكلنا .المهم.صحوه برفق ولين ...
شيخ قاتل ميه يعني مو سهل .المهم قام الشيخ علي على خير وش فيه (من الخوف طبعآ)
هم.لا لاابد بس قلنا تتفضل عندنا ياشيخ علي.
هو.(اول مره يسمعها في حياته )
هم تفضل تفضل .....المهم راح معهم قهوه وغده وريح وقيل (اخذ قيلوله) عندهم وقالوا له روس القبيله عازمينك الليله على العشاه وطلبناك ان تقول تم (يعني موافق) قال تم تم..
المهم اجتمعو وتشاورو وقبل مايجي الشيخ المزعوم ويوم جاوتعشى واللي عليهم بالخير قالوا له العلم سلامتك...
حن قبيله ضعاف ماعندنا فارس ولا عندنا شيخ وقطاع الطرق ذبحونا مايمر يومين الاوهم داخلين عندنا يأخذون اللي يريدونه من الحلالنا وحن لا حيله ولا بصيره لمعت عيون الشيخ علي على الفرح . على طول قال انا موافق(حلمه
القديم ).قالوا بس في شروط...
الشيخ علي يتمتم اناالله وش شروطه...؟
طيب وش شروطكم
قالوا فيه ثلاثه اختبارات ان نجحت فيها تاخذ الشيخه وان مانجحت فما لك عندنا الا ضيافه ثلاثه ايام.
الشرط الاول ...
اختبار الفروسيه والقتال..
الشرط الثاني ...
اختبار الشجاعه..
الشرط الثالث ..
اختبار الذكاء..
المهم فكر الشيخ علي شويه وهو عارف ان مافيه ولا شرط ينطبق عليه..
قال في نفسه ياولد استفيد قدر المستطاع على الاقل اذا اجا اختبار الفروسيه اخذ من عندهم فرس واحط رجلي (يعني يهرب) قال لهم انا موافق ..
قالو اختبار الفروسيه بكره جهز نفسك جاء الشيخ اليوم الثاني قال انا جاهز قالوا له نبقاك تقاتل قطاع الطرق وترهبهم علشان ماعاد يرجعون لنا.
قال طيب بس اريد فرس متعوده على الكر والفر قالوا جاهزه والسلاح جاهز طبعأ الرجال عمره ماركب خيل قال لهم اريد تربطوني على الفرس ربطه ماتنفل ركب الفرس وربطوه ربطه الشر اخذ سلاحه وقال لهم وينهم قالوا من جه الشمال قال طيب وراح يوم ابعد وهو يروح جه الجنوب ومشى الا ولله ان قطاع الطرق قدامه ويوم تشوفهم الفرس وتغي عليهم والشيخ علي يحاول ينزل يمين شمال يحاول يوقف الفرس مافيه فايده رايحه لهم وهو مربوط ربطه ربطه شينه وهو يطالع الا شجره قدامه ويوم وصل جنبها وهو يتمسك بها مضبوط لكن كانت اقوى وهو يقتلع غصن كبيييييييير. ويوم شافوه قطاع الطرق بيده القصن الكبير هذا وطريقته في اقتلاع الغصن خافو منه وستسلمو وقال هذا الداهيه عزالله بيذبحنا كلنا اللي قلع ذاك الغصن وراعي هذا الهجوم الخاطف مالنا الا نستسلم يوم شافهم الشيخ علي يالله يا كلاب واحد منكم يربط البقيه والا والله لاذبحكم ذبح الشاهالمهم ربطهم وراح للقبيله قدامهمربوطين مثل الغنم ويوم شافو القبيله قطاع الطرق قالوا عزالله شيخ ولد شيخ ويفكون الرباط مربوط فيه على الفرس ويهنونه ويكرمونه ويريح الشيخ علي وهو يقول .في نفسه راحت الفرس ورحت انا فيها جا اختبار الشجاعه قالوا له في اسدديم ياكل حلالنا ونريدك تقتله
قال. ها اااااه اسد عدلو بدلوا ....
