هل الشيب عيب..؟

[الغـــــزال]

بسم الله الرحمن الرحيم


صباح ـ*ـ مساء
الخير و التباشير

ســؤال طرأ علي بعد عدت مشاهدات بحياة الواقع والتمثيل

وهو..

هل الشيب عيب؟؟
أرى في محيطي ... >>أتعب من الفصحى
بلاش من الفصحى بتكلم بالعاميه

عندنا واحدن من شيبانا الله يعطيه الصحه وطولت العمر
من فتحت عيوني لحد يومي ذا...>>ودكم تعرفون كم عمري بس مانيب قايله
الله يطول بعمري

المهم..نرجع لموضوعنا


عمري ماشفت شعره ولاشنبه ولاسكسوكته>>>فيها شعرتن بيضاء..
>>>محدن مخلص صبغ الحلاق اللي عند بيتهم ألا هو
يعني التجاعيد ماتبين عمرك...!!

هو صحيح حلو الواحد يهتم في مظهره...لكن مو لهدرجه
لا تأخذ زمنك وزمن غيرك..
وبعدين والله أني أشوف الشيب حلو كثير...ويعطي وقار أكثر

شباب وشيبوا قبل وقتهم...ولاصبغوه...(( و زادهم وسامه))

،،،،

وأضاءتِ الشمسُ الظلامَ بمفرقي

**************** شــيباً تلألأ في الصـباح المشـرقِ

لا تجـزعي يا نفسُ مِنْ هـذا الذي

**************** كالفجـــرِ يبزغُ بعد ليــــلٍ مغــدقِ

فالعمــرُ يبـدأُ حين يكتمـلُ الفــتى

**************** عقــلاً وجســماً أو يُزان بمنطـــقِ

والشـيبُ بســتانُ الوقار ورمــزه

**************** فيه القلـوبُ على الغصـونِ كدُرَّقِ

فيه المشاعرُ والعواطفُ والصِبـا

**************** فيـه الشــبابُ مغلـَّفٌ في رونــــقِ


((وين هالشيبان يقرؤن هالقصيده))

مايدرون ان الشباب..شباب القلب والروح
ماهوب بالشكل الخارجي..

مدري وش اللي طرا علي ذا الشايب في هالوقت...

الله يعطينا وأياهم وأياكم الصحه والعافيه
ويحسن خاتمتنا..

،،

[خزنه بنت مايكل]

^




مو بعيد من شآيب ٍ عندنـآ .. لا صبّـغ شنبه سآفر ورآه لسوريآ مدري وش السر :d


و لا كشخ بالبنطلون تحسينهـ كآئن غريب لا ينتمي للآناقة بأي صله


آغلب اللي يصبغون قلوبهم خضر و لا آحطها بذمتي .. ودهم يعضون ذيول الشباب


بسنونهم



مآ دروآ ان الرجـآل اللي يصبغ حلآه قليل .. خصوصآ لا طآر نص الصبغ ودش


تودينه لآقرب حلاق يحلقه زيرو



بس حرآم لا تظلمين شآيبكم يمكن الميلآنين لآده ربي لآ يحوش شنبه



لآ هنتي على الموضوع الونيس

[™ عبد الله ™]

هذي سنـّة الحيــاه والطبيعه البشريـّــه ..

حتى بوقت الرسول(ص) كانت الحنـّـا عوضا ً عن الصبغ
مع اني الى الان مادري وش الحكمه من تحريم الصبغ وتحليل الحنـّا .. صحيح انها سنة نبويه
لكن هل كان بوقتهم صبغ !! واذا ما كان ؟ طيب ليه تم تحريمه !؟
يعني الان حنـّا اسود واحمر واشقر وكوكتيل والله يخلي الحواجين

أسـاس الموضوع ..
قلنا انها طبيعة بشريه .. للذكر والانثى
احلى حقبة في عمر الانسان .. هي (شبـابه)
مع اني ماحب الصبغ ولانيب ناوي ولو ان فيه كذا شعره مالهم داعي

لاهنتي عالموضوع .. وننتظر آراء اكثر إفــاده ..

[الغـــــزال]

المشاركة الأصلية كتبت بواسطة خزنه بنت مايكل

^
مو بعيد من شآيب ٍ عندنـآ .. لا صبّـغ شنبه سآفر ورآه لسوريآ مدري وش السر :d


و لا كشخ بالبنطلون تحسينهـ كآئن غريب لا ينتمي للآناقة بأي صله


آغلب اللي يصبغون قلوبهم خضر و لا آحطها بذمتي .. ودهم يعضون ذيول الشباب
بسنونهم
مآ دروآ ان الرجـآل اللي يصبغ حلآه قليل .. خصوصآ لا طآر نص الصبغ ودش
تودينه لآقرب حلاق يحلقه زيرو
بس حرآم لا تظلمين شآيبكم يمكن الميلآنين لآده ربي لآ يحوش شنبه
لآ هنتي على الموضوع الونيس

أجل عندنا وعندكم خير
بس أللي عندكم زقرت يلبس بنطلون
أنتِ تقولينه يمكن صدق ربي لاد هالميلانين منه
ولاأنتِ يالغلا..
وشاكره لش مرورك..

