ابي مساعده يآ آخوان

[رجل طموح]

السلام عليكم ورحمة الله وبركاته



اهنيكم واهني الادارة على هالمنتدى الاكثر من رائع وانا من المتابعين له بس الي شدني قسم السياحه والسفر ونصايح الاخوان الي تدل على ان عندهم خبره بهالمجال


مالنا بطويله انا رجال عرسي بعد شهرين ومحتار وين اسافر مابي الدول العربيه ابي اسافر اوروبا بس احترت البندقيه او زلمسي بنمسا او باريس او لندن



انا عندي باريس زرتها بس الي مايشجع لها انه اكثر من يومين تمل منها كئيبه شوي وهذا رايي الشخصي ولندن افضلها لن قعدت فيها اكثر من سنه علاج معا اخوي وعلى قولتهم خابزها وياليت احد يساعدني بالاختيار




تحيآتي لكم ,,, رجل طموح

[عـزوز]

مبرووكـ مقدماً
وعسى الله يرزقكـ بالذريهـ الصالحه

وان شاءالله الأخوان يفيدونكـ اكثر مني





.
.

[رجل طموح]

يبارك فيك اخوي عزوز وبنتظار النصايح.



رجل طموح

[خاطري عمس]

الف الف مبروك ياخوي
شف انا اقولك احلى شي فرنساا واجد حلوه

[رجل طموح]

الله يبارك فيكم يا اخوان بحضوركم والله شكله الشانززليه بس قرارت فرنسا هاليومين تكره الواحد فيها مشكورين

[اللندني]

اولا مبروك والله يتم عليك بالخير

اقولك دعاء النبي عليه السلام

بارك الله لك وعليك وجمع بينكما بخير..............امين

فبما يخص الوجهه

ارشحلك وبكل اقتدار ........................لنـــــــــــــــــــــــد ن

ابرد من فرنسا احلى منها اماكن سياحيه كثيرة

كل شيء قريب منك الاكل العربي بكثرة موجود فيها هي بلد للعشاق

الباصات السياحه فيها جو جميل لك ولاهلك

الاندرقراوند استخدامه راح يبقى في ذاكرتك

المتاحف الحدائق الجميله الاسواق الرهيبه

كل ما يحتاجه الزوجين موجوووووووود وبلد سهل ليس معقد الرحلات الخارجيه كثيرة

ورخيصه

بلد المشي على الاقدام فيه متعه مو طبيعيه

لذا ارشحها هي بالمقام الاول وبلا منازع

بعدين

فيينا جميله وفيها اماكن حلوة تستطيع التنقل منها عبر القطار الى سالزبورغ

ثم الى زلامسي طبيعه ولا اروع بجانبها على بعد كيلو مترات بسيطه قرية كابرون

السكن فيها هادي وجميل

لكن مشكلة هذه الاجواء ان الواحد ما يطول فيها يعني عندهم في القرى التلفريك

والزحلاقيه المشهورة

والبحيرة والمناظر الخلابه

اذا انت مطول لندن احلى

وتستطيع اذا الماديه حلوة وياك روح كويت ميونخ وروح زلامسي على طول اخذلك ثلاث الى اربع ايام

حلو وارجع ميونخ وطير لندن ومن لندن الكويت

تكون صدت عصفورين بحجر شفت الطبيعه وذهبت الى اجمل مدن العالم لندن

تقبل مروري واسمحلي على الاطالة

موفق

[فهيد اليتيم]

مبروك وجعله امبارك

انا رايي تسافر الى اشرف بقع العالم مكه المكرمه تاخذ عمره وتقضي باقى الاجازه فى الطايف وابها وتشوف البراد والامطار والجو الجميل امن وامان


ابرك من الغرب واديارهم

[رجل طموح]

الله يبارك فيكم اخوي اللندني واخوي فهيد. وبالنسبه لكلامكم أنا اقتعت بلندن لن خابصها هايد بارك نايس برج شارع اكسفورد اماكن واجد وممتعه والجو لايعلى عليه بس قلت خل اسال يمكن فيه اماكن افضل وبالنسبه لمكه انا اصلا مخطط دوله اوروبيه وختامها بمكه لن العرس بالصيف يعني عندي اسبوعين بلندن واسبوع بمكه والله يوفقنا

[راكان السادس عشر]

اعقلها وتوكل لندن

ديره انت خابرها احسن

لانك مانت مع ربعك ولا لحالك عشان تكتشف

[دايم اهذريبكـ]

الله يوفقك

وعلى قول راكان اعقلها وتوكل