فـاعـل خـيـر

[ابن حبنان]

فـاعـل خـيـر

انا ويـن ابلقـا يالاجاويـد فاعـل خيـر
حريـصٍ علـى سـر المحبيـن لرسلتـه

امن اول لو اصبر عام ما بان بـي تأثيـر
وهالحين حتى صبر يوميـن مـا احتلتـه

انـا مثـل صقـارٍ تولّـع بحـب الطيـر
ولف قلبـه افـروخ الشياهين وهبلتـه

تولعت فـي فـرخٍ قضيـبٍ يتـل السيـر
ابي لمحـةٍ مـن نظـرة الحـر وإسبلتـه

صغير بسنه غير عندي ماهوب اصغير
يا مغلاه فـي قلبـي ويـا كبـر منزلتـه

اجمع له سمان الهرج خـوفٍ مـن التقصيـر
والا جيت ابشرح لـه كلامـي تهيزلتـه

يجيني منه هيبة محبـه.. سحـى.. تقديـر
اقابلـه عنـدي علـم واروح مـا قلـتـه

[غنآتي]

[عبداللـه ال حبنان]

لاهنت وتقبل مروري وصح السانك ولسان شاعرهاااا

[مطنوخ خلقه]

انـا مثـل صقـارٍ تولّـع بحـب الطيـر
ولف قلبـه افـروخ الشياهين وهبلتـه

تولعت فـي فـرخٍ قضيـبٍ يتـل السيـر
ابي لمحـةٍ مـن نظـرة الحـر وإسبلتـه




صح لسان ابن جدلان

ابن حبنان طرحك في غاية الروعه

تحياتي

[(سعد بن محمد)]

صح السان شاعرها وناقلها

ولاهنت

[الــهــواوي]

لا هنـــت يـــآ ابن حبنـــآن وبيـــض الله وجهـــك والجــزآله ما تجي الا من الجــزل

وصــح اللســآنك واللســـآن شــــآعـــرهـــآ

[سعود المعيضي]

لاهنت ابن حبنان وصح السانك والسان الشاعر

[فتى ال صالح]

لاهنت بيض الله وجهك صح السان شاعره