المشاركة الأصلية كتبت بواسطة ™ عبد الله ™

هذي سنـّة الحيــاه والطبيعه البشريـّــه ..

حتى بوقت الرسول(ص) كانت الحنـّـا عوضا ً عن الصبغ
مع اني الى الان مادري وش الحكمه من تحريم الصبغ وتحليل الحنـّا .. صحيح انها سنة نبويه
لكن هل كان بوقتهم صبغ !! واذا ما كان ؟ طيب ليه تم تحريمه !؟
يعني الان حنـّا اسود واحمر واشقر وكوكتيل والله يخلي الحواجين

أسـاس الموضوع ..
قلنا انها طبيعة بشريه .. للذكر والانثى
احلى حقبة في عمر الانسان .. هي (شبـابه)
مع اني ماحب الصبغ ولانيب ناوي ولو ان فيه كذا شعره مالهم داعي

لاهنتي عالموضوع .. وننتظر آراء اكثر إفــاده ..

يجوز صبغ الشعر بأي لون إلا باللون الأسود الخالص، فهو حرام؛ لأنَّ النبي صلى الله عليه وسلم قال: "غيروا هذا الشيب وجنبوه السواد" رواه مسلم.

صحيح كلامك أن أحلى حقبه هي الشباب..
لكن إلى متى؟..هذه هي سنة الحياة
والحنه لونها معروف...لكن باقي أنواع الحنه فيها خلط صبغات يعني كيماويات

وجعلك تشيب على الطاعه..
وشاكره لك مرورك..

[~*¤ بـعـيـدٍ مِـداهـا ¤*~]

هو يصبغ يتجنب الكبر
ويبي فرقا كلمه راحت عليه

على قولت الشاعر :

تعايرني بالشيب وهو وقار ،،، يا ليتها عيرتني بما هو عار

هو وقار بس وين اللي يفهم ؟!!


كل الشكر لك

[اَلَدَيَــــمَ]

وبعدين والله أني أشوف الشيب حلو كثير...ويعطي وقار أكثر

شباب وشيبوا قبل وقتهم...ولاصبغوه...(( و زادهم وسامه))

اذا جيتي بعمره ودي اقولك هالكلام واشووف بتقولين هالكلام والا لاا
ههههههههههههههههه
صحيح ان الشيب وقار ووسامه بس مااحد يبي يكبر

سلمتي ودمتي ومووضوعك لذيذ اؤؤي

[الغـــــزال]

المشاركة الأصلية كتبت بواسطة ~*¤ بـعـيـدٍ مِـداهـا ¤*~

هو يصبغ يتجنب الكبر
ويبي فرقا كلمه راحت عليه

على قولت الشاعر :

تعايرني بالشيب وهو وقار ،،، يا ليتها عيرتني بما هو عار

هو وقار بس وين اللي يفهم ؟!!


كل الشكر لك

شاكره لك مرورش..وتعليقش
لاهنتِ

المشاركة الأصلية كتبت بواسطة اَلَدَيَــــمَ

وبعدين والله أني أشوف الشيب حلو كثير...ويعطي وقار أكثر

شباب وشيبوا قبل وقتهم...ولاصبغوه...(( و زادهم وسامه))

اذا جيتي بعمره ودي اقولك هالكلام واشووف بتقولين هالكلام والا لاا
ههههههههههههههههه
صحيح ان الشيب وقار ووسامه بس مااحد يبي يكبر

سلمتي ودمتي ومووضوعك لذيذ اؤؤي

يمكن لاجيت في عمره أسوي شد وبوتكس بعد ماهوب صبغ

حتى المرأه في سن معين نستنكر عليها بعض الشغلات
يعني كل سن وله حقــه..
يعني لو شفت عجوز في 70 وصابغه..أسود ماراح أستنكر !؟
لكن سبحان الله..
انقلب الحال..صارت المرأه تقبل برحيل شبابها ولكن الرجل يصارع لآخر نفس
طبعا البعض وليس الكل

وشاكره لش مرورش..

[اَلَدَيَــــمَ]

عبدالله
الله يصلحك يالغلاا مايصير تكتب كذا >> (ص) << يعني كتبت قبلها وبعدها ووقفت ع ذي ؟؟

ماراح تكلفك شي بسيطه والله >> (عليه الصلاة والسلام)
تقبل همستي بصدر رحب

[شعاع]

السلام عليكم ورحمة الله وبركاته

هنياله هالشايب ماشاالله تبارك الرحمن


وبعدين وش حط الشيب حلو

الشيب مو عيب بس كريه

لامن جربتي بتشوفين


يسلمو ع الموضوع خيتو



تحياتي

[الغـــــزال]

المشاركة الأصلية كتبت بواسطة شعاع

السلام عليكم ورحمة الله وبركاته

هنياله هالشايب ماشاالله تبارك الرحمن


وبعدين وش حط الشيب حلو

الشيب مو عيب بس كريه

لامن جربتي بتشوفين


يسلمو ع الموضوع خيتو



تحياتي

وعليش السلام والرحمه

أيوالله الله يهنيه..ويخليه
أما من ناحية سؤالش...والله لكل شخص نظره
وأنا أشوفه حلو..

ومصيرنا بنجربه...وأن شاءالله مانيب مستنكرته

وشاكره لش مرورش خيتوو