الشيخ ناصر بن عبدالله بن خرصان.. وسعد بن جدلان .. والهم المشترك( حصرياً في المنتدى)

[مراسل ابن جدلان]

السلام عليكم ورحمة الله وبركاتة


هذي قصيدة اسندها الشيخ الشاعر ناصر بن عبدالله بن معضد بن خرصان العجمي للشاعر الكبير سعد بن جدلان الأكلبي تحكي ما وصل إليه حال إعلامنا الشعبي أترككم مع ما دار بين العجمي و الأكلبي آملا ان تحوز على رضاكم :





>>>>>>>>>>>>شكوى<<<<<<<<<<<

ألا يا رسولي خذ و صاتي على عجل = و روح لإبن جدلان سعد وأعطه إياها
ألا يا سعد اقر الرساله على مهل = تمهل شوي شوي لا جيت تقراها
و لا من معناها و مضمونها اكتمل = بصدرك فهي في ذمتك و انت منصاها
و انا عارف انك من رجال و ابن رجل = و اعرف الرجال تطيب من طيب مجناها
و يا بو محمد شعرك أجزل من الجزل = تنقى السمينه و الضعيفه تعداها
أبشكي عليك صحافة كلها هزل = فسد ذوقها حتى افسدت ذوق قرّاها
تحارب عميقين العطا تقبل الضحل = مثل ما انت عارف شلة ضاع مبداها
من أسبابهم فالشعر يا الأكلبي خلل = أهم القواعد و المباديء تناساها
خذ أمثال مما يكتبونه هل الغزل = و لك الحكم فيها يا سعد عقب فحواها
حداهم يوافق عشقته تهتوي رجل = و من حبها حب اللي تحب لرضاها
وثاني يقول انه قعد عام يتصل = على جارته الين ردت ثم أغواها
ورابع يوصيها إذا حبها فشل = لغيره فترجع له وهو بيتلقاها
دعايات فحش ٍ تنكتب بأعرض الجمل = من قالها ما يستحي يوم سواها
أبنخاك نخوة واحد فاقدن لامل = ظهر له عضيد بلحظة ما تحراها
أبيك منك عصما تنخل المجتمع نخل = تحرك بها شعور الرجال و حماياها
حتى من يحس بخاطره غيره او زعل = على المجتمع يرسل لك أبيات حلياها
نبي نعيد شعار الصحافه إلى الفصل = و نبغى ندرسهم من الألف لا ياها
نبي نشرح الغيره على الدين و الاهل = و نبي نقول فيه حقوق للجار مرعاها
نبي نقول ميزة بنتنا الستر و الخجل = و هذا اللي يميز بنتنا عن حلاياها
و بعد نختبرهم من سقط يدخل العزل = نعزله و ندفن علته داخل ارداها

ماذا قال سعد بن جدلان في رده :




>>>>>>>>>>>>> فلسفه<<<<<<<<<<<<

هلا مرحبا حييت يا منطق العقل = قصايد قريحة خاطر بان معناها
أهداني قصيدة شاعر تزرع الأمل = و قدر الهديه في روابع من اهداها
وزاومني الهاجوس ملعون ابو لاهل = يقول البيوت العصم و ياك و ياها
لا عينت كلمة قلت يضرب بها المثل = لقينا وراها وحدة كنها اياها
فلا كل من قال ازهل اللي تبي زهل = و ما ضحى بهل تكفى ضحى غير تكفاها
ما تنجح مدارس فلسفة علم في جهل = العربان ما كلن قدر يكسب رضاها
وترى الناس كل له شراب و له أكل = و ما أحد ٍ يدخل في قوت الأنفس و لا ماها
يحاول قدر الإمكان يعني على الاقل = يدخل في مفاهيم العرب يكسب اصغاها

والسلام ختاام ..

[ناصر بن حمود]

صح لسان إبن خرصان و صح لسان إبن جدلان

على هذه المساجله الرائعه


و صح بدنك و لا هنت على هذا النقل الرائع



خالص تحيتي و تقديري لك و للجميع



ــــــــــــــــــــ

[مراسل ابن جدلان]

السلام عليكم ورحمة الله وبركاته

مشكوووووور على المرور الرائع يأخوي ناصر ..

والله يرفع قدرك والجميع ..

[مراسل ابن جدلان]

السلام عليكم ورحمة الله وبركاته


الشكر كلة للشعار الي ابدعوووو ..

والله يعافيهم ...

[مـحمـد]

السلام عليكم ورحمة الله وبركاته

صح لسان إبن خرصان و صح لسان إبن جدلان

على هذه المساجله الرائعه


و صح بدنك و لا هنت على هذا النقل الرائع

[فلاح بن ملبز]

السلام عليكم ورحمة الله وبركاته

صح لسانك ولسان ابن خرصان والأكلبي

ويعطيك العافيه على هالنقل الجزل

ولاهنت يا السنافي

[الـ ـشـ ـقـ ـا ويـ ـه]

صح لسان الشاعر وصح نقلك لنا




تحياتي لك

[مراسل ابن جدلان]

السلام عليكم ورحمة الله وبركاته


مشكوووووووور على المرور يامحمد وشرفت الموضوع والله وأنشاء الله أعجبك ....

[مري كووول]

ابن خرصان يتكلم عن شي واقع


وبيض الله وجهك يامراسل ابن جدلان


وتقبل مروري

[مراسل ابن جدلان]

السلام عليكم ورحمة الله وبركاته


الله لايهينك على المرور يافلاح بن ملبز ...


والله يرفع قدرك .. يالغالي ...