قالوا.اسد
قال.طيب اتركوني عليه بس اريد فرس ولكن غير الفرس هذي ماتنفع له اريد وحده حبيبه (ماهي حقت مشاكل )
قالوا.طب وتخير ياشيخ علي
المهم لقي وحده هناك شكلها ضعيف مالها في المشاكل
قال هذي
قالوا .ياشيخ علي هذي تعبانه ما هي حقت كر وفر وانت بتقابل اسسسسسسسسسسد
قال.خلاص ياشيخ علي انت ادرى المهم اخذ الفرس التعبانه ويوم يريد يربطونه قال..لالا لا لا لا لا
(خايف من الورطه القديمه) كل معركه ولها طريقه
اخذ الفرس الحبيبه هذي وتوكل .
وقال لهم من وين الاسد اللي يطلع هذا اللي يطلع لكم
قالوا.من الشرق.
قال طيب خلاص ازهلوه ويوم ابعد وهو يروح غرب مشى وهو يقول اسسد مجنون انا...؟
ومبسوط من الفرس تمشي على اقل من مهلها.مشى الرجال الى ان تعب وهو يشوف شجره الكبيره
قال.
اريح هنا.المهم ربط الفرس وطلع هو فوق الشجره ونام شويه الا والاسد محضر الله لايوريكم الشجره هذي بلذات محل ميتكي الاسد اما الفرس من يوم ماشمت ريحه الاسد وهي تحط رجولها وتعود لاهلها والشيخ علي في سابع نومه نام الاسد والشيخ علي ينقلب ويطيح على ظهر الاسد لكن الشيخ علي من كثر الخوف تمسك مضبوط فيها ويحاول الاسد يطيحه لكن الرجال متمسك مسكه خواف يعني مستمر فيه ويحاول الاسد يمين شمال مافيه فايده الرجال مستمر ولا هو ناوي يفكه المهم وبينما الصراع (صراحع من اجل اللبقاء)
قائم بين الشيخ علي والاسد القبيله هناك بعد ماراحت الفرس عرفو ان الشيخ علي تعرض لمكروه وهم ينفرون كلهم ويلحقون ويجون الا والله الشيخ علي متمسك بظهر الاسد والاسد يحاول يطيحه ويجي واحد من القبيله ويقتل الاسد ويطيح الاسد ويموت والشيخ علي متسمر فيه ويجون عنده الا وهو زعلان مررررررررررررررررررررررره.
قالوا. الحمدالله على السلامه ياشيخ علي
قال .الله لايسلمكم
قالوا ليش
قال.من اللي قتل الاسد قام واحد وقال انا
قال الله لايوفقك
قالوا.لييييش ؟؟؟؟؟؟؟؟؟؟؟؟؟؟؟؟؟؟؟؟
قال. انا كنت قاعد اروضه اريده ركوبه لي وتجي تقتله حسبي الله عليكم.
المهم اعتذر وامنه وتسامحوا منه والرجال يسامحهم وياخذونه ويرجعون على القبيله ويعشونه ويحتفلون به
الفارس العظيم مروض الاسود المهم وهو يفكر يقول ..
راحت علي الفرس لانه عارف انه ماراح بينجح في اختبار الذكاء لانه مافي مجال للحظ في هذا الاختبار.
جا موعد الاختبار النهائي .. اختبار الذكاء..
المهم جابو تنكه وحطو نصفها عسل والنصف الثاني ( بصل )وغطوها
وقالوا. يالله يا شيخ علي تقدر تقول لنا التنكه هذيل وش فيها
المهم الرجال قعد يفكر في وضعه لانه عارف انه ماراح يعرف ..يفكر كيف الكرم كان فيه والامجاد اللي عاشها اليومين اللي راحت مع القبيله نادوه باغلى اسم عنده وهو الشيخ علي
فكر فكر وكيف بيكون وضعه بعد ما يروح من عندهم وهو يتكلم مع نفسه ....وهو يتزفر زفرات من قلبه..وبدون مايس طلع من لسانه جزء من الشي اللي يفكر فيه ...
قال. (اللي اوله عسل اخره بصل )
كلهم صاحوا ...صح صح جبتها يا شيخ علي وهم يحتفلون به وهو مايدري وش السالفه الا بعد مافتحو التنكه واخيرا تحقق حلمالشيخ علي ..واصبح شيخ قبيله..
09-05-2011, 04:02 PM
) 
العرض المتطور
